தூங்காவனம்

#தூங்காவனம்

ஸ்லீப்லெஸ் நைட் என்னும் படத்தின் தழுவல் என்பதை சிந்தனையில் இருந்து நழுவ விட்டுவிட்டு கமல் என்னும் நடிப்பு காதலுனுக்காக மைண்ட் மோடை செட் செய்து கொண்டு அனைவரும் காண வேண்டிய படம். படத்தின் கதையை சொல்லி உங்கள் படம் பார்க்கும் சுவாரஸ்யத்தை கெடுக்கும் வகையில் இந்தப் பதிவில் நான் ஏதும் சொல்லப் போவதில்லை.

ஒரே இரவில் நடக்கும் கதை படத்தில் சூப்பர் ஸ்டார் அந்தஸ்துள்ள கதாநாயகனுக்கு கடைசி வரை ஒரே உடை (இடையில் ஒரு கோட் மட்டும் மாறும்) என்பதெல்லாம் தமிழ் சினிமாவில் புதுமை..

திவாகர், மணி, வாசு, மல்லிகா, திரவியம் என காரக்டர்கள் எல்லாவற்றிற்கும் தமிழ்ப் பெயர்கள்.. எஸ்தர்,விட்டல்ராவ் தவிர.. கிட்டத்தட்ட படத்தின் முக்கிய கேரக்டர்களே இவ்வளவு தான்.. சம்பத், ஆஷா சரத், நண்டு ஜெகன், பிரகாஷ் ராஜின் உதவியாளர் சம்பத்தின் உதவியாளர்கள்,  சாம் மற்ற கேரக்டர்கள்..

சந்தானபாரதி, வசனம் எழுதியிருக்கும் சுகா, உமா ரியாஸ்  இவர்களெல்லாம் வந்து போகிறார்கள்.. படத்தில் கமல் அந்த க்ளப்பில் நுழையும் காட்சியில் இரு பெண்கள் உதட்டோடு உதடு வைத்து முத்தமிட்டுக் கொண்டிருப்பது..

எங்கெல்லாம் அரையிருட்டு தென்படுகிறதோ அங்கெல்லாம் காம சில்மிஷங்களில் ஈடுபட்டுக் கொண்டிருக்கும் ஜோடிகள்.. என இன்றைய மேல்தட்டு கலாச்சார அதிர்ச்சிகளை பிரச்சாரம் செய்யாமல் பார்வையாளனின் பார்வையில் விட்டு விடுகிறார்...

முதன்முதலாக அதிர்ச்சியோடு ரசிகன் பார்த்த கமலின் முத்தக் காட்சி இதுவாகத்தான் இருக்கும்.. அந்த சூழலுக்கு தேவையான விரசமின்றி அமைத்தமைக்கு பாராட்டுகள்..

சில விநாடிகள் தான் இக்காட்சி... கமலின் முத்தத்தில் மயங்கி ஆர் யூ மேரிட்.? எனக் கேட்பதற்கு முன் மது ஷாலினியின் முகத்தில் தெரியும் கிறக்கம்.. லவ்லி

கேப்பில் கடா வெட்டுவார்கள் எனக் கேள்விப் பட்டிருக்கிறோம்.. கமல் டைனசாரே வெட்டி இருக்கிறார்.. பரபரவென போகும் திரைக் கதையில் மகனிடம் இருந்து வரும் போனில் தந்தை பாசத்தை கிளாசிக்காக வெளிப் படுத்தி இருக்கிறார்.. அந்த சில விநாடிகள் நேரத்தில் நடிப்பில் அள்ளுகிறார் கமல்..

திரிஷா... இப்படி ஒரு கேரக்டர் நிச்சயம் அவரது கேரியரில் முக்கியம்... ரஃப் அண்ட் டஃப் லுக்குடன் ஒரு பெண் போலீஸ் அதிகாரிக்குரிய தோரணை பிரமாதம்.. கமலுடன் அவர் மோதும் சண்டை வாவ்.. நமக்கு வலிக்கிறது..

கிஷோர்... வெல்டன் சார்.. குள்ளநரித்தனம் மிடுக்கான போலீஸ்.. கடைசியில் துரோகி.. அந்த கிச்சனில் கமலோடு மோதும் அந்த ஆக்ரோஷ சண்டை மிக மிக அருமை  

பிரகாஷ் ராஜ்.. செல்லம் சினிமாவின் டி வில்லியர்ஸ்...  360 டிகிரியில் கிடைத்த பந்தையெல்லாம் சிக்சருக்கு தூக்குகிறார்.. சம்பத்துடன், கமலுடன், தன் உதவியாளருடன் என எல்லா பிட்ச்சிலும் வெளுத்து வாங்குகிறார்.

கமல் மகனாக வரும் அந்தச்சிறுவனும் பிரமாதப்படுத்தி இருக்கிறான்.. படத்தின் கடைசிக் காட்சியில் அவன் காரோட்டப் போகிறான் என்பதை முதல் காட்சியிலேயே வசனம் மூலம் தெரிவித்து இருக்கும் உத்திக்கு ஒரு சபாஷ்.

பளிச் வசனங்களால் சில இடத்தில் சிரிக்கவும் சீரியசாகவும் குதூகலிக்க வைக்கிறது சுகாவின் வசனங்கள்... வாழ்த்துகள் பாஸ்..

படத்தின் முதல் இரு காட்சிகள் கடைசி இரு காட்சிகள் தவிர மொத்த படமும் ஒரே கிளப்புக்குள்.. சுனாமியாய் சுழன்று இருக்கிறது காமிரா ஒளிப்பதிவாளருக்கு ஒரு பூங்கொத்து..

ஜிப்ரானின் பிண்ணணி இசை.. ஒரு ஆக்ஷன் படத்துக்கு தேவையானதை தந்து சிறப்பித்து இருக்கிறார்.

படத்தில் ஒரே பாடல் அதுவும் படம் முடிந்து டைட்டில் வரும் போது.. பாடல்கள் இன்றி ஹாலிவுட் பாணி தமிழ் சினிமாவுக்கு கமல் ஏதோ சொல்ல வருகிறார்..

இயக்குநர் ராஜேஷ் செல்வாவுக்கும் ஒரு பூங்கொத்து.. திரைக்கதையும் கமல் தான்.

லாஜிக் ஓட்டைகள் ஏதுமில்லையா? இருக்கிறது பாதாள சாக்கடை மேன் ஹோல் அளவில்லாது சல்லடைக் கண் போல சிறு சிறு ஓட்டைகள்.. அதில் எல்லாம் கமல் நிரம்பி விடுவதால் படம் பார்க்கும் போது அது தெரியாது..

அதைக் கண்டுபிடித்து சலிப்பவர்கள் சலிக்கட்டும்.. என்னைப் பொறுத்தவரை ரசிகனுக்கு சலிப்பூட்டாத படம் தூங்காவனம்..

5 ஸ்டார் ரேட்டிங்கில்என் ரேட்டிங் ****