சூப்பர் மினிஸ்டர்ஸ்..

கற்பனைப் பதிவு..

அஜய் டிவி வழங்கும்... 

#ஃபயர்செல்_சூப்பர்_மினிஸ்டர்ஸ்_

சீசன் - 2016

"தமிழகத்தின் பிரம்மாண்டமான.. நல்ல முதல்வருக்கான தேடல்"

கண்டஸ்டண்ட் 1 : கலைஞர்

உடன்பிறப்பே.. நான் தான் கலைஞர்... ஏற்கனவே 5 முறை டைட்டில் வின்னர் ஆகக் 

தேர்ந்தெடுக்கப்பட்டவன் நான்.. எங்கள் அணியில் முதல்வர் பதவிக்கு என்னை விட்டால் ஆளில்லை.. வேறு யாரையாவது தேர்ந்தெடுத்தால் எனக்கு வருமே

தொல்லை.. ஆகவே நானே போட்டியிடுகிறேன்இந்த முறையும் என்னை டைட்டில் வின்னராக தேர்ந்தெடுத்தால் ஸ்டாலினுக்கு சப் - டைட்டில் வழங்குவேன் (துணை முதல்வராக்குவேன்) நான் அஞ்சுகத்தாயின் மகன் அஞ்சா நெஞ்சனும் என் மகன் அவருக்கு அஞ்சியே அஞ்சு முறை கடந்தும்  நானே நிற்கிறேன்.. எனது எண் அஞ்சு அஞ்சு அஞ்சு அஞ்சு.. எனக்கு வாக்களியுங்கள்.. மீண்டும் பொற்காலம் வரும்.

நேயர்களே உங்களது விருப்பமான முதல்வர் இவரென்றால் DMK ஸ்பேஸ் 5555 என்று டைப் செய்து 234 என்ற எண்ணுக்கு SMS செய்யுங்கள்.

கண்டஸ்டண்ட் 2 : புரட்சித்தலைவி அம்மா..

என் ரத்தத்தின் ரத்தங்களே.. தர்மத்தின் வாழ்வுதனை விஜய் சேதுபதி படம்.. மீண்டும் ஒரு நாள் தர்மம் வடிவேலு கைபுள்ளயாக நடித்த படம்..! என்பது உங்களுக்கே தெரியும்.. 3 முறை பட்டத்தை மெஜாரிட்டியாக ஜெயித்த நான்.. ஒரு மைனாரிட்டி கும்பலால் பட்டத்தை இழந்து நிற்கிறேன்.. திருவரங்கத்தில் நீங்கள் நீதியை நிலை நாட்டியது போல இம்முறையும் நிலை நாட்ட வேண்டும்.. சட்டம் எனக்கு தடை போட்டாலும் நீதிக்கு தலை வணங்கி நான் விரல் நீட்டும் நபருக்கு ஓட்டளியுங்கள்.. எனக்கு அளித்த ஓட்டை விட நான் கை காட்டுபவருக்கு நீங்கள் அதிக ஓட்டளிப்பீர்கள் என்பது எனக்குத் தெரியும்..அதை செய்வீர்களா.!செய்வீர்களா.! என கேட்காமல் செய்துவிடுங்கள் என்று உங்கள் அன்புச்சகோதரியான நான் கேட்டுக் கொள்கிறேன்..எங்கள் அணியின் எண் 2222 புரட்சித்தலைவரின் எண் 2222 ஆகவே எங்களுக்கு வாக்களித்து புரட்சித்தலைவரின் ஆட்சியை தொடரச்செய்யுங்கள்.

நேயர்களே உங்களது விருப்பமான முதல்வர் இவரென்றால் AIADMK ஸ்பேஸ் 2222 என்று டைப் செய்து 234 என்ற எண்ணுக்கு SMS செய்யுங்கள்.

கண்டஸ்டண்ட் 3 : காங்கிரஸ்

தமிழகத்தின் வாக்காள பெருமக்களே நான் தான் EVKS.. இது நாங்கள் காமராஜர் காலத்தில் ஜெயித்த டைட்டில் அதன் பிறகு எப்போதும் END கார்டு தான் தந்து இருக்கிறீர்கள்.. இப்போது மீண்டும். (ஒருவர் குறுக்கிடுகிறார்)ஹாய் நான் தான் தங்கபாலு ஆக்சுவலி எங்க ஒற்றுமை..  (இப்போது வேறொருவர்) ஹாய் வியூவர்ஸ் நான் கார்த்தி சிதம்பரம் பேசுறேன் ஓல்டு ஆட்கள் போனா தான் ஜெயிக்கவே.. (மீண்டும் EVKS) ஒரு நிமிஷம் எல்லாரும் இப்படி சண்டை போட்டா புதுசா வந்திருக்க குஷ்பு நம்மளை பத்தி என்ன நினைப்பாங்க.. (மற்றவர்கள்)பாத்திங்களா நீங்க மக்கள் என்னா நினைக்கிறாங்கன்னு பாக்குறதை விட குஷ்பு என்னா நினைப்பாங்கன்னு தானே பாக்குறிங்க.. அப்புறம் எப்படி காமராஜர் ஆட்சி நடத்துவிங்க.. (சண்டை நடக்க.. இடையில புகுந்த குஷ்பு) ஹாய் நான் உங்க குஷ்.. அல்லாரும் காங்கிரசுக்கு வோட் பண்ணுங்க..காங்ரஸ் தான் ஜெய்க்கும்..  சோனியாஜி ஆட்சி நட்க்கும்.. எங்க நம்பர் 111 மர்ந்துடாம போடுங்க (எங்க நெத்தியிலா..!கார்த்தி சிதம்பரம் மைண்ட் வாய்ஸ்)

நேயர்களே உங்களது விருப்பமானவர்கள் இவர்களென்றால் AICC ஸ்பேஸ் 111 என்று டைப் செய்து 234 என்ற எண்ணுக்கு SMS செய்யுங்கள்.

