1 🐊🐊 முதலைகள் உலகில் சாகசப்பயணம் 🐊🐊 1

நாளைக்கு காலையில் நீங்க எவர்க்ளேட்ஸ் போறிங்க எனக் கூறினார் மியாமி நகர தமிழ்ச்சங்கத் தலைவர் ஜானவி.! எங்களை அழைத்துப் போக சுந்தர் என்பவர் வருவார் என்பதைத் தவிர வேறு மேலதிகத் தகவல் எதுவும் தெரியாது.. சொல்லி இருந்தாலும் என் காதில் விழுந்திருக்காது.. ஏனெனில் எதிரே பிங்க் நிச்சலுடையில் வாலி பால் ஆடிக்கொண்டிருந்த பெண்கள்..சரி சரி..இந்தப்பதிவுக்கு அது கொஞ்சமும் தேவையில்லாத விஷயம் மறுநாள்..

பந்தாடும் பாப்பாக்களுடன் நெடியதொரு டெஸ்ட் மேட்ச் கனவில் ஆடிய புத்துணர்வுடன் எழுந்து காலை 6 மணிக்கே குளித்து டைனிங் டேபிள் வந்தால் சூடான இட்லி, நெய் மணக்கும் முந்திரிப் பொங்கல், சட்னி, பிரட் ஆம்லெட்,தோசை, முட்டை தோசை, சாம்பார் & சிக்கன் குழம்பு என மெனுக்கள் காத்திருந்தன... அதிகாலை என்பதால் அவ்வளவாக பசியில்லை அத்தனையிலும் இரண்டிரண்டு லைட்டாக சாப்பிட்டுவிட்டு (?!!!) ஒரு கப் டீ..

இந்த சிம்பிளான உணவை முடித்துவிட்டு... உட்லேண்ட்ஸ் காக்கி கார்கோ பேண்ட் அணிந்து அடர் நீல முழுக்கை லீவிஸ் பனியன் அணிந்து காலில் ஷு சாக்ஸ் மாட்டி மஞ்சள் நிற சில்க் ஸ்கார்ஃப்பை கழுத்தில் சுற்றிக் கொண்டு என் ஓக்ளே கூலர்சை மாட்டிக்கொண்டு டூயட் பாடப்போகும் ஹீரோ போல ரெடியாகி நின்றேன் கிறிஸ்டோ சசியும் இதே காஸ்ட்யூம் மேல உள்ள பனியன் மட்டும் ரெட் பிளாக் அவ்வளவு தான்.. மணி காலை 7 ஆகியிருந்தது.

நாங்கள் மியாமியில் டாக்டர் பழனிச்சாமி வீட்டில் தங்கியிருந்தோம். அந்தத் தம்பதியினர் ஓய்வு பெற்றவர்கள் ஆனாலும் எங்களை நன்கு கவனித்துக் கொண்டனர் வீட்டில் அந்த மேடம் எங்களிடம் எவர் கிளேட்ஸ் தானே போறிங்க என அடிக்கடி கேட்டார்.. பாவம் வயதானவர் மறதி போல அது தான் திரும்ப திரும்ப கேட்கிறார் என நினைத்துக் கொண்டேன். வாசலில் உள்ள தோட்டத்துக்கு வந்தோம் வாசலில் பென்ஸ் ஒன்று வந்து நின்றது.

அதிலிருந்து இறங்கியவர் ஹாய் அயாம் சுந்தர் என்றபடி எங்களை நோக்கி கையசைக்க அவரைப் பார்த்து நாங்கள் ப்ப்ப்ர்ர்ர்ர்ர் என வெண்ணிற ஆடை மூர்த்தி ஸ்டைலில் சிரித்தோம்.. ஏனெனில் அவர் சாதாரண ஷார்ட்ஸ் டி- சர்ட்டில் வந்து இருந்தார்.. அவர் எங்களிடம் நீங்க எவர் க்ளேட்ஸ் வரலியா என்றார் சந்தேகத்துடன்.. அதுக்கு தானே நிக்கிறோம் என்றேன்.. நல்லா கேளுங்க சுந்தர் எனக்கும் அந்த டவுட் தான் என்றார் திருமதி பழனிச்சாமி.!

பிறகு தான் தெரிந்தது இந்த உடை அங்கு தேவையில்லை என்பது.. அந்த மேடம் காலையில் அடிக்கடி கேட்டது வயோதிகத்தால் அல்ல என்பதும் இப்போது புரிந்தது.. அவர்கள் இருவரும் தங்கள் மனதுக்குள் ப்ப்ப்ர்ர்ர் எனச் சிரிப்பதை எங்கள் காதுகள் கேட்டன.. ஷார்ட்ஸ் பனியனுக்கு மாறி ஹவாய் செப்பலுடன் கிளம்ப இப்ப தான் நீங்க பர்ஃபெக்ட் மியாமி டூரிஸ்ட் என்றதை எங்கள் பிடரி வழியாகக் கேட்டு காரில் ஏறினோம்.. வண்டி கிளம்பியது..

அரைமணி நேரப்பயணம் கார் எவர் கிளேட்ஸ் பகுதிக்கு வந்தது..கண்ணுக்கு எட்டியவரை கோரைப் புற்கள் வளர்ந்த பெரிய ஆறு மரத்தால் போடப்பட்ட பாலம் ஒரு பெரிய படகுத்துறை பெரிய பெரிய வித்யாசமான போட்டுகள்.. ஆங்காங்கே முதலைகளின் படங்கள் போர்டுகள் இவையெல்லாம் அங்கு பார்க்கிங்கில் இறங்கியதும் கண்ணில் பட்டவை.. என்ன இந்த ஆற்றில் ஒரு நூறு முதலைகள் இருக்குமா என்றேன் சோம்பல் முறித்தபடி..

சுந்தர் சிரித்துவிட்டு சொன்ன பதிலில் என் சோம்பல் மட்டுமல்ல எங்கள் இதயங்களே முறிந்தது.. அவர் சொன்னது.. "இல்ல வெங்கி ஒன்றரை மில்லியன் முதலைகள்..இந்த ஆற்றில் தான் நம் பயணம் போகப்போறோம்" என்றார்... யோவ்வ்வ்வ்வ்வ்வ்வ்வ்வ்வ்வ்வ்வ்வ்.....

(வரும்...)

சார் போஸ்ட்

இந்திய அஞ்சல் துறை...

உலகின் அதிக பணியாளர்களை கொண்ட  மிகப்பெரிய அரசுத் துறை... இந்தியாவின் மூலை முடுக்கெல்லாம் அலுவலகம் கொண்ட துறை. இந்த அற்புதமான நெட்வொர்க் ரெயில்வேயில் கூட இல்லை.. ஆனால் இது நஷ்டத்தில் இயங்குகிறது ஆட் குறைப்பு கூடாது என ஊழியர்கள் போராடுகிறார்கள் ..ஏன் இந்த அவல நிலை ???

இன்று கூரியர் நிறுவனங்கள் வந்ததாலும் எல்லாம் கணினி மயமானதாலும் அஞ்சல் துறை நொடித்து விட்டதாக குறை கூறுகிறார்கள்... நஷ்டத்தை தீர்க்க வழி இல்லையா? 

இருக்கிறது!!! ஆனால் அக்கறை இல்லை... இந்தியா போன்ற பெரிய நிலப்பரப்பில் உள்ள நாட்டில் அதுவே வரப்பிரசாதம்...

நமது நாட்டின் அனைத்து மாநில சுற்றுலா துறைகளும் அஞ்சல் அலுவலகத்தின் மூலமாக சுற்றுலா ஏற்பாடு செய்யலாம்.. நெட்வொர்க் அருமையாக இருப்பதால் இவர்களால் சிறப்பாக செயல் பட முடியும்...

அஞ்சல் அலுவலகங்கள் மூலம்  இந்தியாவில் எந்த மாநிலத்திற்கும் சுற்றுலாவினை நியாயமான கட்டணத்தில் ஏற்பாடு செய்யலாம்..

ரயில்,விமானம் & பஸ் டிக்கெட், அரசு விடுதிகள், உணவகங்கள், இவையெல்லாம் முன் பதிவு செய்து தருவதன் மூலம் அஞ்சல் துறை லாபமும் ஈட்டி பிற துறைகளுக்கும் லாபம் தர முடியும்...

அரசு ஏற்படுத்தும் சுற்றுலா என்பதால் மக்களுக்கும் பல சலுகைகள் கிடைக்கும்...

இன்ப சுற்றுலா மட்டுமின்றி கல்வி சுற்றுலா, தொழில் வணிக சுற்றுலா, அறிவியல் சுற்றுலா, மருத்துவ சுற்றுலா,ஆன்மீக சுற்றுலா போன்ற பல சுற்றுலாக்களை நடத்துவதன் மூலம் அஞ்சல் துறை அதிக லாபம் ஈட்டலாம்..

தபால்காரன் என்ற தேவதூதர் நம் தலை முறையோடு மறந்து போகாது அடுத்த தலை முறைக்கும் நிலைத்து நிற்க இந்த பயணங்களின் கண்காணிப்பாளராக அவர்களுக்கு பொறுப்பு தரலாம்...

அந்தந்த பகுதி தபால் காரர் என்பதால் சுற்றுலா செல்லும் பகுதியை நன்கு தெரிந்து வைத்திருப்பார்.. சுற்றுலாவும் சிறக்கும்..

மேலும் கல்வி சுற்றுலா மாணவர்களுக்கு பயன் தரும்.. தொழில் வணிக சுற்றுலா மூலம் அண்டை மாநில தொழில் வாய்ப்புகளை தெரிந்து நம் மாநிலத்திலும் அதை செயல்படுத்தி அதற்கேற்ப வளர்ச்சி காண உதவியாய் இருக்கும்..

ஆன்மீக சுற்றுலா.. இன்று காசி இராமேஸ்வரம் செல்லும் முதியவர்கள் ஏராளம் அந்த ஒரு சுற்றுலாவே அதிக லாபம் ஈட்டித் தரும்.. ஆனால் இதற்கான கட்டமைப்புகளும் சிறப்பாக இருக்க வேண்டியது அவசியம்...

