மன்மோகன் - விஜயகாந்த் சந்திப்பு..!
ஒரு கற்பனை உரையாடல்...
பிரதமரின் உதவியாளர்: கேப்டன் உங்களுக்கு15 நிமிடம் தான் டைம் ஒதுக்கப்பட்டு இருக்கு.
கேப்டன்: ஏய்ய்ய் தமிள் நாட்டுல உங்க கட்சியே ஒதுக்கப்பட்டுருக்கு..
பி.உதவி: அய்யய்யோ சார்... உங்களை மாதிரி இன்னும் பல பேர் அவர சந்திக்க வருவாங்க அவங்களுக்கும் டைம் ஒதுக்கி இருக்கு அடுத்து அருண்ஜி வர்றாரு அததான் சொன்னேன்..
கேப்டன்:(மனதிற்குள் அருண்பாண்டியன் மைக்கேல் ராயப்பன் முகங்கள் வந்து போகிறது) அப்ப ஒப்புக்கு தான் என்னை கூப்பிட்டு இருக்காங்களா?) அவங்க தான் என் கட்சியிலேயே இல்லியே...அவங்களை ஏன் கூப்புட்டீங்க?
பி.உதவி : அய்யோ நீங்க நினைக்குற அருண் இல்ல கேப்டன் இது அருண்ஜேட்லி...
கேப்டன்: ஜெட்லியா அவரும் என்னை மாதிரியே பறந்து பறந்து உதைக்கற நடிகராச்சே அவர் எப்ப கட்சி ஆரம்பிச்சாரு?
பி.உதவி: இது அந்த ஜெட்லி இல்லை ஜேட்லி...ம்ம் கேப்டன்..நீங்க டெரரா பேசுவிங்கன்னு கேள்விப்பட்டு இருக்கேன் இப்பதான் பாக்குறேன்....(மணி ஒலிக்கிறது) போங்க பிரதமர் கூப்புட்டாரு.. (பி.உதவி முகத்தில் தப்பித்த நிம்மதி)
அறைக்குள் நுழைகிறார் கேப்டன் அவரை வரவேற்கிறார் மன்மோகன்...
மன்: ஆயியே..ஆயியே கேப்டன் ஜி இதர் பைட்டோ...
கேப்: ஒரு நிமிசம் ஜி... நான் ஆயி அப்பனோட வரவும் இல்ல..இப்ப பைட் பண்ற மூடுமில்ல...
மன்: (சுதாரித்து) இருங்க அப்ப நான் ஒரு மொழி பெயர்ப்பாளர கூப்பிடுறேன்... ஈ.வி.கே.எஸ் ஓகேவா?
கேப்: அதுக்கு நீங்க என்னை வெளிய போன்னு கூட சொல்லியிருக்கலாம்... அவர் வேணாம் நானே சமாளிக்கிறேன்...
மன்: சொல்லுங்க கேப்டன் பார்ட்டி எப்படி போகுது?
கேப்: இல்லிங்கஜி இப்பல்லாம் நான் எந்த பார்ட்டிக்கும் போகுறதில்ல..
மன்: (தன் தலையிலடித்து கொண்டே) அதில்லிங்க கேப்டன் ஜி உங்க கட்சி எப்படி போகுது?
கேப்: உள்ளுக்குள்... (என் கண்ட் ரோல்ல இல்லாம போகுது) அதாவது... அடுத்த பிரதமர நிர்ணயிக்க போறது கேப்டன் தான்னு தமிளக மக்கள் பூரா பேசிக்குறாங்க...ஜி
மன்: நம்ம தமிழக மக்களா கேப்டன் ஜி?
கேப்: ஆமா ஜி... பிரேமலதா,என் மச்சான் சுதீசு,என் பசங்க பிரபாகரன்,சம்முக பாண்டி இவங்க எல்லாம் தினமும் 100 தடவை என் முன்னாடியே இப்டி பேசுறாங்கன்னா பாருங்களேன்!
மன்: இவங்க உங்க வீட்டு ஆளுங்க இல்ல!
கேப்: அதனால என்ன ஜி? அவங்களும் தமிள் நாட்டு மக்கள் தானே! நான் வீடு வேற நாடு வேறன்னு என்னிக்கும் பிரிச்சு பாத்ததில்லை..