தொடரும்..

கற்பனைப் பதிவு..

அஜய் டிவி வழங்கும்... 

#ஃபயர்செல்_சூப்பர்_மினிஸ்டர்ஸ்_

சீசன் - 2016

"தமிழகத்தின் பிரம்மாண்டமான.. நல்ல முதல்வருக்கான தேடல்"

கண்டஸ்டண்ட் 4 :கேப்டன்

மக்களே நல்லா கேளுங்க மக்களே.. உப்பு தண்ணி குடிச்சவன்.. இல்ல உப்ப தண்ணில கரைச்சி குடிச்சவன் ச்சே.. உப்ப தின்னவன் தண்ணி குடிச்சே ஆகணும்.. அது மாதிரி எனக்கே தண்ணி காட்டுனவங்களுக்கு நான் தண்ணி காட்டணும்.. மக்களே என்னடா இவன் தண்ணி தண்ணின்னே பேசறான்னு பாக்குறிங்களா.! வள்ளுவரே சொல்லியிருக்காரு நீரின்றி அமையாது உலகுன்னு.. கட்சிக்கு உங்க அண்ணி அதாவது என் மனைவி பக்கபலமா இருந்து பாத்துக்குவாங்க.. நாட்டுக்கு நல்லா தண்ணிய தந்து பக்காவா நான் பாத்துக்குவேன்..மக்களே நான் ஆட்சிக்கு வந்தா தண்ணிக்கு பிரச்சனையே இருக்காது.. ஆகவே மக்களே கூட்டணி வேணுமா வேணாமான்னு நீங்க சொல்லுங்க கடைசியில நான் சொல்லிடுவேன்.. உங்க ஓட்டு எனக்கு தான் என் நம்பர் 6090.. சிக்ஸ்ட்டி நைண்ட்டின்னு ஞாபகம் வச்சுக்கோங்க.!

நேயர்களே உங்களது விருப்பமான முதல்வர் இவரென்றால் DMDK ஸ்பேஸ் 6090 என்று டைப் செய்து 234 என்ற எண்ணுக்கு SMS செய்யுங்கள்.

கண்டஸ்டண்ட் 5 : அன்புமணி

டியர் வியூவர்ஸ் நான் தான் அன்புச்செல்வன்.. ஓ சாரி செல்வன் அப்படின்னா மகன்னு அர்த்தம் வருது இல்ல.. நான் தான் உங்க அன்புமணி பேசறேன்.. ஏன்னா இங்க தான் வாரிசு அரசியல் கிடையாதே.. என்ன அப்படி பாக்குறிங்க.? பின்ன ஏன் உங்க டாடி அப்படி சொன்னாருன்னு தானே.!  நான் கூட அவர் கிட்ட டாடி எனக்கு ஒரு டவுட்டுன்னு கேட்டேன் அதுக்கு அவரு சொன்னாரு அது கட்சியில இருக்குற மத்தவங்களுக்கு தான் உனக்கில்லைன்னு.. மாம்பழத்துக்காக சிவனோட குடும்பத்துலயே சண்டை வந்துச்சு அந்த மாதிரி வரக்கூடாதுன்னு தான் டாடி அப்படி சொல்லியிருக்காரு.. ஓகே நான் எம்ஜிஆரைவிட தக தகன்னு மின்னுறதா நினைச்சா... ஒரு டாக்டர் முதல்வராகணும்ன்னு நினைச்சா.. டாஸ்மாக்கை மூடணும்ன்னு நினைச்சா எனக்கு ஓட்டு போடுங்க.. என் நம்பர் 0001 மறக்காதிங்க.!

நேயர்களே உங்களது விருப்பமான முதல்வர் இவரென்றால் PMK ஸ்பேஸ் 0001 என்று டைப் செய்து 234 என்ற எண்ணுக்கு SMS செய்யுங்கள்.

கண்டஸ்டண்ட் 6 : வை.கோ

அன்பிற்குரிய ஈழத்தமிழ.... மன்னிக்கவும் தமிழக வாக்களார்களே.. புலி வருது புலி வருது கதையை கேட்டு இருப்பீர்கள்.. ஒவ்வொரு முறையும் வருவது போல வராமல் போய்விடும்.. ஆனால் இந்த முறை உண்மையிலேயே 2016இல் புலி வரயிருக்கிறது. விஜய் நடித்த புலி தானே என்றும், கொட்டை எடுத்த புலியா என்றும் வலைப் பதிவர்கள் பதிவு போல கிண்டலான எண்ணம் உங்களுக்கும் தோன்றலாம், ஆனால் இயேசுபிரான் உயிர்த்தெழுந்தது போல விரைவில் ஒரு புலி தென்னிலங்கையிலும் உயிர்த்தெழ உள்ளது அது உயிர்த்தெழும் போது அங்கு ஈழம் மலரும் தமிழகத்தில் நம் ஆட்சி தொடரும்.. ஆகவே நடையாய் நடந்த எனக்கும், ஓடாய் தேய்ந்த என் கட்சிக்கும் உங்கள் ஆதரவெனும் ஓட்டுக்களை வாரி வழங்கி இன்னும் என்னை பம்பரம் போல் சுழன்று பணியாற்றிட வாக்களியுங்கள்.. எனது எண் 144.

நேயர்களே உங்களது விருப்பமான முதல்வர் இவரென்றால் MDMK ஸ்பேஸ் 144 என்று டைப் செய்து 234 என்ற எண்ணுக்கு SMS செய்யுங்கள்.

(தொடரும்)