மேலும் புகழ் வாய்ந்த அந்தந்த மாநில கைவினைப் பொருட்களை உதாரணமாக ஹைதராபாத் முத்து, ராஜஸ்தான் பாந்தினி ஆடைகள், சோலாப்பூர் காலணி போன்றவற்றை நாட்டின் பிற பகுதிகளில் இருந்து ஆர்டர் எடுத்து தருவித்து தரலாம்...

இதற்காக அஞ்சல் ஆன்லைன் ஒன்று துவங்கி ஆர்டர்கள் பெற்று டெலிவரி செய்யலாம்.. கைவினைத் தொழில்களும் புத்துயிர் பெற்று அதிக லாபம் தரும்.

மேலும் இது கணினி யுகம் அஞ்சல் அலுவலகத்தில் சிம்கார்டுகள், டேட்டா கார்டுகள், மெமரி கார்டுகள், பென் ட்ரைவ்கள், போன்றவைகள் விற்கலாம்..

கிராமப் புறங்களில் அஞ்சல் நிலையங்களில் கணிணி வைத்து மெயில் அனுப்ப பிரவுசிங் செய்ய கட்டணம் வசூலிக்கலாம்.. 

இவை எனக்கு தோன்றிய சிறு யோசனை இதில் சில குறைகள் இருந்தாலும் இருக்கலாம்.. 

ஊத வேண்டியதை ஊதிவிட்டேன் அரசு செவிடாக இருந்தால் என்ன செய்ய??

அஞ்சல் துறைக்கும் தந்தியின் நிலை வர வேண்டாம்...

6💃🏻 👙🎉 18+ நகரம் 🍺 நியூ ஆர்லின்ஸ் 👙💋🎉 6

எங்களை சர சரவென சூழ்ந்த பவுன்சர்கள் அலேக்காக கிளப் வாசலுக்கு சைடில் உள்ள அறைக்கு தூக்கிப் போனார்கள்.. நீங்கள் எந்த நாடு.? ஏன் இங்கு வந்து படம் எடுத்தீர்கள்.? இங்கு உள்ள பெண்களை படம் எடுக்க கூடாது என்பது உங்களுக்கு தெரியாதா என உறுமினார்கள்.. நாங்கள் அவர்களுக்கு விளக்கம் கூறி அதிகபட்சமாக இந்த போட்டோவை ஃபேஸ்புக்கில் போடுவோம் அதைத் தவிர வேறு எண்ணமில்லை என்றோம்.

அண்ணனும் எங்களைத் தேடிவர அவர் நிலைமையை அழகாக சமாளித்தார் அவர்கள் என் மொபைலை வாங்கி நான் வாசலில் எடுத்த படங்களை அழித்துவிட்டு தந்தார்கள்.. அவர்கள் அழித்தாலும் தானாகவே கூகுள் போட்டோவில் இரண்டு போட்டோக்கள் சேவ் ஆகிவிட்டன புகைப்படத்தில் எனக்கு பின்னால் நிற்கும் பெண் கையை உயர்த்தி என்னை எச்சரிப்பதை கவனியுங்கள்.. அதன் பிறகு அண்ணன் எங்களுக்கு ஒரு வகுப்பே எடுத்தார்.

அவர் சொன்னபடி நடப்பதாக உறுதியளித்தோம். க்ளப் டிக்கெட்ட்டுகளை கையில் திணித்துவிட்டு ஜாக்கிரதை தம்பிகளா என்றுவிட்டு அறைக்கு திரும்பினார்..நாங்கள் கிளப்புக்குள் நுழைந்தோம்.. ஸ்டீரிப் டான்ஸ் எனப்படும் கம்பி நடன அரங்கம் அது மேலும் கீழும் கம்பிகளில் பாம்பு போல ஊர்ந்து ஏறி அந்தரத்தில் மின் விசிறி போல சுழன்று கொண்டிருந்தார்கள் பெண்கள்.. அமெரிக்க அழகிகள் அத்தனை பேரும் அவ்வளவு அழகு.

டூ பீசில் ஆடியவர்கள் சிறிது நேரத்தில் முழு நிர்வாணத்திற்கு மாறினார்கள்.. இடையில் ஒருவர் நூறு டாலர் நூறு டாலர் என கையில் தட்டோடு வந்தார் பார்த்தால் ஒரு டாலர் நோட்டாக 100 நோட்டுகள் உள்ள கட்டு அது நாம் 100 டாலர் ஒரே நோட்டாக தந்து 1 டாலர் சேஞ்சை பெற்றுக் கொள்ளலாம் இது எதுக்கா.? அங்கே பாருங்கள் ஸ்டீரிப் கம்பியில் இருந்து ஆடி இறங்கி வரும் பெண்ணின் முன்னே ஒருவர் டாலர் நோட்டுகளை இறைப்பதை..

ஆம் பெண்களின் நடனத்தை ரசிப்பவர்கள் தரும் டிப்ஸுக்கு தான் இந்தப் பணம்.. அள்ளி இறைத்தார்கள் ஆடிய பெண்களும் அதற்கு ஏற்றார்போல அவர்களைத் தழுவியும் அவர்கள் மடிமீது அமர்ந்தும் தங்கள் பாசத்தை காட்டிக் கொண்டிருந்தார்கள்.. எங்கள் மூவரின் கையிலும் மொத்தமே 75 டாலர்கள் தான் இருந்தன.. பரிதாபத்துடன் நாங்கள் விழித்தோம்.. எங்கள் டிக்கெட்டுக்கு ஒரு பியர் அல்லது கோக் இலவசம் என்பதால் அதை மட்டும்..

வாங்கிக் கொண்டு ஒதுக்குப் புறமான ஒரு டேபிளில் அமர்ந்தோம் பின்னால் அரையிருட்டில் அடிக்கடி அழகான பெண்கள் ஆண்களுடன் நுழைவதை பார்க்க முடிந்தது..ஆனால் என்ன நடக்கிறது என்பது தெரியவில்லை.. திடீரென ஒரு அமெரிக்க நமீதா எங்கள் முதுகுப் புறம் வந்து தோளில் சாய்ந்தாள்.. ஆர் யூ இண்ட்ரஸ்ட்டட் டு கம் வித் மீ ஃபார் லாப் டான்ஸ் என்றாள் போதையாக..  அது என்னம்மா லாப் டான்சு.! அப்படின்னா...

லாப் டான்சுன்னா என்னான்னு தெரியாதா.! தாலின்னா என்னான்னு தெரியாத சின்னத்தம்பி பிரபு போல என் மீது பரிதாபப் பட்டு வா என்னுடன் என கைப்பிடித்து அந்த அரையிருட்டுக்கு அழைத்துச் சென்றாள் அங்கிருந்த ஸ்க்ரீனை லேசாக விலக்கி விட்டு உள்ளே பார் என்றாள்.. 90 களில் தமிழகத்து ஓட்டல்களில் பேமிலி ரூம் என்பார்களே அது போல ஒரு சேம்பர் வரிசையாக லாட்ஜ் அறை போல் பல இருக்க அதில் ஒரு சோபா.

அந்த சோபாவில் ஒரு ஆண் அமர்ந்திருக்க அவர் மடியில் முழு நிர்வாணமாக ஒரு பெண் அமர்ந்து ஆடுகிறாள் தழுவுகிறாள் எழுந்து அவன் தோள்களை தழுவுகிறாள் மொத்தத்தில் ஒரு பாடல் முடியும் வரை அவன்மீது ஊர்கிறாள் இது தான் லாப் டான்ஸ் ஒரு பாடலுக்கு 30 டாலர்கள் சம்பளம் ஓகேவா என்றாள் என்னிடம் இருந்த 25 டாலரை நினைத்தேன் அழுதேன்.. அவள் சிரித்து என்ன என்றாள் 25 டாலர் தான் இருக்கு என்றேன் பரிதாபமாக..

சற்று யோசித்தவள் சரி உனக்காக 25 ஓகே என்றவள் என் பதிலை எதிர்பார்க்காது என் கைபிடித்து அந்த அறைக்குள் இழுக்க முற்பட அதற்குள் திடீரென அங்கு வந்த ஒரு வழுக்கை ஹாய் ஹனி என நமீதாவை தழுவிக்கொள்ள அவள் என் கையை நழுவவிட்டாள்.. அங்கிருந்து வேகமாக சசி கிறிஸ்டோ இருக்கும் டேபிளுக்கு வந்தால் சுற்றிலும் பெண்கள் அவர்களையும் மொய்த்து இருந்தார்கள்.. சில விநாடிகள் யோசித்தேன்..

அங்கிருந்த சசியிடம் கூறுவது போல சசி நோ பேலன்ஸ் இன் மை க்ரிடிட் கார்ட் ஐ காண்ட் டேக் மணி டுடே என்றேன் சத்தமாக என்ன ஆச்சரியம் தீப்பந்தம் காட்டிய தேன்கூடாக அப்பெண்கள் கலைந்தனர்.. அங்கு பிரதானமே பணம் தான் பணம் இருப்பதாக வெளியே காட்டக் காட்ட பெண்கள் நம்மை மொய்ப்பார்கள் என்பதை அங்கு நன்கு கவனித்ததால்  சமாளிக்க முடிந்தது .. நடனமும் நிர்வாணமும் கண்களுக்கு அலுத்தது..

மெல்ல கிளப்பின் முகப்பில் உள்ள மேர்டிகிராஸ் பால்கனிக்கு போனோம் அங்கிருந்து கீழே மேலாடை உயர்த்தி ப்ளாஷ் செய்யச் செய்ய மாலைகளை வீசிக் கொண்டிருந்தனர்.. நியூயார்க்கில் இருந்து வந்திருந்த ஆனே மற்றும் லூசி என்ற இரு பெண்கள் அறிமுகமானார்கள் இருவரும் பல்கலைக்கழக மாணவிகள்.. இந்தியா மீது காதல் உள்ளவர்கள் இந்த மேர்டி கிராஸ் பற்றி தீசிஸ் எழுத வந்ததாக தெரிவித்தார்கள்..15 நாளும் இங்கு தான் என்றனர்.

