🐠 6 வகையான மீன் & இறால் ரெஸிபிகள்..🐟

#வெங்கிஸ்_கிச்சன் 

🔴 கத்திரிக்காய் மீன் குழம்பு 🔴 

தேவையானவை : முரல் அல்லது ஊளி மீன் - 1/2 கிலோ, கத்திரிக் காய் - 1/4 கிலோ, தக்காளி - 5, சின்ன வெங்காயம் - 20, பச்சை மிளகாய் - 2, பூண்டு - 6 பற்கள், புளி - எலுமிச்சை அளவு, மல்லி, கருவேப்பிலை - சிறிது, எண்ணெய் - 3-4  டேபிள்ஸ்பூன், கடுகு, உளுத்தம்பருப்பு, வெந்தயம் - தலா அரை டீஸ்பூன், SHD மீன் மசாலா - 30 கிராம், மிளகாய்த்தூள் - 1 tsp, உப்பு - தேவைக்கு.

�செய்முறை : முதலில் புளியை ஊறவைத்துகரைத்து வைக்கவும். மீன் துண்டுகளை சுத்தமாககழுவி நீரை நன்கு வடிகட்டிவிட்டு சிறிது புளி கரைசல்மஞ்சள், உப்பு போட்டு தடவி ஊற வைக்கவும். கத்திரிக்காயை நான்காக (மட்டும்) கீறி இதரகாய்களை சிறிதாக நறுக்கி வைக்கவும். மண் சட்டிஅல்லது மீன் குழம்பு சட்டியில்.. 

எண்ணெய் விட்டு சூடானதும் கடுகு, உளுத்தம்பருப்பு, வெந்தயம் சேர்க்கவும். பிறகு கறிவேப்பிலைசேர்த்து வெடித்து வரும் பொழுது, பச்சை மிளகாய், பூண்டு பல், நறுக்கிய வெங்காயம் சேர்த்து நன்குவதக்கவும். பின்பு நறுக்கிய தக்காளி சேர்த்து நன்குகுழைய வதக்கவும். பிறகு நறுக்கிய கத்திரிக்காய்உப்பு சேர்த்து..

பிரட்டி விடவும். 5 நிமிடங்கள் மூடி போட்டுகத்திரிக்காயை சிம்மில் வேக வைக்கவும். கத்திரிக்காய் நன்கு வெந்து இருக்க வேண்டும். குழைந்து உடைந்து விடக்கூடாது. இப்போதுபாத்திரத்தை திறந்து SHD மீன் மசாலா, மிளகாய்த்தூள் (option)  சேர்த்து நன்கு பிரட்டிவிடவும் இதன் பின்னர் மீன்..

துண்டுகளைச் சேர்த்து சிறிது நீர் சேர்க்கவும். குழம்புகொதித்து மீன் வெந்து வரும் போது தேவைக்கு நீர்சேர்க்கவும். உங்களுக்குத் தேவைப்படும் கெட்டித்தன்மைக்கு ஏற்றபடி நீர் சேர்க்கலாம். இப்போதுஅடுப்பைக் குறைத்து விடவும் சிம்மில் ஐந்து நிமிடம்வைத்து அடுப்பை அணைக்கவும். விரும்பினால்..

நறுக்கிய மல்லித் தழை சிறிது சேர்த்து மூடிவைக்கவும். மேலே எண்ணெய் பிரிந்து வந்துதிரண்டு இருந்தால் கமகம கத்திரிக்காய் மீன் குழம்புரெடி. மீன் நன்கு வெந்த பின்பு கரண்டியில்கிளறுவதை கவனமாக செய்யவும். ஐந்து நிமிடத்தில்மீன் வெந்து விடும். சட்டியை திறந்தே சமைத்தால்மீன் உடையாது. 

புளி,காரம் அளவு  உங்கள் விருப்பமே. மிளகாய்த்தூள்ஆப்ஷன் தான்! இதில் தேங்காய்அரைத்ததும்சேர்க்கலாம் - அரை கப் தேங்காய்ப்பால் அல்லதுதேங்காய் அரைத்து குழம்பு கொதித்து வரும்நிலையில் சேர்க்கவும். தேங்காய் அரைத்து விட்டுஐந்து நிமிடம் அவ்வளவே அதற்கு மேல் வைக்கவேண்டாம். 

