ஓ.கே கதை

OK வந்த கதை - சுஜாதா

உலகிலேயே அதிகமாகப் பயன்படும் வார்த்தை இருக்கிறதென்றால் அது "ஓ.கே" தான். தமிழில் கூட பெரும்பாலும் தமிழுடனே பேசப்படுவது ஓ.கே. "ஷாட் ஓகேவா ஸார்" நீங்க பார்த்து ஓ.கே சொல்லிட்டா சரிதான்" பையன் எப்படி? ஓ.கே தானே" "கதை ஓ.கேன்னா ஷுட்டிங் ஆரம்பிச்சுடலாம்" என ஓகே இல்லாது பேசுவதில்லை.

அமெரிக்கர்கள் ஓகேவை வார்த்தைக்கு வார்த்தை இடையில் பயன்படுத்துவார்கள். ஐ கோ தேர் ஓ.கே" யு கம் தேர் ஓ.கே" வி போத் கோ அண்ட் மீட் ஹிம் ஓ.கே. இவ்வாறு அர்த்தமற்றும் The girl is ok. Is it ok if I meet you at ten. போன்ற பிரயோகங்களில் "ஆல்ரைட்" என்ற அர்த்தத்திலும் பயன்படுகிறது.

ஓகே டோக்கே' இட்ஸ் ஓகே பை மி போன்றவைகளும் இங்கு பிரசித்தம். அமெரிக்க விண்வெளி வீரர் 'அலன் ஷெப்பர்டு' முதன் முதலாக "ஏ ஓ.கே" என்பதை பிரயோகித்தார். நம்மூர் "டபுள் ஓ.கே" போல இது.இந்த ஓகேயின் சரித்திரம் சுவாரஸ்யமானது. 1840ல் அமெரிக்க ஜனாதிபதி மார்ட்டின் வான் ப்யூரன்.

அவரது சொந்தக்கிராமம் Old Kinderhook நியூயார்க் மாநிலத்தில் உள்ளது. அவர் சார்ந்த குழுவை அவர் ஊர் பெயருடன் ஓ.கே கிளப் என்றும், அவரையே ஓ.கே என்றும் அழைத்தனர்.எந்த சமாச்சாரத்தையும் ஓ.கே என குறிப்பிட்டால் அது ஜனாதிபதி தயவு பெற்றது அதனால் அது நிறைவேறும் என நம்பப்பட்டதாம்.

இவ்வாறு சொல்லாராய்ச்சியாளர்கள் சொல்ல 'உலகிலேயே மிக வெற்றிகரமான மிகவும் அறியப்பட்ட அமெரிக்கத்தனம் இதுதான் என்கிறார் H.L.மென்கன். ஓ.கே என்பது 'ஆல் கரெக்ட்" என்ற சொற்றொடரின் கொச்சைவடிவம் என்றும்,தவறு அது செவ்விந்தியர்களின் தந்தி பாஷையான ஓப்பன் கீ யிலிருந்து வந்ததென்றும்...

வேறுசிலர் ஓகே என்பது ' ஓகெண்டால் அண்ட் சன்ஸ்' கம்பெனியின் முத்திரை என்றும் ஹெயிட்டி தேசத்து துறைமுகப் பெயர் என்றும் கிரேக்க மொழியில் 'ஒல்லா கெல்லா' என்றால் 'எல்லாம் நல்லது' அதிலிருந்து வந்திருக்கலாம் என்றும் பல கதைகள் சொல்லப்படுகிறது.ஜெர்மன் வார்த்தையான 'ஒபெர் கொம்மாண்டோ"

தான் ஓ.கே என சொல்பவரும் உண்டு. அது எப்படி வந்ததோ... இன்று அது உலகையே ஆக்ரமித்திருக்கிறது. அமெரிக்கா செல்லும் எந்நாட்டவருக்கும் எளிதில் புரிவது இந்த ஓ.கே தான். விதவிதமாக தலையை ஆட்டி சம்மதத்துக்கும், சமாதானத்திற்கும் சந்தேக நிவர்த்திக்கும் பயன்படுத்தி சமாளிக்கிறார்கள்.

ஓகேவுக்கு ஈடான தமிழ் வார்த்தை உண்டா என்று கேட்டால் என் பதில்.. .ஆம் இருக்கிறது. அது தான் #சும்மா 

ஓ.கே.வா