​🥟 சீனக் கொழுக்கட்டை 🥟

Dumpling

கடைஞ்செடுத்த கஞ்சப் பயலுக்கு தர்மப்பிரபுன்னு பேரு வச்சா மாதிரி பெரும்பான்மை மக்கள் ஸ்லிம்மா வாழுற சீனாவில் உருவான ஒரு உணவுக்கு கொழுக்கட்டைன்னு யாரும் பேரு வைப்பாங்களா பாஸ்?

ஆனா நாம அப்படித்தானே வச்சி இருக்கோம். எதே கொழுக்கட்டை சீன உணவா? தமிழ்நாட்டு உணவு இல்லியா? ஆம்.! அதன் தாயகம் சீனா தான். இன்றல்ல நேற்றல்ல, இது கி. மு 206 இல் தோன்றியது! 

அப்படியே ஒரு டைம் மிஷின் ஏறி சீனப் பெருஞ்சுவர் கட்டுவதற்கு முன்பு இருந்த சீனாவுக்குள் போலாமா? கி.முவில் தோன்றிய ஜியாவோஸி (Jiaozi) . பின்பு கிபி 25ல் சீனாவெங்கும் பிரபலமானது.

கி.பி 25 - 206 இல் கிழக்கு ஹான் வம்சகாலத்தில் புகழ்பெற்ற சீன மருந்தியல்அறிஞர் ஜாங் ஜோங் ஜிங் என்பவரால் ஜியோவோஸி “மென்மையான காதுகள்” என்ற அர்த்தத்தில் அழைக்கப்பட்டது. 

ஒரு கடும் குளிர்காலத்தில் ஜாங் ஜோங்ஜிங்தனது சொந்த ஊருக்கு போகும் வழியில்பல ஏழை மக்கள் நல்ல உணவும் குளிர்உடைகளும் இல்லாததால் காதுகள்உறைந்து துன்பப்படுவதை அவர் கண்டார்.

அவர்களுக்காக ஆட்டிறைச்சி, கரு மிளகுமற்றும் உடலைச் சூடாக்கும் மூலிகைமருந்துகளை ஒன்றாக வேக வைத்து, அவற்றை சிறு சிறு துண்டுகளாக நறுக்கிசிறிய மாவு உறைகளுக்குள் நிரப்பினார். 

அவற்றை கொதிக்கும் நீரில் வேக வைத்து, சூடான ரசத்துடன் சீனப் புத்தாண்டு வரும்வரை மக்களுக்கு வழங்கினார். இந்தஉணவு பலரது உடல்நிலையும், உறைந்து போன காதுகளையும் குணப்படுத்தின.

அதன் பின்னர் ஜியோவோஸி சீனப் புத்தாண்டின் முக்கிய உணவானது. நமது ஊரில் பூரணம் போல அங்கு காய்கறி, இறைச்சி, முட்டை, கீரை என உள்ளே நிரப்பி வைத்து அதை வேக விட்டு பரிமாறுகிறார்கள்.

அங்கு ஜுன் மாதம் நடக்கின்ற டிராகன் திருவிழாவின் முக்கிய உணவு இது. இதற்கு Dim Sum, Dumpling போன்ற பெயர்களும் இதற்கு உண்டு. நம்மூர் அட்சய திருதியை போல அங்கு புத்தாண்டு.

புத்தாண்டு நள்ளிரவில் இதை குடும்பத்தினரோடு சேர்ந்து  சாப்பிடுவதுசெல்வமும் வளமும் பெருகும் என்றநம்பிக்கை இன்றும் சீன மக்களிடம்நிலவுகிறது. நம்மூர் இட்லி போல சீனாவில் கிடைக்கும்.

காலை, மாலை, இரவு என எல்லா நேரத்திலும் இதை சீனர்கள் வாங்கி சாப்பிடுகிறார்கள். தெருவோரக் கடைகள் முதல் ஐந்து நட்சத்திர ஓட்டல்கள் வரை நீக்கமற நிறைந்து இருக்கும் உணவு இந்த டம்ப்லிங்.

ஒரு பிளேட்டில் 10 டம்ப்லிங்குடன்  ஒருருசியான டிப்பிங் சாஸ் வழங்கப்படும். அதில் வினிகர், சோயா சாஸ், பூண்டு, இஞ்சி, அரிசிஒயின், காரச் சாஸ், ந.எண்ணெய்

போன்றவை முக்கியமானவை. 

இன்று செல்வத்தின் சின்னமாக உள்ள டம்ப்லிங் சீன மக்களின் கலாச்சாரம், குடும்பஒற்றுமை மற்றும் புத்தாண்டு மகிழ்ச்சியைபிரதிபலிக்கும் ஒரு அற்புதமான உணவாகவிளங்குகிறது.

​#கொழுக்கட்டை 🥟🥟

கொழுக்கட்டை என்று யார் சொன்னாலும்நமக்கு விநாயகர் சதுர்த்தி தான்நினைவுக்கு வரும். இந்தக் கொழுக்கட்டைசீன தேசத்து உணவு. அது எப்படி நமதுஇந்தியக் கடவுள் விநாயகருக்கு பிடித்தது? 