இந்த மீன் குழம்பு முதல் நாள் சாதத்திற்கும் மறுநாள்இட்லி தோசைக்கும் பிரமாதமாக இருக்கும். மறுநாள்குழம்பில் கத்திரிக்காயே மீனாகி நாவில் இனிக்கும்அந்த ருசி உங்களை மயக்கும்! குழம்பை சூடாக்கிசுண்ட வைத்தது தயிர் சாதத்திற்கு தொட்டுக்கொண்டால் ருசி வேற வேற வேற லெவலில்இருக்கும்!

#வெங்கிஸ்_கிச்சன்

🔴 மீன் தொக்கு 🔴

{மீன் தொக்கிற்கு அதிக முள்ளில்லாத மீன் தான்பெஸ்ட்! டூனா (சூரை) வாவல், சாலமன், வஞ்சிரம், சீலா, கணவாய், இறால், நெத்திலி, சாளை, போன்றவை பெஸ்ட்! பெரிய மீனை படுக்கை வசமாகமுள்ளின்றி கட் செய்வதே பெல்லட் எனப்படும்! அதைஉங்கள் விருப்பம் போல கட் செய்து கொள்ளவும்}

மீனை மேரினேட் செய்ய தேவையானவை : 250 கிராம் முள்ளில்லா மீன் (ஃபில்லட் கட்), 1/2 டீஸ்பூன் - மிளகாய் தூள், 1/4 டீஸ்பூன் - மஞ்சள் தூள், 1/2 டீஸ்பூன் - சில்லி ப்ளேக்ஸ்,1 டீஸ்பூன் - ப்ளைன்வினிகர்,1 tbs - தேங்காய் எண்ணெய். (மசாலாதூள்களுக்கு பதில் ஆப்ஷன் - 2 டீஸ்பூன் SHD மீன்மசாலா)

தொக்கு செய்ய :  fresh கறிவேப்பிலை - 1 ஒரு சிறுசரம், 1 tbs - தேங்காய் எண்ணெய், 2 tbs - துண்டுதுண்டாக வெட்டப்பட்ட பூண்டு, 2 tbs - துண்டுதுண்டாக வெட்டப்பட்ட இஞ்சி, வெட்டப்பட்டவெங்காயம் -2,1 டீஸ்பூன் -  பெப்பர், 2 - தக்காளி, நறுக்கியது, உப்பு - தேவைக்கு.

செய்முறை : முள் இல்லாத மீன் இறைச்சியைஉங்களுக்கு விருப்பமான வடிவில் கட் செய்து நன்குகழுவி சுத்தம் செய்து வைக்கவும்! ஒரு அகலக்கிண்ணத்தை எடுத்து அதில் சில்லி ப்ளேக்ஸ், மிளகாய் தூள், மஞ்சள் தூள், வினிகர் மற்றும்தேங்காய் எண்ணெய் சேர்த்து கைகளால் கலக்கிவிழுது போல ஆனதும்.. 

அதில் கழுவி சுத்தம் செய்த மீனை இதில் சேர்த்துநன்றாகப் பிரட்டிக் கலக்கவும். அதை 20 நிமிடங்கள்தனியே ஊற வைக்கவும். ஒரு கடாயை அடுப்பில்வைத்து தேங்காய் எண்ணெய் விட்டு சூடாக்கி, அதில்ஊறிய மீன் துண்டுகளை சேர்த்து சுமார் 4 நிமிடங்கள்சமைக்கவும். மீன் துண்டுகளை எல்லா புறமும்.. 

திருப்பவும், மீன் அனைத்து பக்கங்களிலும் பிரவுனாகவந்ததும்

எண்ணெயிலிருந்து மீனை அகற்றி ஒரு தட்டில்ஒதுக்கி வைக்கவும். மீனை வறுத்தவுடன் கடாயில்கிடக்கும் எண்ணெயை மசாலா செய்வதற்குபயன்படுத்துவோம். அதே கடாயில், நறுக்கிய இஞ்சி, நறுக்கிய பூண்டு மற்றும் கறிவேப்பிலை சேர்க்கவும்.