அவர்கள் மேர்டி கிராஸ் பற்றி சொல்ல பதிலுக்கு நான் மதுரை சித்திரைத் திருவிழா பற்றி சொன்னதும் வாய் பிளந்து கேட்டார்கள்.. பேசிக்கொண்டே சாலையில் இறங்கினோம் நள்ளிரவு 12 மணியைத் தாண்டி இருந்தது.. பேசிக்கொண்டே வீதியில் நடந்தோம் தெரு இப்போது இன்னும் களை கட்டி இருந்தது.. அதே உற்சாகம், கும்மாளம் தழுவல்கள் முத்தங்கள் இவற்றை அலட்சித்து கடந்து மெக்டொனால்டு கடைக்குள் நுழைந்தோம்.

பட்டர்மில்க் சிக்கன் பர்கரும் கோக்கும் ஆர்டர் செய்ய முந்திக்கொண்டு பணம் செலுத்தினார் லூசி.. நாங்கள் தடுக்க அவர்கள் மறுக்க கடைசியில் பெண்களே ஜெயித்தனர்.. சாப்பிட்ட படி தொடர்ந்தது எங்கள் அரட்டைக் கச்சேரி.. இரண்டுமணி நேரங்கள் கடந்திருந்தது.. வெளியே வந்தால் தெருவுக்கு போதை தெளிந்திருந்தது..பேசிக்கொண்டே நடந்தோம்.. ஆட்சேபணை இல்லை என்றால் எங்களறையில் போய் பேசலாமே என்று

விகல்பமில்லாது அழைத்தாள் ஆனே அந்த அழைப்பில் நட்பும் நம்பிக்கையும் தெரிந்தது.. இல்லை எங்களுடன்வேறு ஒருவரும் இருக்கிறார் அறையில் எங்களுக்காக காத்திருக்கிறார்.. உங்கள் அழைப்பிற்கு நன்றி எனக் கூறி பிரியாத மனத்தோடு பிரிந்தோம். ஒரே இரவு தான் ஆனால் நியூ ஆர்லின்ஸின் இந்த அனுபவங்கள் என்றைக்கும் எங்களுக்கு மறக்காது.. இந்த கேளிக்கை நகருக்கு அழைத்துச் சென்ற சாம்பியன் அண்ணனுக்கு மீண்டும் நன்றி.

நிறைந்தது..

5💃🏻 👙🎉 18+ நகரம் 🍺 நியூ ஆர்லின்ஸ் 👙💋🎉 5

நெசசீத்தே கொமிதா என்றால் ஸ்பானிஷில் எனக்கு உணவு வேணும் என அர்த்தம்.. வல்லரசு நாட்டிலும் வறுமை மக்கள்.! அத்துமீறி குடியேறிய மெக்சிகர்கள் பலர் தான் இது போல வறுமையில் இருக்கின்றனர்.. அழகிய பெண்களுக்கு கவலை இல்லை இதுபோல நியாயமாக பிச்சை எடுத்தோ அல்லது அநியாயமாக பீர் வலை விரித்து ஆடியோ சம்பாதிக்கலாம்.. அல்லது இருக்கவே இருக்கு செக்ஸ் சர்வீஸ்.. அவர்களுக்கு கவலை இல்லை.

ஆண்கள் கெஞ்சியோ அல்லது மிரட்டியோ பணம் பறிக்கிறார்கள்.. திறமை மிகுந்தவர்கள் இசைக் கச்சேரி நடனம் என தெருவில் ஆடி தங்கள் திறமையை வெளிப்படுத்தி பணம் சம்பாதிக்கிறார்கள்.. அந்த பெண்ணுக்கு 10 டாலர் தந்ததும் கை கூப்பி தொழுதுவிட்டாள்.. 10 டாலர் என்பது நிச்சயம் நல்ல ஓட்டலில் சாப்பிடும் அளவு தொகை.. அவள் கண்களில் தெரிந்த நன்றியை அன்பை எங்களால் எளிதில் படிக்க முடிந்தது.

சந்தடி சாக்கில் அண்ணன் சொல்லிக் கொடுத்த ஸ்பானிஷ் வார்த்தைகளில் எனக்கு மனப்பாடம் ஆன ஒரே வார்த்தையான "ஹெர்மோசா சிக்கா" என்றேன் அவளிடம்  ஓடி வந்து என் கையைப் பிடித்துக் கொண்டு "க்ராசியஸ் கரிஞ்ஞா" எனக் கூறிவிட்டு புறங்கையில் முத்தமிட்டு விடை பெற்றாள். நான் சொன்ன வார்த்தை அழகிய பெண்ணே  அவள் சொன்ன வார்த்தை நன்றி அன்பே என்பதை இங்கே அழுத்தந்திருத்தமாக சொல்லிக் கொள்கிறேன்.

சாலையில் கூட்டம் வர ஆரம்பித்து இருந்தது.. குஜராத்தை சேர்ந்த ஒரு குடும்பத்தை சந்தித்தோம்.. அவர்கள் பல கிளப்புகளுக்கு போய் வந்து இருந்தனர்.. எந்த கிளப் பெஸ்ட் என்பதை அவர்களிடம் விசாரித்து இந்திய சகோதரதுவத்தை நிலைநாட்டி அவர்கள் சொன்ன கிளப்புக்கு சென்றோம்.. கிளப் வாசலில் கூட்டம் அலை மோதியது.. க்ளப் ஃபுல் போர்டு தான் மாட்டவில்லை சரி வாருங்கள் ஒரு வாக் போகலாம் என்றார் அண்ணன்.

புகழ் பெற்ற இந்த போர்பார்ன் வீதி தான் நியூ ஆர்லின்சின் மிகச்சிறந்த பொழுதுபோக்குத் தலம்.. புகழ் பெற்ற மியூசிக் பேண்டுகளின் வாத்தியக் கலைஞர்களுக்கு சிலைகள் எழுப்பப்பட்டு இருந்தன.. இசைக் குழுவினர் பலர் குழுவாக அமர்ந்து இசைத்துக் கொண்டிருந்தனர்.. கறுப்பின வாலிபர் ஒருவர் ஏரோபிக்ஸ் நடனத்தில் தன் தலையை மட்டும் தரையில் வைத்து தலைகீழாக சுற்றிக் கொண்டிருந்தார்.. எங்கும் இசை வெள்ளம்.

எதிரே தள்ளாடி தள்ளாடி கூட்டம் கூட்டமாக ஆண்களும் பெண்களும் சிரித்து கும்மாளமிட்டு வர அவ்வப்போது திறக்கும் கிளப் கதவுகளில் வழியாக கொட்டும் இசை... தெருவின்  சிவப்பு வயலட் மஞ்சம் நீல பச்சை வண்ண விளக்கொளிகள் பட்டு நாங்கள் ஹோலியில் குளித்த எஃபக்டில் இருந்தோம் அவ்வப்போது ப்ளாஷ் என மேலாடை உயர்த்தும் பெண்கள் அவர்கள் மேல் விட்டெறியும் கலர் மணிமாலைகள்.. முத்தங்கள், தழுவல்கள், நடனங்கள் 

அரை & முக்கால்  நிர்வாணம் என இது ஒரு உல்லாச உலகமாக இயங்கியது மெல்ல ஒரு ரவுண்ட் அடித்துவிட்டு மீண்டும் அந்த க்ளப்பிற்கு திரும்பினோம் இப்போது உள்ளே அனுமதிக்க இடம் இருந்தது.. அண்ணன் சொன்னார் தம்பி நான் டிக்கெட் வாங்கி தந்துட்டு ரூமுக்கு போறேன்.. இருங்க என சொல்லிப் போக இம்முறை வாசலில் நிறைய பெண்கள் நிற்க அவர்கள் பின்னணியில் ஒரு போட்டோ எடுக்க எங்களை 5 பவுன்சர்கள் சூழ்ந்தனர்.

(வரும்..)

4💃🏻 👙🎉 18+ நகரம் 🍺 நியூ ஆர்லின்ஸ் 👙💋🎉 4

தூரத்தில் எங்களை அதிர வைத்த காட்சி பால்கனியில் கூட்டமாக நிற்கிறார்கள் கீழே தரையில் நின்ற பெண் சரலேன தன் டி சர்ட்டை மேலே உயர்த்தி தன் மார்பகங்களை காட்டுகிறாள்.. மேலே இருப்பவர்கள் அங்கிருந்து கலர் மணி மாலைகளை இவள் மீது வீசுகிறார்கள் அதை லாவகமாகப் பிடித்து தன் கழுத்தில் அணிந்து கொள்கிறாள்.. ச்சே என்ன பெண் இவள்.! இவர்கள் கலாச்சாரம் வேறு தான் அதுக்காக நடுரோட்டிலா.?

அந்தப் பெண் மட்டுமே அப்படி என நாங்கள் நினைத்தது எவ்வளவு தவறு என அடுத்தடுத்து பார்த்த காட்சிகளில் உணர்ந்தோம்..ஆம் எல்லா பெண்களுமே மேலாடையை உயர்த்த மாலை விழ இது தான் வைபவமே என லேட்டாக புரிந்தது.. இந்த பனியன் உயர்த்துதலுக்கு ப்ளாஷ் எனப் பெயராம் நிச்சயம் ப்ளாஷ் தான் கண் கெட்டுவிட்டது.. அந்த பால்கனி உச்சியில் நிற்க தனிக் கட்டணம் அவை எல்லாம் கிளப்புகள் உள்ளே ஸ்டீரிப் நடனமும் உண்டு.

க்ளப்பின் கதவு திறக்கப்பட்ட போது உள்ளே இருந்து கசிந்த ஜாஸ் இசையும்.. சந்தோஷ இரைச்சலும் கலவையாக கேட்டு தேய்ந்தது.. சில கதவிடுக்கு காட்சிகளில் காசியில் அலையும் திகம்பரச் சாமியார்களைப் போல பெண்கள் தென்பட்டனர்.. அவர்கள் காலில் செருப்பைத் தவிர ஏதும் அணியாமல் ஏவாள் உடையில் உலவிக் கொண்டிருந்தனர்.. க்ளப் நுழைவுக் கட்டணமே மினிமம் 30 டாலர்கள் முதல் துவங்கியது (₹2100/-)

அன்று மேர்டி கிராசின் முதல் தினமாம் தெருவெங்கும் பியர் பாட்டில்களை சீப்பிக் கொண்டு அரை முக்கால் முழு நிர்வாணத்துடன் உற்சாக இரைச்சல் இட்டுக் கொண்டு அணைப்பது முத்தமிடுவது எல்லாம் சர்வ சுதந்திரமாக சாலையிலேயே செய்து கொண்டு இருந்தார்கள்.. நாங்கள் பட்டிக்காட்டான் மெக்டொனால்டு பார்த்தது போல நின்றிருந்தோம்.தமிழில் "அவன் முகம் தேன் குடித்த நரி போல ஆயிற்று என ஒரு சொல் வழக்கு உண்டு..

