Thursday 28 January 2016

கஸாலி..

அண்ணன்  வெங்கடேஷ் ஆறுமுகம் எழுதிய  ஸ்ரீரங்கத்தில் ஒபாமா பதிவின் இரண்டாம் பாகம் இது ஒரு ரிலே ரேஸ் பதிவு)

கார் ஸ்ரீரங்கத்தில் போய் நின்றது. ஊரே பளிச்சென்று இருந்ததை பார்த்து அசந்துபோன ஒபாமா பக்கத்தில் நின்ற மோடியிடம்
 "வாட் ஏ மிராக்கிள் மோடி. இவ்வளவு க்ளீனா நான் அமெரிக்காவைக்கூட பார்த்ததில்லை. எப்படி?" என்று ஆச்சர்யம் காட்டினார். 

"சார் இதுதான் க்ளீன் 
திட்டம். இப்ப ஸ்ரீரங்கத்தில் அறிமுகம் செஞ்சிருக்கோம்" என்றார் மோடி. 

பக்கத்தில் நின்றிருந்த தமிழிசை மெதுவாக 
"ஜீ  இது க்ளீன் இந்தியா திட்டமில்லே. க்ளீன் ஒபாமா திட்டம். அதாவது ஒபாமா வருவதால் திடீர்ன்னு க்ளீன் பண்ணி வச்சிருக்கோம்"

"உஷ். அது எனக்கு தெரியாதா? சும்மா ஒரு விளம்பரம்தான்" என்று மோடி அதட்டினார். 

அப்போது ஒபாமா" யார் இந்த லேடி?, என் வைஃபோட படிச்சவங்களா? நீங்க என் வைஃபுக்கு கிஃப்ட் கொடுத்த பட்டுச்சேலைய கட்டிருக்காங்க?"
 என்றார்.

"நோ நோ. இவங்க எங்க கட்சி தமிழக தலைவர்"

"ஓ சாரி நான் ஆப்ரிக்காக்காரங்கன்னு நினைச்சிட்டேன். சரி என்ன சொன்னாங்க"

"அது ஒண்ணுமில்லே ஒபாமா சார். அதாவது.." 

"சரி விடுங்க. நெக்ஸ்ட் என்ன ப்ரோக்கிராம்?"

"ஒரு விளக்குமாற்றை உங்க கைல கொடுத்து ஒரு போட்டோ எடுத்திட்டா"

"வாட் விளக்குமாறு"

"விளக்குமறுன்னா வாரியல்னு எங்க பக்கம் சொல்லுவாங்க"- தமிழிசை. 

"வாட் வாரியல்?"

"க்ளீன் செய்ய பயன்படுத்துவது"

" நோ நோ அதெல்லாம் ப்ரோக்ராம்ல இல்ல"

"நோ ப்ராப்ளம். பிரச்சாரம் மட்டும் செஞ்சுடுங்க"

"ஒரு ஆளைக்காணாம். யாருக்கு பிரச்சாரம் செய்ய சொல்றீங்க?"

"உங்க பாதுகாப்புக்காக யாரையும் வெளில விடல. எல்லோரும் வீட்டுக்குள்தான் இருக்காங்க. டிவி.யில் நேரடியா பார்த்துக்குவாங்க"

"இதென்ன புதுசா இருக்கு? பக்கத்தில்தானே இருக்கேன். நேரா பார்த்துக்கட்டுமே"

"அதெல்லாம் பாதுகாப்பு சம்பந்தப்பட்டது. நீங்க இப்படியே பேசுங்க"

"அப்படின்னா ஓகே. சரி மைக்கை கொடுங்க" 

அப்போது ஒரு இரைச்சல். யாருன்னு பார்த்தால் விஜயகாந்த். 

"என் ஆதரவில் வேட்பாளர் நிக்கறாரு. நீங்க என்னை கூப்பிடாமல் பிரச்சாரம் செய்றீங்களா?"

"மன்னிக்கவும் கேப்டன். உங்களிடம் சொல்லிட்டுத்தானே வந்தேன்"

"ஆமா ராத்திரி சொன்னீங்கள்ல மறந்துட்டேன். சரி எங்கே உங்க அப்பா அம்மா?"

"என்ன சொல்றீங்க. அப்பா அம்மாவா?" அதிர்ச்சியானார் மோடி. 

"நீங்கதானே உங்க அப்பா அம்மாவை கூட்டிட்டு பிரச்சாரத்துக்கு வருவதா சொன்னீங்க. நான் போதைல இருக்கேன்னு நினைச்சீங்களா?"

""அய்யோ கேப்டன். அது அப்பா அம்மா இல்லே. ஒபாமா!"