அதில் நறுக்கிய வெங்காயத்தைச் சேர்த்து ஐந்துநிமிடம் வதக்கவும். ஒரு டீஸ்பூன் பெப்பர் சேர்க்கவும். சில நொடிகள் வதக்கவும். நறுக்கிய தக்காளியைவாணலியில் சேர்க்கவும். ஒரு சில தேக்கரண்டிதண்ணீர் சேர்த்து ஒரு மூடி கொண்டு பாத்திரத்தைமூடி, மிதமான தீயில் 5-7 நிமிடங்கள் சமைக்கவும். 

கடாயை மூடுவது தக்காளியை குழைவான நிலையில் சமைக்க உதவும் தக்காளி வெந்த பின்வெங்காயம் மற்றும் தக்காளி இரண்டும் நன்குதொக்கு பதம் இருப்பது போல் வந்ததும் உப்பு சேர்த்துஇதில் வறுத்து வைத்த மீன் துண்டுகளை சேர்க்கவும்சேர்த்த பிறகு, ஒரு முறை இதை நன்கு பிரட்டிகடாயை மூடி.. 

மேலும் 2 நிமிடங்கள் சமைக்கவும். மீன் கறிஅனைத்து மசாலாக்களையும் நன்கு உள்ளிழுத்துக்கொள்ளும்!

இறுதியாக கொஞ்சம் பொரித்த கறிவேப்பிலைதூவவும். ருசியான அல்டிமேட் மீன் தொக்கு தயார். இந்தத் தொக்கை சூடான வெள்ளைச் சாதம் மற்றும்சிறிது நெய் சேர்த்து பரிமாறவும்!

இந்த கிரேவியை உங்களுக்கு தேவைப்படும்அளவிற்கு கெட்டியாகவோ அல்லது தளர்வாகவோவேண்டுமெனில் அதற்கு தக்கபடி நீர் அளவைசேர்க்கவோ குறைக்கவோ செய்யவும்! சில்லிப்ளேக்ஸ், மிளகாய் தூள், மஞ்சள் தூளுக்கு பதிலாகSHD மீன் மசாலா பவுடர் பயன்படுத்தி சமைத்துருசித்து மகிழுங்கள்! 

#வெங்கிஸ்_கிச்சன்

🔴 மாங்காய் மீன்குழம்பு 🔴

தேவையான பொருட்கள் : மீன் - அரை கிலோ, மாங்காய் - 1 சின்ன வெங்காயம் - 100 கிராம், தக்காளி - 3, பச்சை மிளகாய் -2 இஞ்சி, பூண்டுவிழுது - 2 டீ ஸ்பூன், மிளகாய்த் தூள் - ஒன்றரைடீஸ்பூன், மல்லித்தூள் - 3 டீஸ்பூன், சீரகத் தூள் - கால்ஸ்பூன், மிளகுத்தூள் - கால் ஸ்பூன், மஞ்சள் தூள்- அரை டீ ஸ்பூன், தேங்காய்ப் பால் - 1 சிறிய கப், மல்லி கருவேப்பிலை - சிறிது, புளி - பாதி எலுமிச்சைஅளவு, எண்ணெய் - 4 டேபிள்ஸ்பூன், கடுகு - 1/2 டீஸ்பூன், வெந்தயம் - 1/2 டீஸ்பூன், உப்பு - தேவைக்கு.

குழம்பு செய்முறை : மீனை நன்றாக சுத்தம் செய்துகழுவி மஞ்சள் உப்பு போட்டு அலசி வைக்கவும். வெங்காயம், தக்காளி, மல்லி இலை பொடியாகநறுக்கி வைக்கவும். குண்டான சதை பற்றானகொட்டையில்லாத சிறிய மாங்காய் ஒன்றைதுண்டுகளாக நறுக்கி வைக்கவும் புளிஊறவைக்கவும்தேங்காய் அரைத்து வைக்கவும். வாணலியில்எண்ணெய் விட்டு காய்ந்ததும் கடுகு, வெந்தயம், கருவேப்பிலை தாளித்து அத்துடன்.. 