அதற்கு உதாரணமாக இப்போது எங்கள் முகங்களைச் சொல்லலாம்.. சாம்பல் புதன் வருகிறதல்லவா அதற்கு முன்வரும் செவ்வாய் தான் இந்த மேர்டி கிராசின் முக்கிய பரேடு தினம் அதற்கு 12 நாட்களுக்கு முன்பே மேர்டி கிராஸ் ஈவ் என்பது தொடக்க நாள்.. கலர் கலரான முகமூடி, கலர் மணிகள், கண்கவர் வண்ணங்களில் ஆடைகள், வித்யாசமான வேடங்கள், நடனங்கள், அலங்கார வண்டிகள் என அந்த கார்னிவல் களை கட்டுமாம்.

முதல் நாள் ஆரம்பமே இப்படின்னா கடைசி நாள் கேட்கவா வேணும் ஆனால் அன்று அடுத்த 12 நாளில் நாங்கள் அமெரிக்காவிலிருந்து கிளம்பி இந்தியா வரும் தேதியில் அந்த விழா அமைந்திருந்தது.. சோகத்துடன் வாயைத் துடைத்துக் கொண்டோம்.. (அங்க தான் ஈரம் அதிகம்) சரி இதென்ன கலர்மாலைகள் எறியும் விழா..பெண்களுக்கு எதற்கு இத்தனை மாலைகள் , இந்த குழுக்களெல்லாம் யார் எதற்காக இந்த கார்னிவெல்.?? எல்லாவற்றிற்கும் பதில் விடுதியில் தூங்கி எழுந்திருந்த சாம்பியன் அண்ணனிடம் இருந்தது.. அவர் சொன்ன சுவராஸ்யத் தகவல்கள்...

மேர்டி கிராஸ் கார்னிவல் ஐரோப்பாவிலிருந்து அமெரிக்காவுக்கு வந்த கலாச்சாரம் ரோம் மற்றும் வெனீஸ் வழியாக பிரான்ஸ் நாட்டின் புகழ் பெற்ற மன்னர் பரம்பரையான போர்பார்ன் பரம்பரையினரால் ஏற்கப்பட்டு பிறகு அவர்கள் காலனிகளாக இருந்த தேசத்திற்கும் சென்றது.. ஆம் ஒரு காலத்தில் அமெரிக்காவை ஸ்பெயின் வழியாக ஆண்டது பிரான்ஸ்.. போர்பார்ன் பரம்பரையின் சம்பந்திகள் தான் ஸ்பெயின் அரசகுடும்பம்.

1699 ஆம் ஆண்டு நியூ ஆர்லின்ஸில் ஆய்வுப்ணிக்காக வந்த பிரஞ்சு - கனடியர் ஜீன் பாப்டிஸ்ட் என்பவர் ஃபோர்ட் லூயிஸ் என்னுமிடத்தில் முதன் முதலில் மேர்டி கிராசை கொண்டாடினார்.. அந்த இடம் தான் இப்போது mobile என்றழைக்கப்படுகிறது.. இங்கு தான் மேர்டி கிராஸ் சமூகம் துவங்கப்பட்டது இன்று பல்வேறு குழுக்கள் பிறப்பதற்கு இதுவே  முன்னோடி 1740 க்கு பிறகே நியூ ஆர்லின்ஸில் கொண்டாடப்பட்டது இந்த விழா.

சாம்பல் புதனுக்கு முன்பு வரும் செவ்வாய் தினம் தான் Twelfth Tuesday மேர்டிகிராஸின் முக்கியதினம் அதற்கு 12 நாட்களுக்கு முன்பே இந்த ஈவ் தொடங்கும் அது தான் நாங்கள் அங்கு போன தினம். இந்த 12 வது செவ்வாய் அன்று அலங்கார வண்டிகளின் அணிவகுப்புகள் கலர் கலரான ஆடைகள் வேடங்கள் அணிந்து வருவார்கள்..இவர்கள் தனித்தனி க்ளப்புகள் கிளப் உறுப்பினர்கள் பணம் போட்டு இந்த செலவை செய்கிறார்கள்.

எந்த கிளப்பின் வண்டி அந்த ஆண்டு சிறந்தது என்னும் போட்டியும் உண்டு.. பரிசு பணமெல்லாம் இல்லை என்றாலும் அந்த பெருமைக்காக செலவழிப்பது உண்டு.. அதிலும் மேர்டிகிராஸ் பால் எனப்படும் கலர்மணி மாலைகளும், விதவிதமான முகமூடிகளும் தான் இந்த விழாவின் ஹைலைட் அடையாளம். விவசாய மாடுகளுக்கு நன்றி கூறுவதற்காக ஆரம்பிக்கப்பட்ட இவ்விழாவில் கேளிக்கை சமாச்சாரங்கள் நிறைய நுழைந்துவிட்டது.

மேலாடையை உயர்த்தி மார்பகங்களை காட்டும் ப்ளாஷ் என்னும் செயலுக்கு மாலையை வீசுகிறார்கள்.. எவ்வளவு மாலை உங்களுக்கு கிடைக்கிறதோ அவ்வளோ கில்லி நீங்கள் கழுத்து கொள்ளாமல் மாலை அணிந்த பெண்கள் எங்களுக்கு நினைவிற்கு வந்தார்கள். புகழ்பெற்ற போர்பார்ன் சாலைக்கு வந்தோம்.. பால்கனிகளில் நின்று கொண்டிருந்த செல்வந்தர்கள் மாலையோடு காத்திருக்க கீழிருந்து ஓரே ஆரவாரம்.

அவர்களுக்கு பிடித்த பெண்ணுக்கு மாலையோடு டாலர் நோட்டுகளும் வீசப்பட்டன.. தெருவில் பார்த்த பலரும் அரைக் கண் மூடிய நிலையில் இருந்தார்கள்.. இயற்பியலில் ராமன் விளைவு போல இது மரிஜ்ஜுவானா விளைவு என்பது பிறகு தெரிந்தது.. மெக்ஸிகோ அருகில் என்பதால் லாகிரிகள் எளிதாக கிடைத்துவிடுகிறது என்றார்கள். என்னருகில் ஒரு அழகி வந்து "நெசசீத்தே கொமிதா " என்றாள் ஸ்பானிஷில் அப்படின்னா.?

(வரும்..)

3💃🏻 👙🎉 18+ நகரம் 🍺 நியூ ஆர்லின்ஸ் 👙💋🎉 3

ட்வெண்ட்டி டாலர்ஸ் மேன் என்றான் மீண்டும்..இடி குரலில்.. அது அது.. பியர் 5 டாலர் தானே அது தானே அவள் கேட்டது என்றேன் பணிவாக.. ஆமாம் அது பியருக்கு நான் போட்ட பாடலுக்கு என் கடை முன்பு ஆட இடம் தந்ததற்கு அதுக்கு தான் இந்த 15 டாலர் என்றான்.. என்னுடன் ஆடிய அந்த பெண்ணை தேடினேன் இரண்டு கடை தள்ளி இன்னொருவரிடம் எனக்கு பியர் வாங்கித்தந்தால் ஆடலாம் என என்னிடம் வீசிய அதே தூண்டிலை...

வீசிக் கொண்டிருந்தாள்.. சரி நடப்பதை பார்ப்போம் என முடிவெடுத்து 20 டாலரை அழுது விட்டு கிளம்பி சற்று தூரம் போவது போல போய் திரும்ப வந்து மறைவில் நின்றுகொண்டோம்.. அந்த பெண்ணின் நடவடிக்கைகளை கண்காணித்தேன்.. என்னுடன் ஆடியது போல தான் பிறருடன் ஆடுகிறாள் அழைத்து போய் பீர் வாங்குகிறாள்.. அவன் ஆபாச கமெண்ட் அடிக்கிறான் பியருடன் போகிறாள் அடுத்த திருப்பத்தில் திரும்பி 1 நிமிடத்தில் வருகிறாள்.

1 நிமிடத்தில் ஒரு பாட்டில் பீரை உடைக்க முடியும் ஆனால் குடிக்க முடியாது

இப்போது இவளைப்போலவே பல பெண்கள் தெருவில் இறங்கி பீர் வாங்கித் தா ஆடலாம் என ஆடி அதே திருப்பத்தில் மறைந்து சட்டென வெளிப்பட அந்த திருப்பத்தில் என்ன நடக்கிறது எனப் பார்க்க ஆசைப்பட்டோம்.. இப்போது என்னுடன் ஆடிய பெண் அடுத்த கஸ்டமருடன் ஆட.. இன்னொரு பெண் ஆடி முடித்து பீரோடு நடக்க புதியவளை தொடர்ந்தோம்..

அந்த திருப்பத்தில் திரும்பிய போது அங்கே..கேஷ் கவுண்டர் மொட்டையின் ஜெராக்ஸ் போல் இன்னொரு மொட்டையிடம் இவள் பீரை கொடுக்க அவன் சிரித்துக் கொண்டே 5 டாலரை நீட்ட எல்லாம் புரிந்தது.. கடையின் முன்புறம் வாங்கிய பீர் பின் வழியாக கடைக்கு போகிறது 5 டாலர் பீருக்கும் 5 டாலர் இவர்கள் இழுக்கும் கஸ்டமருக்கான இன்செண்டிவ் என்றும் புரிந்தது. டான்ஸ் ஆடிய அவளுக்கும் மொட்டைக்கும் தலா 10 டாலர்கள்.

ஒரு மணி நேரத்தில் 5 பேர் என்றால் கூட 4 மணிநேரத்தில் 200 டாலர்கள் பொதுவாக மேர்டி கிராஸ் விழாவின் போது இப்படித்தான் நடக்குமாம் பிக் பாக்கெட் வழிப்பறி இதெல்லாம் சகஜம் என்றார்கள்.. சரி அதென்ன மேர்டி கிராஸ்.? அமெரிக்காவில் கர்னிவெல்கள் பல நடக்கும் அதில் பெஸ்ட் கர்னிவல் தான் மேர்டிகிராஸ்.. எல்லார் கையிலும் கலர் கலர் மாலைகள் இருக்க தூரத்தில் ஒரு பெண் செய்த செயல் எங்களை அதிரவைத்தது அது.. 

