பொதுக்குழு@ஃபேஸ்புக்.!

#எதிர்காலத்தில்_கட்சி_பொதுக்குழு_மீட்டிங்

(பங்கு பெறுவோர் : தலைவர் & உதவியாளர்)

என்னய்யா பி.ஏ. மீட்டிங் எத்தனை மணிக்கு 

10 மணிக்கு தலைவரே.

எல்லா ஏற்பாடும் பண்ணிட்டியா..? இப்ப மணி என்ன.?

மணி 9:30 ஆகுது தலைவரே... ஏற்பாடு பக்காவா பண்ணியிருக்கேன்.

அப்படியா ஒரு தடவை செக் பண்ணிக்கிறேன் என்னென்ன செஞ்ச வரிசையா சொல்லு...

தலைவரே கட்சித் தொண்டர்கள் எல்லாத்துக்கும் மிஸ்டு கால் குடுத்துட்டேன்.. பொதுக்குழு உறுப்பினர்களுக்கு வாட்ஸ் அப் அனுப்பிட்டேன் பொதுக்குழு தலைவர்களுக்கு ஸ்கைப்புல பேசிட்டேன்..

வெரிகுட்... அப்ப பொதுக்குழு தீர்மானம் எல்லாம்..

தலைவரே எல்லாத்தையும் ஸ்டேட்டசா டைப் பண்ணி வச்சிட்டேன் இப்ப நீங்க கட்சி ஃபேஸ்புக் பேஜை ஓபன் பண்ணி காப்பி பேஸ்ட் பண்ணா போதும்.. விழுகிற லைக்கை வச்சு தீர்மானத்தை நிறைவேத்திடலாம்..

ஆமாய்யா.. எல்லோரும் லைக் மட்டும் தான் போடணும்... எவனாவது கமெண்ட் பண்ணா அவ்ளோ தான் புரியுதா.!

அது தெரியாதா தலைவரே நம்ம பேஜ்ல தான் ஜனநாயக முறைப்படி கமெண்ட் ஆப்ஷனே இல்லையே..! கவலைப்படாதிங்க..!

சரி முன்ன எல்லாம் பொதுக்குழு மீட்டிங் வந்தா வர்றவங்களுக்கு குவார்ட்டரு கோழி பிரியாணின்னு தருவோம்.. கூட்டம் வந்துச்சு.. இப்ப வருமா.!?

தலைவரே இப்ப லைக் விழுகுதான்னு பார்த்துட்டு லைக் பண்ண அந்த ஐடிக்கு 1000 ரூபா நெட் டாப் அப் பண்றோமில்ல! ஒரு பய வராம இருக்க மாட்டான்! இப்பவே இன்னுமா பொதுக்குழுவை கூட்டலைன்னு என் வாட்ஸ் அப்புல 1456 மெசேஜ்..!

சூப்பருய்யா... கலக்கிட்ட இந்த மொபைலு, ஃபேஸ்புக் வந்ததும் நமக்கு வெட்டியா மீட்டிங் போடுற செலவு மிச்சம்..! மீட்டிங் முடிஞ்சதும் உனக்கு ஒரு சாம்சங் 6 கிஃப்ட்  நிச்சயம்.!

ஆஹா... நன்றி தலைவரே...

சரி சரி நேரமாச்சு நம்ம கட்சி பேஜை ஓபன் பண்ணு பொதுக்குழுவை கூட்டுவோம்..