"ஓ அப்படியா. ஹி ஹி. இவரும் போற இடமெல்லாம் பொண்டாட்டியை கூட்டிட்டுத்தான் போவாருன்னு கேள்விப்பட்டேன். அப்படியே என்னை மாதிரி. என்ன ஒரு குறைன்னா அவருக்கு மச்சான் இல்லை. எனக்கு இருக்காரு. இதை அப்படியே அவருட்ட ஹிந்தில சொல்லிடுங்க"

"கேப்டன்,  ஒபாமாவுக்கு ஹிந்தி தெரியாது"

"ஓ தமிழா. அமெரிக்க தமிழர் போல. சரி நானே தமிழ்ல சொல்லிடுறேன்"

"அய்யோ அவருக்கு தமிழும் தெரியாது"

"அவருக்கு தமிழும் தெரியாது.  ஹிந்தியும் தெரியாதுன்னா எப்படி இந்தியாவில் சமாளிப்பாரு?"

"இங்க்லீஸ் தெரியும்"

"எனக்கு இங்க்லீஸ் தெரியாதே?"

இதை எல்லாம் ஒபாமா குழப்பத்துடன்  பார்த்தார். மோடியிடம்..

"இவரு யாரு. இவ்வளவு செக்யூரிட்டியையும் மீறி எப்படி வந்தார்?"

"இவருதான் கேப்டன். இவருக்கு செக்யூரிட்டில்லாம் பெரிய விஷயமேயில்லை. காலில் வூடு கட்டி அடிப்பார்"

மோடி விஜயகாந்தை கேப்டன் என்றதும் ஒபாமா ஒரு சல்யூட் அடித்தார். 

"சாரி ஒபாமா சார். கேப்டன்னு சொன்னதும் ராணுவ கேப்டன்னு நினைச்சீங்களா? இவரு எதிர்கட்சி தலைவர். எங்க கட்சி கூட்டணில இருப்பவரு"

"ஓ... உங்க ஊர்ல எதிர்கட்சித்தலைவரை கேப்டன்னுதான் சொல்லுவீங்களா?"

"நோ நோ. இது இவரு பட்டப்பேரு"

அப்போது விஜயகாந்த் குறுக்கிட்டு...

"என்ன சொல்றாரு ஒபாமா. மண்டைல நங்குன்னு குட்டவான்னு கேளுங்க. ஆங்"

"அய்யய்யோ. கேப்டன் அவசரப்படாதீங்க. உங்களை அறிமுகப்படுத்திட்டு இருந்தேன்"


"அதானே பார்த்தேன். சரி வந்தது வந்துட்டாரு. அப்படியே பொள்ளாச்சி பக்கம் ஒரு நாள் வரச்சொல்லுங்க"

"என்னது பொள்ளாச்சிக்கா? அங்கே எதுக்கு?" அதிர்ச்சியானார் மோடி.

"பொள்ளாச்சில என் மகன் நடிக்கற சகாப்தம் சூட்டிங்க் போயிட்டு இருக்கு. அதில் ஒரு அடியாள் கேரக்டர் இருக்கு. அதை ஒபாமா செஞ்சா நல்லாருக்கும். ஏன்னா நல்லா வாட்டசாட்டமா இருக்காரு"

"உருப்பட்ட மாதிரிதான். நானே கெஞ்சி கூத்தாடி பிரச்சாரத்துக்கு கூட்டி வந்திருக்கேன். நீங்க சூட்டிங் கீட்டிங்ன்னு குழப்பிடாதீங்க ப்ளீஸ்"

"என்னது குழப்பறேனா. அப்படின்னா நமக்கு சரிப்படாது. நான் இப்பவே கிளம்பறேன். நம்ம கூட்டணி முறிந்தது"

"அய்யோ கேப்டன் அவசரப்படாதீங்க. நம்ம அமெரிக்காவில் சூட்டிங்கை வச்சு அங்கே இவரை நடிக்க சொல்லலாம். எல்லா சிலவையும் நான் பார்த்துக்கறேன்" 

"இது டீல்"

ஒபாமாவிடம் மைக்கை நீட்டினார் மோடி.

"சார் நீங்க பிரச்சாரத்தை ஆரம்பிங்க"

அப்போது 'உடன்பிறப்பே'ன்னு ஒரு குரல் கேட்ட திசையில் பார்த்தால் கலைஞர். 

"உடன்பிறப்பே ஒபாமா
நீ முதன்முதலில் அமெரிக்கா அதிபரான போது 'அமெரிக்காவின் நவீன மார்ட்டின் லூதர் கிங்கே. கருப்பினத்தில் பிறந்த வெள்ளைக்கார நாட்டின் அதிபரே. வாழ்க. உன் வெற்றியில் விடியலை பார்க்கிறேன்.உன்னை பார்ப்பது திருவாரூர் வீதீயில் சின்ன வயதில் திரிந்த என்னை பார்ப்பதுபோல் இருக்கு'ன்னு என் முகநூலில் ஸ்டேட்டஸை போட்டு அம்பது லட்சம் லைக்ஸ் அள்ளினேன். அப்படிப்பட்ட நீ என்னை விட்டுட்டு இந்த கட்சிக்கு வாக்கு கேட்பது வெட்கமாக இருக்கிறது" என்றார். ஒபாமா குழப்பத்துடன் மோடியை பார்த்தார்.  

(அடுத்த பாகம் அண்ணன் வெங்கடேஷ் ஆறுமுகம் கற்பனையில் வரும்)

#கற்பனைத்துவம்.

No comments:

Post a Comment