சீன பாரம்பரியத்தில் ‘எலி’ ஒருமுதன்மையான பிராணி. சீன ஆண்டுகளில்முதல் ஆண்டே எலி ஆண்டு தான். சீனஜோதிடத்தில் முதல் ராசியும் எலி தான். சீனாவில் எலி தான் 🐀 முதன்மையானது.

அது போல நமது இந்தியாவிலும்விநாயகரே முழு முதற்கடவுள். அவரதுவாகனம் மூஞ்சூறு 🐀 இதுவே விநாயகர்சதுர்த்திக்கு சீனாவின் கொழுக்கட்டையைபடைக்க காரணமென நம்பலாம். 

நம்மூர் கொழுக்கட்டைக்கு வருவோம், உலகின் எந்த ஒரு உணவு வகையைதமிழர்கள் பின் பற்றினாலும் அதில்பல்வேறு வகைகளை கண்டறிந்துவிடுவர். கொழுக்கட்டையும் அதுபோலவே. 

பூரணத்தை உள் வைத்து செய்யும்கொழுக்கட்டை, பல் கொழுக்கட்டை, பிடிகொழுக்கட்டை, இலை கொழுக் கட்டை, பால் கொழுக்கட்டை, மோதகம் என்று பலவிதங்களில் செய்முறை தமிழ்நாட்டில்உண்டு.

இலங்கை கொழுக்கட்டையில் பயறுசேர்ப்பது வழக்கம். அதுதான் நம்மூரில்மோதகம். பாலிலும், தேங்காய்ப் பாலிலும்செய்யப்படும் கொழுக் கட்டை என திரவவடிவ கொழுக் கட்டைகளும் உண்டு. 

கொழுக்கட்டை நமது சில விழாசடங்குகளில் முக்கியப் படையலாகபடைக்கப்படுகிறது. விநாயகர் சதுர்த்திதவிர, அவ்வை நோன்பு எனும்எக்ஸ்க்ளூசிவ் பெண்கள் வழிபாட்டிலும்இப்படையல் உண்டு. 

ஆண்கள் அவ்வையாரை மட்டும் இல்லைஅவ்வை நோன்பு கொழுக் கட்டையையும்பார்த்ததில்லை. சதுர்த்தியன்று செய்துபடைக்கும் படையலில் பூரணக் கொழுக்கட்டையே ருசியில் மிகச் சிறந்தது. 

பிடி கொழுக்கட்டையில் அவல்கொழுக்கட்டை தான் டாப். இதற்கு மல்லிதக்காளி சட்னி இருந்தால் அசத்திவிடும். பால் கொழுக்கட்டை வகைகள் எப்போதும்ஒரு சிறந்த டெஸர்ட் வகை உணவுகளாகும்.

அதை நல்ல சூடாகவும் ஜில்லெனகுளிர்வித்தும் ருசிக்கலாம். இலைகொழுக்கட்டை அவிட தேசத்தில்அடிப்பொலியாக இருக்கும். அங்கேபிரதமன் போன்ற பருப்பு பாயாசக்கொழுக்கட்டையும் ருசிக்க ஏற்றது.

பூரணத்தில் வெல்லம், ஏலக்காய், தேங்காய்சேர்த்து செய்வதே மிக ருசியானது. பருப்புப்பூர்ணம், டிரை ஃப்ரூட்ஸ் & பேரிச்சைபூர்ணம், குல்கந்து பூர்ணம் எனச் செய்யும்எல்லா வகைகளும் பரிபூரணமே. 

பிடி கொழுக்கட்டையிலும் இனிப்பு, காரம்என இருவகைகள் உண்டு. மீதமானஇட்லிகளை உதிர்த்து என் அம்மா செய்யும்பிடி இட்லி கொழுக் கட்டை மிக மிகதனித்துவமானது. எப்போது நினைத்தாலும்வாயூறும்.

கொழுக்கட்டை இன்று மோமோஸ் வடிவம்எடுத்து ஜென் சி தலை முறைகளின் நாவில்தங்கிவிட்டது. சீஸ், கார்ன், மஷ்ரூம், பனீர்என சைவத்திலும் சிக்கன், ப்ரான், எக் எனஅசைவத்திலும் கிடைக்கிறது. 

சீன உணவகங்கள் சென்றால் கீரை சேர்த்தகொழுக்கட்டை வாங்கி ருசிக்கமறந்துவிடாதீர்கள். இப்படி சீனாவில்தோன்றி செட்டிநாட்டு சீனா தானா வரைபுகழ் பெற்றதே கொழுக்கட்டையின்வரலாறாகும். 

உணவுக் கலாச்சாரங்களுக்கு பின்னால் பலதேசங்களை இணைக்கும் பிணைப்புஉள்ளது. அப்படித் தான் ஆசியாவின் 2 பெரும் தேசங்களை இணைக்கும் பாலம்இந்தக் கொழுக்கட்டைகள். 

✍🏽 இது மிகையில்லை நான் கண்டஉண்மை. (கண்ணதாசன் வரிகள்) 

🥟 கணபதி பப்பா 万岁  (வான் சுவே) 🥟