வெங்காயம், இஞ்சி, பூண்டு விழுது சேர்த்துவதக்கவும், தக்காளி, பச்சை மிளகாய்,சிறிது உப்புசேர்த்து மூடவும், நன்கு மசிந்து விடும்,அத்துடன்மிளகாய்த்தூள், மல்லித்தூள், சீரகத்தூள், மிளகுத்தூள் சேர்த்து வதக்கி கரைத்த புளிக்கரைசலை விட்டு கொதிக்க விடவும்.மசாலா வாடைஅடங்கி மணம் வரவேண்டும். நன்கு கொதி வந்தஉடன் ஸ்டவ்வை மிதமாக எரிய விடவும். 

அப்போது நறுக்கிய மாங்காய் சேர்க்கவும் சிறிதுகொதி வரவும் மீனை போடவும். மாங்காயும் மீனும்வெந்து வரும் போது அரைத்த தேங்காய் விழுதைசேர்க்கவும். நன்கு கொதிவரவும் அடுப்பை சிம்மில்வைத்து எண்ணெய் மேல் வர இறக்கிவிடவும்ருசியான மாங்காய் மீன் குழம்பு ரெடி! மல்லித் தழைதூவி இறக்கவும். நறுக்கிய மாங்காய்,சிறிது நறுக்கியஇஞ்சி,பூண்டு சேர்வதால் குழம்பு சூப்பராக இருக்கும்.

குறிப்புகள் : தேங்காய் சேர்க்காமலும் இந்தக்குழம்பை வைக்கலாம். மாங்காய் சேர்ப்பதால் புளிஅளவை ருசி பார்த்து குறைக்கவும். புளிப்பான குண்டுமாங்காய் தான் மிகச் சிறந்தது. மாங்காயில்இனிப்போ கசப்போ இருக்கக்கூடாது. மாங்கொட்டைசேர்க்க வேண்டாம்.

சதைப் பகுதி மட்டும் சேர்க்கவும். மாங்காயை தோல்சீவத் தேவையில்லை! கத்திரிக்காய் அளவுமாங்காயை வெட்டவும் அல்லது குழம்பில் செள செளகாய் போல வெட்டிப் போடவும் ! இந்தக் குழம்பு சூடாகசாப்பிடும் போது ஒரு ருசியிலும் மறுநாள் காலைசாப்பிடும் போது இன்னொரு ருசியிலும் பட்டையைக்கிளப்பும் இட்லிக்கு பக்கா இணை!

#வெங்கிஸ்_கிச்சன்

🔴 நெய்மீன் குழம்பு 🔴

தேவையானவை : நெய் மீன்  - 1/2 கிலோ, நறுக்கியசி. வெங்காயம் - 7, புளி - 1 எலுமிச்சை அளவு, தேங்காய் எண்ணெய் - 2 ஸ்பூன், கடுகு -1/2  டீஸ்பூன், வெந்தயம் - 1/2 டீஸ்பூன், மல்லித்தழைகள் - சிறிது, உப்பு - தேவையான அளவு.

 

அரைக்க : தேங்காய் துருவல் - 1 கப், மிளகாய் தூள் - 1 ஸ்பூன், சீரகத் தூள் - 1 டீஸ்பூன், மல்லித் தூள் - 1 டீஸ்பூன், வரமிளகாய் - 6, கறிவேப்பிலை - 10

செய்முறை : நறுக்கிய மீனை சிறிது மஞ்சள் தூள்தடவி 3 நிமிடம் ஊறவிட்டு பிறகு நன்கு கழுவி சுத்தம்செய்து கொள்ளவும்.

புளியை நீரில் 10 நிமிடங்கள் ஊற வைத்து நன்குகரைத்து வைக்கவும்.

பிறகு அரைக்கும் பொருட்களை எல்லாம் அரைத்துவைக்கவும்.

ஒரு பாத்திரத்தை அடுப்பில் வைத்து அதில் அரைத்தபேஸ்ட்டை போட்டு தேவையான அளவு நீர் விட்டுகலக்கவும்.