மன்: ம்ம் அதே மாதிரி தான் இங்கயும்... அடுத்து காங் ஆட்சி தான்னு அறிக்கை விடச் சொல்றாங்க நம்ம அன்னை..குபீர்ன்னு வர சிரிப்ப அடக்கிக்கிட்டு அத சொல்றதுகுள்ள என் உயிர் போகுது.. அதுக்கு இது ஒண்ணும் அவ்ளோ பெரிய காமெடி இல்ல..
கேப்: ஆமா நீங்க ஏன் இன்னும் பிரியங்கா வீட்டுக்காரரை அரசியலுக்கு கொண்டு வரலை?மச்சான் கூட இருந்தா அது எவ்வளவு நல்லதுன்னு நம்ம ராகுலுக்கு தான் தெரியலை நீங்க சொல்லக்கூடாதா?
மன்:கேப்டன் ஜி...நீங்க என்ன பேசறங்கன்னு தெரியாம பேசுவிங்கன்னு கேள்விபட்டு இருக்கேன் இப்பதான் பாக்குறேன்... நான் சொல்றத அவங்க கேக்க மாட்டாங்க... அவங்க சொல்றத தான் நான் கேக்கணும் அதான் எங்க டீலிங்! பட் இந்த டீலிங் எனக்கு ரொம்ப பிடிச்சிருந்தது...
கேப்: (கோபமாக) ஜி பாத்திங்களா எனக்கு பிடிக்காத ஆளு பட டயலாக்க சொல்லி என்ன கடுப்பேத்துறிங்க..
மன்: ஓகே கேப்டன் ஜி நம்ம டீலிங் பேசறதுக்கு முன்னாடி கூலிங்கா எதும் சாப்பிடலாம் ஒகே..
அவங்க சாப்பிட்டுட்டு வருவாங்க நாமளும் போய்ட்டு வருவமா...
தொடரும்....
மன்மோகன் - விஜயகாந்த் சந்திப்பு..!
ஒரு கற்பனை உரையாடல்... பார்ட் - 2.
தேநீர் இடைவெளிக்குப் பின்... (சத்தியமாக தேநீர் தான் என நம்பவும்) தொடர்கிறது உரையாடல்...
மன்:ஓகே கேப்டன் ஜி.. கூட்டணி யார் கூடன்னு இப்பவாவது "தெளிவா" முடிவெடுத்துட்டிங்களா?
கேப்: அததான் உளுந்தூர்பேட்டை மாநாட்டில் "தெளிவா" சொல்லிட்டேனே தலைமை எடுக்கும் முடிவுக்கு தொண்டர்கள் கட்டுப்படுவாங்க ஆனால் அவங்க ஆசை தனிச்சு நிக்கறது தான்னு... இதவிடத் தெளிவா யாருங்க சொல்ல முடியும்...நீங்க என்னா நினைக்குறிங்க ஜி?
மன்: காங் கட்சியில பிரதமரா இருக்கறத விட உங்க கட்சி தொண்டனா இருக்குறது சிரமம்ன்னு சொல்ல வரேன் கேப்டன் ஜி..!
கேப்: பாத்திங்களா என் கட்சி தொண்டனா இருக்கறதுக்கே சிரமம்ன்னா தலைவனா இருக்குற எனக்கு எவ்வளவு சிரமமம் இருக்கும்..!
மன்: அத விடுங்க கேப்டன்.. ஊழல் எதிர்ப்பு மாநாடுன்னு நடத்திட்டு எங்க கூட சேந்தா உங்களை மக்கள் நம்புவாங்களா?
கேப்: அதுக்கு ஒரு ஐடியா இருக்கு... உங்க ஆளு நாராயணசாமி கிட்ட ஆமா நாங்க ஊழல் கட்சி தான்னு சொல்ல சொல்லி ஒரு அறிக்கை விடச் சொல்லுங்க... மக்கள் அத வழக்கம் போல நம்பவே மாட்டாங்க... எப்புடி!
மன்: ஆஹா! சூப்பர் ஐடியா கேப்டன் இதுக்காகவே உங்க கூட நாங்க கூட்டணி வைக்க விரும்பறோம்..
கேப்: வைக்கலாம் ஆனா எவ்வளவு தருவிங்கன்னு தெரிஞ்சா மேற்கொண்டு பேசலாம்..
மன்: அது சரி நீங்க பிடி கொடுத்து போக மாட்டேங்குறிங்கன்னு தமிழகத்துல பல பேரு சொல்றாங்களே ஜி..