(வரும்..)

2💃🏻 👙🎉 18+ நகரம் 🍺 நியூ ஆர்லின்ஸ் 👙💋🎉 2

பசுமையான பூங்கா ஆங்காங்கே இளைப்பாற க்ரானைட் பெஞ்சுகள்.. சுற்றிலும் பூந்தோட்டம் அழகான ரெஸ்ட் ரூம்கள் குழந்தைகள் விளையாட மினி பார்க் அதை கடந்தால் 5 ஸ்டார் ஓட்டல் போல ரிசப்ஷன்.. மலர்ந்த முகத்துடன் சீருடை அணிந்த அமெரிக்கர்கள் மேப், ஊரைப் பற்றிய விவரம் அடங்கிய கையேடு எல்லாம் இலவசமாக தந்தார்கள்.. நீங்கள் ஓட்டல் புக் செய்யாவிட்டால் இங்கிருந்தே செய்து தருகிறோம் என்றார்கள் கனிவுடன்.

பின்னால் ஒரு பணிப்பெண் வந்து ஹாட் ஆர் கூல் என்றாள்.. ப்ளாக் டீ, க்ரீன் டீ ,காபி, கோக், பியர் இப்படி எல்லாமே இலவசம். சுற்றுலா பயணிகளுக்கு அவ்வளவு மரியாதை.. ஓடி கலோன் மணக்க வெது வெதுப்பான சுருண்ட வெண்ணிற டர்கி டவல்களை இன்னொரு பெண் நீட்ட அதை வாங்கி முகம் துடைத்துவிட்டு ஆளுக்கு ஒரு டின் ஃபாண்டா கொய்யாப் பழ ஃப்ளேவரை எடுத்துக் கொண்டு கிளம்ப சியர்ஸ் கைஸ் என்ஜாய் என விடை தந்தனர்.

நம்ம ஊரில் எல்லாம் சுற்றுலாத் துறை இப்படி இருக்குமா.! ஒப்பிட்டு பார்த்து சிரித்துக் கொண்டேன். நியூஆர்லின்ஸ் நகரம் வந்தது மாலை மஞ்சள் வெயிலிலும் கட்டிடங்களில் ஒளிர ஆரம்பித்த நியான்களிலும் நகரம் ப்ரிஸ்மா எஃபெக்டில் மிளிர்ந்தது.. நகரின் கேளிக்கை தெருவான போர்பார்ன் தெருவுக்கு பக்கத்து தெருவிலேயே அறை எடுத்து இருந்தோம்.. அறைக்குச் சென்று குளித்து முடித்துவிட்டு தெருவில் இறங்கி கிளீரென அதிர்ந்தோம்.

எதிரே கூட்டம் கூட்டமாக பெண்கள் இடுப்பில் அரை டிராயர் மட்டும் அணிந்து டாப் லெஸ்சாக நடந்து கொண்டிருந்தனர்.. கழுத்தில் கலர் கலராக முத்து மாலை போல உத்திராட்ச கொட்டை சைசில் மணிகள் உள்ள மாலைகள் மட்டுமே அதைத் தவிர மேலே ஆடைகள் ஏதுமில்லை.. அண்ணன் 5 மணிநேரம் வண்டி ஓட்டி வந்த களைப்பில் ஓய்வு எடுத்துக் கொண்டார் அவர் சொன்ன இடங்களுக்கு மட்டும் போய் வரச் சொன்னார்.

இந்தத்தெருவை கடந்து மெயின் ரோடில் ஒரு வாக் போய் வாருங்கள்.. செல்போனில் போட்டோ எடுக்கும் போது ஜாக்கிரதை இங்கு ஒருவர் விருப்பம் இல்லாமல் எடுத்தால் அது குற்றம் என்று எச்சரித்தார்.. என்னடா இது free Wi - Fi கனெக்ஷன் கிடைச்சவன் கிட்ட பேஸ்புக் பாக்காதேன்னு சொன்ன மாதிரின்னு நினைச்சுகிட்டு கிளம்பினோம்..முதல் முறையாக பிச்சைக் காரர்களை நாங்கள் அமெரிக்காவில் பார்த்தது இங்கு தான்..

பிறகு போதை ஆசாமிகளை பின்பு அமெரிக்க டாஸ்மாக் அடிமைகளை.. இது அமெரிக்க நகர்ப் புறங்களில் எல்லா மாநிலத்திலும் உண்டு என்பதை பின்பு தெரிந்து கொண்டோம்.. கெட்ட கெட்ட ஆங்கில வார்த்தைகளை கத்திப் பேசும் அமெரிக்க ஆண் குருவம்மாக்களை அவ்வப்போது சந்தித்தோம். ப்ளடி.. ஃபக் என்ற வார்த்தைகள் லட்சார்ச்சனை மாதிரி அடிக்கடி கேட்டுக் கொண்டே இருந்தது.போதை அமெரிக்கர்கள் எல்லாம்..

வாத்தியார் சுஜாதா சொல்வது போல பாம்பு விரலால் ஆகாயம் நோக்கி காற்றில் குத்தினார்கள்.. உற்சாகப் பெண்கள் சாலையிலேயே ஆடுவது பாடுவது முத்தமிட்டுக் கொள்வது என ஆனந்தமாக இருந்தார்கள் அவர்கள் எல்லாம் ஒரே கர்சீப்பில் ஒட்டு மொத்த குடும்பத்துக்கே துணி எடுத்து பகிர்ந்திருந்தார்கள். அதிலும் ஒருத்தி வந்து ஹனி கேன் யூ ஆஃபர் மீ ஒன் பியர் அண்ட் டான்ஸ் வித் மீ என்றாள் என்னிடம்.. ஹுர்ரேய்.. 

ஒரு பியர் வாங்கித் தந்தால் என்னுடன் நீ ஆடலாம் என்று அமெரிக்க ஆ(டி)ட ஆஃபரை தந்தாள் அந்தப் பெண்.. இட்லி நிறம், சதுர முகம், சாம்பல் விழிகள், தங்கக் கேசம் இரு காது மடல்களின் விளிம்பிலும் சானியா மிர்ஸா மூக்குத்தி போல 40 வளையங்கள் மாட்டியிருந்தாள்.. கீழ் உதடுகளுக்கு கீழே மோவாய் கட்டையிலும் 4 வளையங்கள் கோல்டு மெடல் போல தொங்கியது வாய்க்குள் நாக்கிலும் சில வளையங்கள் மாட்டியிருந்தாள்..

கழுத்தில் கலர் கலராக மணி மாலைகள் மட்டுமே.. வேறு ஆடைகளே இல்லை.. பிங்க் நிறத்தில் அரை டிராயர் அணிந்திருந்தாள்.. இன்னும் ஒரு இன்ச் உயரம் குறைந்தால் அது ஜட்டி என்றழைக்கப்படும் அப்படி அழைத்தால் அவள் கோபித்துக் கொள்ளும் வாய்ப்பு இருக்கிறது.. ஆகவே தற்சமயம் அதை டிராயர் என்றே வைத்துக் கொள்வோம்.. தொடை வரை பிங்க் நிறத்தில் சல்லடை ஸ்டாக்இன்ஸ்.. பியர் விலையை பார்த்தேன்..

5 டாலர் என எழுதியிருந்தது.. இந்திய மதிப்பிற்கு 67 ரூபாயில் எவ்வளவு என கூட்டி கணக்கு போடும் மனநிலையில் அப்போது இல்லை.. இது வேறு கணக்கல்லவா.. எளிமையாக 70 ரூபாய் என்றால் கூட 350 ரூபாய் தானே வருகிறது போகட்டும் ஆடிப் பார்க்கலாம் என முடிவெடுத்தேன்.. பியர் கடை நோக்கி கை அசைத்தாள் கேஷ் கவுண்டரில் மல்யுத்த வீரர் போல ஒரு மொட்டை தன் கட்டை விரல் உயர்த்தி விட்டு இசையை ஒலிக்கவிட்டான்.

ஓ.. இவர் தான் DJ எனப் புரிந்தது.. இசை ஒலிக்க ஆடத் துவங்கினாள் அது பிரேசிலின் சம்பா மேளம் இரு கால்களையும் வேகமாக சைக்கிள் பெடல் மிதிப்பது போல குதித்தாள்.. வெஸ்ட் இண்டீஸ் கிரிக்கெட் டீமில் பேட்ரிக் பேட்டர்சன் என ஒரு முன்னாள் பவுலர் இருந்தார்.. அவர் பவுலிங் செய்ய ஓடிவரும் போது இப்படித்தான் இரு கால்களிலும் குதிப்பார்.. அட நம்ம கிராமத்துல ரெண்டு காலிலும் சாணி மிதிப்பாங்களே அது தாங்க சம்பா.!

ஒரு வழியாக அவள் சம்பா ஆட நான் சாணி மிதிக்க எங்கள் அமெரிக்க இந்திய கூட்டுறவு நடனம் 5நிமிடத்தில் நிறைய லேசாக என்னை அணைத்து கேஷ் கவுண்டருக்கு கூட்டிப்போனாள்.. அந்த மொட்டையிடம் போய் பியர் வாங்கிக் கொண்டு அவன் அசிங்கமாக அடித்த கமெண்ட்டை சட்டை செய்யாது பை ஹனி என என் காதோரம் சொல்லிவிட்டு போனாள்.. நான் அலட்சியமாக 5டாலரை மொட்டையிடம் நீட்ட எடுறா 20 டாலர் என்றான்..

(வரும்..)