அதனுடன்  புளி கரைசல் மற்றும் உப்பு சேர்த்து நன்குகலக்கவும்.

இதில் மீன் துண்டுகளைப் போட்டு 10 நிமிடங்கள்வேக விடவும்.

ஒரு வாணலியில் தேங்காய் எண்ணெய் விட்டுசூடானதும் கடுகு வெந்தயம் போட்டு தாளித்து..

அதனுடன்  கறிவேப்பிலை மற்றும் வெங்காயம்போட்டு பொன்னிறமாக வதக்கவும். 

மீன் குழம்பு கொதித்து நன்கு எண்ணெய் பிரிந்துமேலே வரும் போது..

தாளித்ததை மீன் குழம்பில்  ஊற்றவும்மல்லித்தழைகள் தூவி இறக்கி வைக்கவும்.

ருசியான நெய்மீன் குழம்பு ரெடி. சூடான சோறு, இட்லி, தோசை அனைத்திற்கும் அற்புதமாகஇருக்கும்.

ஒரு நாள் வைத்திருந்து மறுநாள் சாப்பிட்டால் இதற்குஒரு ஸ்டார் கூடும்.

🐟 குறிப்புகள் : இதில் குழம்பு கொதித்த பின்புதேங்காய்பால் சேர்க்கும் முறையும் உண்டு.

🐟 தக்காளி சேர்ப்பது அவசியம் இல்லைதேவையெனில் 1 சேர்க்கலாம்.

🐟 எண்ணெய் அதிகமுள்ள மீன் இது என்பதால்ஆயில் அதிகம் சேர்க்கத் தேவையில்லை.

🐟 குழம்பில் மாங்காய் போட்டு வைத்தால் புளிஅளவை சிறிது குறைத்து பச்சை மிளகாய்சேர்க்கவும்.

#வெங்கிஸ்_கிச்சன்

🔴 சங்கரா மீன் குழம்பு 🔴 

தேவையான பொருட்கள்: சங்கரா மீன் – அரை கிலோ, புளி – எலுமிச்சை அளவு, வெங்காயம் – 3, தக்காளி – 3, வெந்தயம் – 1 டீஸ்பூன், மஞ்சள் தூள் – 2 டீஸ்பூன், மிளகாய்ப் பொடி – 1 மேஜைக் கரண்டி, உப்பு – ருசிக்கேற்ப சேர்க்கவும், எண்ணெய் – 1 மேஜைக்கரண்டி, கருவேப்பிலை – 1 கொத்து.

செயல்முறை : சங்கரா மீனை செதில், குடல்பகுதிகளை நீக்கி சுத்தம் செய்யவும். சுத்தம் செய்தமீனை மஞ்சள் தூள் தூவி வைக்கவும். புளியைஊறவைத்து 2 தம்ளர்(பெரிய அளவு தம்ளர்) அளவுக்கு கரைத்து வைக்கவும். தக்காளி, வெங்காயத்தைப் பொடியாக நறுக்கி வைக்கவும்.

ஒரு அகலமான வாணலியில் எண்ணெய் ஊற்றிகாயவைக்கவும். காய்ந்த எண்ணெயில்வெந்தயத்தைப் போட்டு வெடிக்கவிடவும். வெங்காயத்தை இதில் போட்டு சடசடப்பு அடங்கி, லேசான பொன்னிறம் வரும்வரை வதக்கவும். இப்போது 

கருவேப்பிலையைப் போட்டு, வதக்கி நறுக்கி வைத்ததக்காளியைப் போட்டு வதக்கவும். தக்காளி கரைந்துவதங்க, சிறிது கல் உப்பைத் தூவி வதக்கவும். இந்தக்கலவை திக்காகி வரும்போது, அடுப்பை சிம்மில்வைத்து மிளகாய்த்தூள், உப்பு சேர்த்து காரல்குறையும் வரை கிளறவும். 