கேப்: ஜி... நல்லா தெரிஞ்சுக்குங்க நட்புக்கு பாலம் போடறேன்னு இப்ப சொல்றவங்க தான் அன்னிக்கு பாலத்துக்காக என் மண்டபத்தையே இடிச்சாங்க (கண் சிவக்கிறது)
மன்: சரி விடுங்க கேப்டன் ஜி பாலம் தான போச்சு.. உங்க தன்மானம் போகலியே..
கேப்: (சாந்தமாகி புன்னகைக்கிறார்) அட பரவால்லையே நீங்க இவ்வளவு நல்லா பேசறிங்க ஆனா நீங்க பேசவே மாட்டிங்கன்னு ஊரு ஃபுல்லா பேச்சிருக்கு...அது ஏன் ஜி?
மன்: அதான் சொன்னேனே டீல் அப்டின்னு.!எனக்கும் எங்காவது கண் காணாத இடத்துக்கு போயி நின்னு நல்லா பேசிப்பாக்கணுன்னு ஆசை ம்ம்ம் விடுங்க இன்னும் ஒரு 3 மாசத்துல அது நடக்காமயா போயிடும்..? ( சொன்னதன் விபரீதம் புரிந்து நாக்கை கடிக்கிறார்)
கேப்: என்ன ஜி நான் தான் எப்பவும் நாக்கை கடிப்பேன் இன்னிக்கு நீங்க கடிக்கிறிங்க?
மன்: இல்ல நான் தனியா அது வந்து நான் இப்ப சொன்னது... அர்த்தம் அதில்ல ஏன்னா...
கேப்: அட ஏன் தடுமாறுறிங்க ஜி இந்த தேர்தலில் பிரதமர் வேட்பாளரா நிக்க உங்களுக்கு விருப்பம் இல்ல அதானே...
மன்: ஆமாங்க ஜி.. இந்த முடிவக்கூட என்னால சொல்ல முடியலை...சரி விடுங்க ஆமா எங்க கூட்டணிக்கு வந்தா உங்களுக்கு எத்தன சீட் வேணும்?
கேப்: எனக்கு 20 உங்களுக்கு 20 அதை நீங்க யாருக்கு வேணா குடுங்க ஜி?
மன்: 20 எங்களுக்கா அத யாருக்குன்னு பிரிக்கறது? எங்களுக்கு 2 கூட தேறாதே...
கேப்: மனதிற்குள் ( இந்த தேர்தல்ல உங்க கட்சியே தேறாது) 20 சீட்ன்னா 20 தான் அதுல மாற்றமே இல்ல..ஏன் இத தர முடியாதா?
மன்: உங்க அப்பாயிண்ட்மெண்ட வேணா 20 நிமிஷம் கூட்டித்தர்ரேன். இறங்கி வாங்க ஒரு 10 சீட் வாங்கிக்கங்க ஜி..
கேப்: (சிரிக்கிறார்) பிஜேபி 11 சொன்னத வேணாம்ன்னு சொல்லிட்டு வந்துருக்கேன் நீங்க 10 சொல்றிங்க இது என்ன நியாயம் ஜி?
மன்: சரி அதே11 தர்றோம் ஓகேவா கேப்டன்...
கேப்: நீங்க பிரதமரா இருக்கிங்கன்னு பாக்கிறேன் சரி உங்களுக்காக சொல்றேன் கடைசியா 15 சீட்டுன்னா ஓகே..
மன்: 15 ஆ..! சரிங்க மேலிடத்துல தான் இதை முடிவு பண்ணணும் எனக்கு அவங்க சொல்ல சொன்னது 11 தான்..
கேப்: அப்ப முடிவு பண்ணிட்டு சொல்லுங்க நான் வர்றேன்.. (கிளம்புகிறார்)
மன்: வெளிய பத்திரிக்கைகாரங்க கிட்ட என்ன சொல்லுவிங்க கேப்டன்?
கேப்: ஹா ஹ்ஹா... சம்முகபாண்டி நடிக்குற பட ஆடியோ ரிலீசுக்கு உங்களை அளைக்க வந்தேன்னு சொன்னா சிரிச்சுக்கிட்டே நம்புவாங்க... வரட்டுமா... ஆங்க்...
பிரதமர் மூர்ச்சையாகிறார்...