1💃🏻 👙🎉 18+ நகரம் 🍺 நியூ ஆர்லின்ஸ் 👙💋🎉 1

நியூ ஆர்லின்ஸ்.. லாஸ்வேகாசிற்கு அடுத்த அமெரிக்காவின் கேளிக்கை நகரம்.. லூசியானா மாகாணத்தின் தலைநகரம்.. பாரீஸ் போன்ற கலாச்சாரமும், இரவு விடுதிகளும், மதுவகங்களும், நடன விடுதிகளும் நிறைந்த நகராகும்.. எனக்குத் தெரிந்து நம் டாஸ்மாக் நண்பர்களைப் போல வீதியில் விழுந்து கிடந்த அமெரிக்க பெருங்குடி மக்களை நான் இங்கு தான் கண்டேன். கடந்த பிப்ரவரியில் இங்கு செல்லும் வாய்ப்பு கிடைத்தது.

ஒவ்வொரு ஆண்டும் இங்கு நடக்கும் Mardi Gras என்னும் கார்னிவல் நாங்கள் சென்ற அன்று தான் துவங்கியது.. அதென்ன மேர்டி கிராஸ்??? பொறுமை அது நான்காவது ரீலில் வரும் சம்பவம் இப்போதே சொன்னால் சுவாரஸ்யம் போய்விடும்.. அங்குள்ள இரவு விடுதிகள், நடன அழகிகள், நியூ ஆர்லின்ஸ் இரவு வாழ்க்கை இது போன்ற நிகழ்வுகள் பற்றி முடிந்த அளவு விரசமின்றி எழுத உள்ளேன். அதையும் மீறி புகைப்படத்தில் அடல்ட் லுக் வந்துவிடுவதால் தான் சுதாரிப்பாக தலைப்பிலும் 18+ சேர்த்துவிட்டேன்

அமெரிக்கப் பயணத்தைப் பற்றி இதுவரை 70க்கும் மேல் கட்டுரைகள் எழுதியாயிற்று இந்த நகரைப் பற்றி 7 வது கட்டுரையாக எழுதவேண்டியது.. இங்குள்ள கிளு கிளு சமாச்சாரங்களை கொஞ்சம் நினைத்து தயங்கித் தயங்கித் தள்ளிப் போட்டுக் கொண்டே வந்து 6 மாதங்கள் கழித்து இதை எழுத துணிவு  வந்ததால் எழுதுகிறேன். முதலில் இந்த ஊருக்கு எங்களை அழைத்துச் சென்ற அருமை அண்ணன் சாம்பியன் அவர்களுக்கு நன்றி.

நாங்கள் இருந்தது அலபாமாவில் அங்கிருந்து மிசிசிபி என்னும் ஒரு மாநிலத்தையே கடந்து செல்ல வேண்டும் 308 மைல்கள் அமெரிக்க வழக்கப்படி நான்கரை மணிநேர டிரைவிங்.. உங்களுக்கு புரியும் படி சொன்னால் பாலக்காட்டில் இருந்து பாண்டிச்சேரி செல்வது போல இடையில் தமிழகம் வருகிறதல்லவா அது போன்று தான். சாம்பியன் அண்ணன் காரை ஓட்ட காலை 9 மணிக்கு நியூ ஆர்லின்ஸ் புறப்பட்டோம்.

சாம்பியன் அண்ணன் அறிவியல் படித்தவர் அமெரிக்காவில் அறிவியலாளர் ஆக பணி புரிகிறார்.. பரந்துபட்ட ஞானம் உடையவர், புத்தக அனகோண்டா அரசியல், சினிமா, ஆராய்ச்சி, கதை, கவிதை எல்லாவற்றிலும் கில்லி, அருமையாக கிடார் வாசிப்பார், சிதம்பரம் ஜெயராமன் குரலில் பாடுவார் இவரைப் பற்றி ஒரு தனிப் பதிவாகவே போடலாம்.. அண்ணனுடன் பேச கேட்டுக் கொண்டே வரலாம் அவர் ஒரு பல்கலைக் கழகம்.. ஓ.கே..

காருக்குள் வாருங்கள் மிசிசிபி என்பது செவ்விந்தியப் பெயர் அமெரிக்க மாகாணங்கள் நதிகள் சாலைகள் பல இன்றும் செவ்விந்திய மொழியில் உள்ளன  உலகின் 5 வது பெரிய நதியான மிசிசிபி பாயும் மாநிலம்(ஆற்றின் பேரும் அது தான்) 3000 மைல் நீளமுள்ளது இந்நதிக்கரை நாகரீகம் பற்றி செவ்விந்தியர் வாழ்க்கை முறை பற்றி சுவாரஸ்யமாக அண்ணன் சொல்லக் கேட்டுக் கொண்டே வந்தோம்.. பாதி மாநிலத்தை கடந்து வண்டி நின்றது.

பர்கர் கிங் என்னும் கடையிலும் பாப்பாய் என்னும் கடையிலும் (KFCபோல) நிறுத்தி பர்கர் & சிக்கன் வாங்கிக் கொண்டோம்..மீண்டும் பயணம் ஆரம்பித்தது மிசிசிபி அமெரிக்காவின் ஆறு மாகாணங்களை கடந்து லூசியானா வழியாக மெக்ஸிகோ வளைகுடாவில் கலக்கிறது.. ஆம் நியூ ஆர்லின்ஸ் கடல் எல்லையில் மெக்ஸிகோ தேசமும் வருகிறது மிசிசிபியை கடந்து லூசியானா மாநகரம் தங்களை அன்புடன் வரவேற்கிறது என..

ஸ்பானிஷிலும் ஆங்கிலத்திலும் எழுதியிருந்த அறிவிப்பு பலகையை கடந்ததும் பெருங் கடலும் ஒரு பாலமும் தென்பட்டது 4 மைல் நீள பாலம் அது நீருக்குள் பேங்க்க்க்க் என அலறியது ஒரு பெருங் கப்பல் இது தான் மெக்ஸிகோ வளைகூடாவா அண்ணே என்றேன். தம்பி இது கடல் அல்ல ஆறு என்றார்.!இது ஆறா..! ஆச்சரியத்தில் உறைந்து போனோம்.. 

ஓ.. அப்போ இது தான் மிசிசிபியா என்றேன்.. அதுவுமில்ல இது பாஞ்சண்ட்ரான் என்னும் நதி என்றார்..இதுவும் செவ்விந்தியப் பெயர்.. சரக்குக் கப்பல் போகும் அளவிற்கு பெரிய நதியை பார்ப்பது என் வாழ்நாளில் அதுவே முதல் முறை.. வியப்பு தணிவதற்குள் லூசியானா சுற்றுலாத் துறை விடுதியில் நின்றோம்.. அந்த சுற்றுலாத் துறை விடுதியில் எங்களுக்கு பல ஆச்சரியங்கள் காத்திருந்தன..

(வரும்..)

2🚗 🏝 க்யூபா கடல் எல்லைப்பயணம் 🏝 🚘 2

இலங்கையிலிருந்து அகதிகள் கள்ளத் தோணி வழியாக இராமேஸ்வரம் வருவது போல க்யூபாவில் இருந்து கீ வெஸ்ட்டுக்கு வரும் அகதிகள் அதிகமாம்.. ஆனால் இதில் ஒரு சுவாரஸ்யமான விஷயம் நீங்கள் வரும் கப்பலில் இருந்து இறங்கி உங்கள் கால் அமெரிக்க மண்ணை மிதித்து விட்டால் போதும் தண்ணீருக்குள் நீந்திக் கொண்டிருக்க கூடாது அட்லீஸ்ட் இடுப்பளவு நீரிலாவது நின்று கால் பதித்திட வேண்டும்.. அப்படிச்செய்தால்.?

உங்கள் பாதம் மண்ணை மிதித்துவிட்டால் இனி நீங்கள் அமெரிக்க பிரஜை.. க்யூபா குடிமகன் அல்ல இந்த சட்டம் கென்னடி ஜனாதிபதியாக இருந்த போது போட்ட சட்டமாம்.. இப்போது போட்டியிடப் போகிற டிரம்ப்  நான் ஆட்சிக்கு வந்தால் இதை நீக்குவேன் என அறிக்கை விடுத்து இருக்கிறார்.. அரசியல் போகட்டும்.. பேருக்கு இவர்களை கைது செய்து சிறையில் அடைத்துவிட்டு சிட்டிசன் ஷிப் கார்டு ரெடி ஆனதும் இவர்களுக்கு விடுதலை.

அவ்வளவு தான் க்யூபர்களுக்கு அமெரிக்காவில் வேலை கிடைப்பது எளிது.. உணவகங்களில் அல்லது கடின உடல் உழைப்பு தேவைப்படும் இடங்களில் க்யூபர்களை இன்றும் காணலாம். இந்தச் சலுகை க்யூபர்களுக்கு மட்டுமே வேறு யாருக்கும் இந்த சலுகை இல்லை என்கிறது அமெரிக்க சாசன விளம்பரம். இதில் மனைவி பிள்ளைகளோடு வந்து கணவன் தரையில் கீழிறங்கி மனைவி பிள்ளைகள் கப்பலோடு திருப்பி அனுப்பப்பட்டது...

மனைவி பிள்ளைகள் இறங்கி கணவன் திரும்பிப் போனது.. வயதான பெற்றோர்களை இழந்தது.. இப்படி பல சோகக் கதைகள் அங்குண்டு. க்யூபா கதைகளை விட க்யூபா பானம் எங்களை கிறுகிறுக்க விட சோற்று மூட்டையை அவிழ்த்தோம்.. தமிழ்நாட்டு கொங்கு ஸ்டைலில் சமைக்கப் பட்டிருந்த சமையல் மீன் குழம்பு, சிக்கன் குழம்பு, கோலா உருண்டை, ரசம் சப்பாத்தி வெஜ் & எக் ரோல் என ரகளையான சாப்பாடு.. கட்டு கட்டினோம்.