காரல் வாசம் குறைந்தவுடன் கரைத்து வைத்திருக்கும்புளிக்கரைசலை சேர்த்து நன்றாக கொதிக்கவிடவும். குழம்பில் குமிழ்கள் தோன்றும்போது சுத்தம் செய்துவைத்திருக்கும் மீனை ஒவ்வொன்றாகப் போட்டுநடுத்தரமான அனலில் 10 நிமிடம் கொதிக்க விடவும். கொதி வந்ததும் இறக்கி, பரிமாறுங்கள்!

குறிப்பு: மீனை குழம்பில் போட்டவுடன் கரண்டியைப்போட்டு அடிக்கடி கிளறாமல், மெதுவாக கிளருங்கள். அகலமான வாணலியில் மீன் குழம்பு வைத்தால் மீன், குழம்பில் பரவலாக இருந்து, வெந்து வரும்.

#வெங்கிஸ்_கிச்சன் 

🔴 🦐இறால் க்ரேவி 🦐 🔴 

தேவையானவை : நன்கு சுத்தம் செய்த இறால் - 200 கிராம், பூண்டு - 5 பற்கள், சின்ன வெங்காயம் - 15, இஞ்சி பூண்டு பேஸ்ட் - 1 டீஸ்பூன், கரம் மசாலா - 3/4 டீஸ்பூன், மிளகாய் தூள் - 1 டீஸ்பூன், மல்லி தூள் - 2 டீஸ்பூன், மஞ்சள் தூள் - 1 சிட்டிகை, கொத்தமல்லித்தழை - 1டேபிள் ஸ்பூன், உப்பு - தேவைக்கு.

அரைக்க : தக்காளி - 2, தேங்காய்த் துருவல் - 1/4 கப், சோம்பு - 1 டீஸ்பூன் 

தாளிக்க : பிரியாணி இலை - 1, ஆயில் - 2 ஸ்பூன், கிராம்பு - 2 பட்டை - 1 சிறு துண்டு, ஏலக்காய் - 1, கறிவேப்பிலை - 8 

செய்முறை: சோம்பு. & தேங்காய்த் துருவலை சிறிதுநீர் சேர்த்து மிக்ஸியில் மை பதத்தில் அரைத்துக்கொள்ளவும். தக்காளியை தனியே அரைத்துவைக்கவும்.

இறால் மீனின் தோல் உரிப்பது மட்டும் இன்றி அதன்முதுகில் கருப்பாக கம்பி போன்ற கசடையும் நீக்கிநீரில் நன்கு சுத்தமாக கழுவவும்.

அதில் உப்பு, மிளகாய் தூள், மஞ்சள் தூள் சேர்த்துபிரட்டி ஒரு பவுலில் போட்டு ஃப்ரிட்ஜில் 10 நிமிடங்கள்வைக்கவும்.

பின்பு வாணலியில் ஆயில் ஊற்றி அது சூடானதும் , எல்லா தாளிப்புப் பொருட்களையும் சேர்த்து மணக்கதாளிக்கவும். 

பிறகு இஞ்சி, பூண்டு பேஸ்ட் சேர்த்து சில நிமிடங்கள்வதக்கி, அரைத்த தக்காளி, கரம் மசாலா & மல்லித்தூள் சேர்த்து, பச்சை வாசம் போக நன்குவதக்கவும்.

பின்பு ஃப்ரிட்ஜில் இருந்த இறாலை சேர்த்து, 4 நிமிடங்கள் இறால் சுருளும் வரை கிளறவும். பின்புஅதில் ஒரு சிறிய கப் நீர் ஊற்றி மூடி வைகக்கவும்.

அடுப்பை மிதமாக எரிய விட்டு இறாலைமென்மையாக வேக விடவும். வெந்ததும்தேவைக்கேற்ப உப்பு சேர்க்கவும். 

பிறகு அரைத்த தேங்காய் விழுது சேர்த்து, கிரேவியும்எண்ணெய்யும் தனியே பிரியும் வரை நன்குகொதிக்க விட்டு இறக்கிவிடவும்.

கொத்தமல்லித் தழைகள் தூவினால், பரிமாறருசியான இறால் கிரேவி தயார்! சாதம், இட்லி, தோசை, ஆப்பம், இடியாப்பம் அனைத்திற்கும் பெஸ்ட்ஜோடி இது!