இங்கும் பீச் காற்று தாலாட்ட 30 நிமிட உறக்கம்.. தூங்கி எழுந்தவுடன் முகம் கழுவி ஃப்ரெஷ் ஆனோம்.. ஆளுக்கு ஒரு பெரிய க்ளாசில் மிண்ட் லைம் ஜூசை கொண்டுவந்த கூல் பாக்சில் இருந்து எடுத்துக் கொடுக்க அந்த வெயிலுக்கு அது ஜில்லோ ஜில்லாக இருந்தது.. மீண்டும் பயணம் ஊருக்குள் சென்றோம்.. க்யூபா 90 மைல் எனக்காட்டும் ஒரு ஸ்தூபி வித விதமான சிலைகள் என ஊர் வித்யாசமாக இருந்தது.. மக்களிடம்

அமெரிக்க ஸ்பானிஷ் இரு கலாச்சாரமும் கலந்திருந்தது.. அவர்களது கட்டிடங்கள், உடைகள், ஊரின் அமைப்பு, அங்குள்ள சிலைகள் இவற்றில் இந்த கலவை கலாச்சாரத்தை காண முடிந்தது.. சின்ன ஊர் தான் வேறு சுற்றிப்பார்க்க முக்கிய இடங்கள் ஏதுமில்லை.. அல்லது எங்களுக்கு நேரமில்லை.. 4 மணிநேரம் பிரயாணித்து வந்து கடற்கரையில் உணவருந்த தானா இதற்கு நீங்கள் இருக்கும் ஃப்ளோரிடாவிலேயே மியாமி இருக்கிறதே 

என கேட்பவர்களுக்கு இந்த பயணம் ஒரு திரில்.. ஃபிடல் காஸ்ட்ரோ, சேகுவாரா போன்ற உலகப் போராளிகள் வாழ்ந்த பூமியை சூரியவம்சம் சரத் ராதிகா போல முக்காடு போட்டுக் கொண்டு போகாமல் அக்கரையில் இருந்து பார்த்து ரசிக்கவே இந்தப் பயணம்..எங்கள் கால்கள் க்யூபாவில் படாவிட்டாலும் எங்கள் கால்களை நனைத்த அட்லாண்டிக் அலைகள் அவற்றை அக்கரையில் கொண்டு சேர்க்குமே என்று தான் வந்தோம்.

கன்னியாகுமரியின் சூரிய உதயம் அஸ்தமனம் போல இங்கும் சூரிய உதயம் அஸ்தமனம் உலகப்புகழ் பெற்றது என்றார்கள்.. ஆனால் இங்கு நிமிடம் வினாடி முதல் துல்லியமாக சொல்கிறார்கள் அன்றைய அஸ்தமனம்  6:45:31 எனச் சொன்னார்கள் மணி 6:10 போகும் வழியெங்கும் கடல் தான் என்பதால் பயணத்தை ஆரம்பிப்போம்.. அடுத்த ஊரில் பார்க்கலாம் என்றார் சின்னப்பன்.. அங்கிருந்து தூரே தெரிந்த க்யூபாவிடம் கையசைத்து..

கிளம்பினோம்... சொன்னது போல 30 வது நிமிடம் சாலையின் ஒரு ஓரத்தில் வண்டியை நிறுத்தினார் சின்னப்பன்.. அமெரிக்கர்கள் இட்ட கட்டளைக்கு அடி பணிவது போல மிகச் சரியாக 6:45 க்கு தன் ஆரஞ்சு உடலுடன் கடலுக்கு மேலே தெரிந்த சூரியனார் மிகச்சரியாக 31 வது வினாடி நீரின் மேற்பரப்பை முத்தமிட்டு வேகமாக மூழ்கிப் போனார்.. சூரியன் வேண்டுமானால் மறையலாம் இந்த கீவெஸ்ட் நினைவுகள் என்றும் மறையா.

நிறைந்தது.

1🚗 🏝 க்யூபா கடல் எல்லைப்பயணம் 🏝 🚘1

"கீவெஸ்ட்" இந்தியாவிற்கு எப்படி கன்னியாகுமரியோ அதே போல இது அமெரிக்காவின் தென்முனை.. இந்த கடலுக்கு அந்தப்பக்கம் க்யூபா, மேற்கிந்தியத் தீவுகள், தென் அமெரிக்கா இப்படி கலவையாக பல நாடுகள்.. அட்லாண்டிக் என்கிற கோதாவரி கடலுக்குள் அம்மையப்ப முதலியார் சொல்லாமலேயே கோடு இழுத்து எல்லை பிரித்து வைத்திருக்கிறது. க்யூபா இங்கிருந்து 90 மைல்கள் தான். நாங்கள் இருந்தது ப்ளோரிடாவில்.

அங்கிருந்து கீவெஸ்ட் 160 மைல்கள்.. கிட்டத்தட்ட 300 கி.மீ தூரம்.. தன் முயற்சியில் சற்றும் மனம் தளராத விக்ரமன் போல எங்கள் வேதாள பிக்னிக் பேக்கை சுமந்து கொண்டு கார் ஏறினோம். திருமதி. பாபி, அவரது கணவர் சின்னப்பன், ரெவரண்ட் ஃபாதர் நேத்திரன் ஆகியோர் எங்களுடன் வந்திருந்தார்கள்.. அதிலும் ஃபாதர் நேத்திரன் சர்ச் ஊழியம் செய்பவர் என்பதை நம்பவே முடியவில்லை.. இளம் பேராசிரியர் லுக்கில் இருந்தார்.

ப்ளோரிடாவில் இருந்து கீவெஸ்ட் போகும் வழியில் 50 மைல் தள்ளி ஃபாதர் இருந்தார் போகும் வழியில் அவரை பிக்கப் செய்து கொண்டு ஒரு ஹைவே மோட்டலுக்கு சென்றோம்.. அங்கே இருந்த பேக்கரியில் வாயில் நுழையாத ஸ்பானிஷ் பெயர்களில் வாயில் நுழையக் கூடிய பிஸ்கெட், குக்கீஸ், மினி இட்லி போல குட்டி டொனெட்டுகள் வாங்கிக் கொண்டோம். மதிய உணவை பாபி வீட்டிலேயே சமைத்து ஹாட்பேகில் எடுத்து வந்திருந்தார்.

காரின் ஆடியோ ப்ளேயரில் சந்தனக்காற்றே செந்தமிழ் ஊற்றே என எஸ்.பி.பி பாடத் தொடங்க எங்கள் பயணம் தொடங்கியது.. இன்னும் சில மைல்கள் கடந்துவிட்டால் அப்புறம் இருபக்கமும் கடல்கள் தான் கடல் மேல் அமைக்கப்பட்டிருக்கும் பாலங்கள் தான் இந்த டிரைவிங்கே அலாதியாக இருக்கும் என்றபோதே எங்கள் கார் கடல் பாலத்தில் ஏறியிருந்தது. இரு புறமும் அகண்ட நீலத்துணியை விரித்தது போல அட்லாண்டிக் தெரிந்தது.

கார் 7 மைல்ஸ் பிரிட்ஜ் என்னும் சரித்திர புகழ் வாய்ந்த பாலத்தில் வந்து நின்றது. இது பழைய 7 மைல்ஸ் பிரிட்ஜ் ஆகும்.. இதே பெயரில் புதிய பிரிட்ஜ் ஒன்றும் உள்ளது.. தற்போது மராமத்து பணிகள் நடந்து வரும் இப்பாலத்தில் தமிழகம் பாகவதர் படங்களை கொண்டாடிக் கொண்டு இருந்த காலங்களில் இரயில் ஓடியிருக்கிறது.. பிற்பாடு சைக்கிள் பைக் ரேஸ் பிரியர்களுக்கு மைதனமாக மாறி இருந்தது.. இதன் கீழே இறங்க ஒரு வழி..

அதன் வழியாக போனால் சிமெண்ட் பாதை அமைத்து தடுப்புக் கம்பி அமைத்து இருந்தனர்.. அங்கிருந்து கடலை நன்கு ரசிக்க முடியும்.. வீசிய காற்றுக்கு விக் வைத்தவர்கள் அங்கு வந்தால் அசிங்கப்பட்டு இருப்பார்கள் காற்று பிய்த்து உதறியது.காலாற நடந்து கொண்டே மினி டோனெட்டுகளை கொறித்தோம்.. 20 நிமிடம் கழித்து மீண்டும் புறப்பட.. கடல்.. பாலம்.. கடல்.. பாலம்.. கடல்.. ஒரு வழியாக கீவெஸ்ட்டுக்கு வந்தடைந்தோம்.

காரை பீச் அருகே நிறுத்திவிட்டு திரும்பினால் கொக்கரக்கோ என கோழி கூவும் சத்தம்.! திரும்பினால் அட நம்ம ஊரு சேவல் ஒருகணம் நாம் இருப்பது கிடாரிப் பட்டியா அல்லது கீவெஸ்ட்டா என குழம்பிப் போனோம்.. ஆங்காங்கே இது போல பல சேவல்கள் மேய்ந்து கொண்டிருந்தன.. கடற்கரையிலேயே அழகான பார்க்.. குடையுடன் கூடிய டேபிள்கள் நிறைய இருந்தன.. எங்கள் சாப்பாட்டுக் கூடைகளை அங்கே வைத்தோம்.

சின்னப்பன் தன் பேகில் இருந்து ஒரு நீளமான தங்க நிற அட்டைப் பெட்டியை எடுத்தார்.. சாண்டில்யன் கதைகளில் வருவது போல மதிய கதிரவன் ஒளியில் அது ஸ்வர்ணம் போல ஜொலித்தது.. அதுவும் வாயில் நுழையாத ஸ்பானிஷ் பெயரில் வாயில் நுழையக் கூடிய க்யூபா ரம் எனப் புரிந்து கொண்டோம்.. கச்சேரி களை கட்ட க்யூபா பற்றி உங்களுக்கு சொல்லட்டா என்றார் ஃபாதர் அவர் சொல்லச் சொல்ல வியப்படைந்தோம்!

அது பற்றி நாளை... (வரும்..)

📽 திருவிழா கதை வசன ஆடியோ 📢

சேலம் கிச்சிப்பாளையத்தில் குடியிருந்த போது கோவில் திருவிழா நடக்கும் பெரும்பாலும் சந்து மாரியம்மன் கோவில் விழா என்பது சேலம் முழுவதும் பிரசித்தம்.. ஓவ்வொரு ஆண்டும் ஆடி மாதங்களில் கொண்டாடப்படும் மாவிளக்கு, பணியாரம், பொரிவிளங்கா உருண்டை, பருப்புருண்டை என பல தின்பண்டங்கள் கிடைக்கும்.. அதிலும் தேங்காயை உடைக்காமல் கோல மாவில் உருட்டி அதன் ஓட்டை வழுவழுப்பாக்கி தேங்காய் கண்ணில்

துளையிட்டு வெல்லம் அவல் போன்றவைகளை திணித்து அதில் நீள குச்சி சொருகி அடுப்பில் விறகு எரியுமே அதில் வாட்டி அது நன்கு சுட்டதும்.. ஓட்டை உடைத்து வெந்த தேங்காயை ஊதி ஊதி தின்னும் போது.. "செண்பகப் பாண்டியனே உன் தமிழோடு விளையாடவே யாம் இங்கு வந்தோம்" என கணீரென சிவாஜி கணேசன் குரல் தெருவில் கட்டப்பட்ட கூம்பு ஸ்பீக்கரில் இருந்து கசிந்து காதில் விழும்.. ஆஹா.. வாய்க்குத் தேங்காயின் சுவையும் காதுக்கு அந்த வசனமும் இனித்துக் கிடக்கும்..

பொதுவாக திருவிழா ஆடியோ கதை வசனம் என்றால் முதலிரண்டு இடங்களில் இருப்பது திருவிளையாடலும் சரஸ்வதி சபதமும் தான் இந்த படத்தில் வரும் வசனங்கள் எல்லாம் எங்களுக்கு தரவான மனப்பாடம். அன்று மட்டும் பள்ளியில் அவை பாடங்களாக இருந்திருந்தால் நூற்றுக்கு ஆயிரம் மதிப்பெண்கள் வாங்கியிருப்போம்.. பொதுவாக அதிகாலையில் பக்தி படங்கள் கதை வசனமும் மாலை பக்தி படங்கள் அல்லாத வசனமும்...

ஒலிபரப்பாகும்.. அதிலும் ஒவ்வொரு சீன் முடியும் போதும் பியானோவில் வலது புறத்தில் ஆரம்பித்து இடது புறம் வரை கோடு கிழித்தார் போல எல்லா விசைக்கட்டைகளையும் அழுத்தினால் ஒரு சத்தம் வருமே அது போல ஒரு ஒலி ட்ட்ரைய்ங்ங்ங்ங்ங்.. கந்தன் கருணை, திருமால் பெருமை, தில்லானா மோகனாம்பாள், வீரபாண்டிய கட்டபொம்மன், மனோகரா, பராசக்தி இப்படி படங்கள் ஒலிகளாகவே எங்கள் செவிகளுக்குள் இன்றும் இருக்கின்றன.

அதிலும் விதி என்று ஒரு படம் மிகப் பெரிய கதை வசன புரட்சியே செய்தது.. அந்தப் படம் வந்த காலத்தில் அக்கம் பக்கம் வீட்டிலுள்ள பெண்கள் எங்களை அழைத்து சவுண்ட் சர்வீஸ் காரரிடம் போய் விதி கதை வசனம் போடச் சொல்லு என்பார்கள்.. ஆடியோ ஆபரேட்டர் அப்போது ஹீரோ அவர் சைட் அடிக்கும் பெண் சொல்லும் போது தான் அதை ஒலிபரப்புவார்.. அதெல்லாம் அந்த வயதில் எங்களுக்கு புரியாது கரண்ட் கட் ஆவது தான் அதன் இடைவேளை.

சினிமா ஒன்றே அன்றைய மிகப் பெரிய பொழுதுபோக்கு.. சில படங்கள் 200 நாட்கள் கூட ஓடும்.. இந்த கதை வசனங்கள் ரெகார்டு பிளேயரில் பிளேயரின் சுற்றும் இரைச்சலே தம்புரா ஸ்ருதி போல் பின்னணியில் ஒலிக்க "நாரதா நீ வந்த வேலை முடிந்ததா" சக்தி இல்லையேல் சிவம் இல்லை" முருகா ஞானப்பழமும் நீ உனக்கொரு பழம் தேவையா" அப்பாவின் திருவிளையாடல்களை எல்லாம் பக்தர்களோடு நிறுத்திக் கொள்ளக்கூடாதா" விறகு வாங்கலியோ விறகு தாயே" 

இதெல்லாம் இன்றும் காதுகளில் ஒலித்துக் கொண்டிருக்கிறது.. இந்த கதை வசனம் போடுவதெல்லாம் தற்போது வழக்கொழிந்து விட்டது.. போன வாரம் பழங்காநத்தத்தில் தெருவில் திருவிழா கொண்டாடினார்கள் ஆடியோவில் காசு பணம் துட்டு மணி..பாடல் கசிய எவரும் அதை பொருட்படுத்தவில்லை அநேகமாக கோயிலுக்கு கொடை கேட்க போட்ட பாட்டாக இருக்கும்.. நினைவில் நினைத்தால் இன்றும் காதில் கேட்குது அந்தக் கால சத்தம்..

"ட்ட்ரைய்ங்ங்ங்ங்ங்"

12🐭🎊🎈டிஸ்னி என்ற மாயலோகம்🎉🐰12

டிஸ்னிவேர்ல்டின் எலக்ட்ரிக் பரேடு உலகப் புகழ் பெற்றது.. வண்ண வண்ண மின் விளக்குகளால் அலங்கரிக்கப்பட்ட வாகனங்களின் அணிவகுப்பு தான் இதன் சிறப்பம்சம். கலைநயத்துடன் உருவாக்கப்பட்ட டிஸ்னியின் கார்ட்டூன் கதாபாத்திரங்கள் வண்ண விளக்குகளால் ஒளிர்ந்து கொண்டே ஒலிக்கும் பின்னணி இசைக்கு ஏற்றவாறு ஆடி அசைந்தபடி வரும் அழகு இருக்கிறதே அடடா அதைக் காண டிரில்லியன் கண்கள் வேண்டும். முதலில் காலையில்..

பார்த்த அதே அலபாமா கிறிஸ்டியன் பள்ளி மாணவர்கள் பேண்ட் இசைத்து நடந்து வர பின்னால் ஒவ்வொரு வாகனமாக ஊர்வலம் வந்தன. ஒவ்வொரு வண்டியும் ஹாலிவுட் தரத்தில் அலங்கரிக்கப்பட்டு இருந்தது.. அதன் முன்னால் ஆடி வரும் நடனக் கலைஞர்களின் உடையிலும் வண்ண விளக்குகள் ஒளிர்ந்தன.. முதல் வண்டியில் மிக்கிமவுஸ் வர அதனை தொடர்ந்து ஆமை, நத்தை, காளான், என அதே உருவில் வண்டிகள்..

அதன் பின் பெரிய மணிக்கூண்டு, டைனாசர், சாரட் வண்டி ஆஹா ஒவ்வொன்றும் அற்புதம்.. சரியாக முப்பது நிமிடங்கள் பார்ப்பவரை பரவசத்தில் ஆழ்த்தி வேறொரு வண்ண உலகிற்கு அழைத்துச் சென்றது இந்த எலக்ட்ரிகல் பரேடு.. அதற்குள் முடிந்துவிட்டதே என எல்லார் முகங்களிலும் ஏக்கம் தெரிந்தது.. அடுத்து நாங்கள் போனது மேஜிக் வேர்ல்டின் முகப்பு கோபுரத்துக்கு.. அதையே திரையாக்கி ஒரு லேசர் ஷோ.!

அந்த கோபுரத்தில் வண்ண வண்ண விளக்குகள் ஒளிவீச ப்ரிஸ்மா எஃபெக்டில் வண்ணத்தில் மிளிர்ந்தது அக்கோபுரம் அதிலேயே விடியோவும் திரையிடப்பட்டு டிஸ்னியின் புகழ் பெற்ற கார்ட்டூன்கள் வந்தன, ஆடின, பாடின, பேசின, மக்கள் எல்லாம் பரவச நிலை அடைந்திருந்தார்கள்.. இந்த ஷோவும் ஒரு 30நிமிடம் முடிந்தபின்பு வானில் வாணவேடிக்கை ஆரம்பித்தது வண்ணக் குவியலாய் வானெங்கும் வண்ணங்கள் சிதறி ஆர்ப்பரித்தன.

காலை 10 மணிக்கு உள்ளே நுழைந்தது இப்போது இரவு 10 மணி ஆகியிருந்தது.. எல்லார் முகத்திலும் களைப்பை மீறி ஒரு குதூகலம் தொற்றி இருந்தது.. ஒவ்வொரு அரங்கமும், ஒவ்வொரு விளையாட்டும், ஒவ்வொரு அணிவகுப்பும் ஃபாஸ்ட் ஃபார்வேர்டாக என் மனக்கண்ணில் வந்து போனது.. ஏற்கனவே கூறியபடி இங்கு போக வாய்ப்பு கிடைப்பது ஒரு வரம்.. அந்த வரம் நாங்கள் செய்த ஏதோ ஒரு புண்ணியத்தால் எங்களுக்கு கிட்டியது.

அலை அலையாக மக்கள் வாசல் நோக்கி திரும்பிக் கொண்டிருந்தார்கள்.. சில குழந்தைகள் தூங்கிவிட்டன. மதுரை சித்திரை திருவிழாவில் கிராமத்து  ஆண்கள் தங்கள் குழந்தையை தூக்கி தோளில் வைத்துக் கொள்வார்கள் தனக்கு சாமி தரிசனம் கிடைக்காவிட்டாலும் தன் குழந்தைக்கு அது கிடைக்கட்டும் என்பதே இதன் பின்னணி.. வல்லரசு அமெரிக்க ஆண்களும் இங்கே தங்கள் தோளில் குழந்தையை வைத்துக் கொண்டு இருந்தனர்.

தான் காணாத காட்சியை தன் பிள்ளை காணட்டும் என்ற உயர்ந்த அன்பின் வெளிப்பாடு ஆண்டிப்பட்டியானாலும் அமெரிக்காவானாலும் ஒன்றே என்பதும் சாதி இனம் மதம் கடல் கடந்தாலும் மனிதன் உள்ளுணர்வு ஒன்றே என்பதும் அன்று எனக்கு விளங்கியது.. தாய்ப்பாசத்திற்கு ஆயிரம் உதாரணம் சொல்ல முடியும் ஆனால் தந்தைப் பாசத்திற்கு இந்த ஒன்றே போதும்.! ஆம்.. இந்த உலகம் முழுவதும் தந்தையர் ஒரே மாதிரி தான்.! இது எனக்கு டிஸ்னியில் கிடைத்த ஞானம்.. பரவசத்தோடு அன்று வீடு திரும்பினோம்.

நிறைந்தது..