ஹலோ அமெரிக்கா - 2

#அமெரிக்க_வாழ்_தமிழர்கள்

பார்ட் - 2

அமெரிக்காவில் வீடுகள் அமைந்திருக்கும் பகுதியை ரெசிடென்சியல் ஏரியா என்கிறார்கள்... சிட்டியை டவுண்டவுன் (Down Town) என்று அழைக்கிறார்கள். டவுனிலேயே வீடு என்பது அபூர்வம்.. வேலை பார்க்க சிட்டிக்கு வந்துவிட்டு பிறகு வீடு திரும்பவேண்டும் குறைந்தது 30 கிலோ மீட்டர் முதல் 80 கிலோ மீட்டர் தூரம் வீட்டுக்கும் ஆபிசுக்கும் தூரம் இருக்கும். டவுன் பஸ், டிராம், டிரெயின் போன்ற வசதிகள் டவுனில் மட்டுமே.

நகருக்கு வெளியே வர பஸ் டிரைன் வசதிகள் குறைவு.. அமெரிக்காவை பொறுத்தவரை கார் அத்யாவசியம்... அங்கு காரின்றி அமையாது உலகு.. மேலூர், சின்னாளப்பட்டி போன்ற சிறு கிராமங்களில் பிறந்து வளர்ந்து இங்கு வாக்கப்பட்டு வந்திருக்கும் நம் தமிழ்ப் பெண்கள் அநாசியமாக லெக்சஸ், பென்ஸ்களை ஓட்டுவது நமக்கு மிகுந்த வியப்பாக இருக்கும்..ஆண் பெண் இருவருக்கும் கட்டாயம் டிரைவிங் தெரிந்து இருத்தல் அவசியம்.

அமெரிக்காவில் ஐ.டி துறையில் வேலை பார்க்கும் தமிழர்கள் தான் அதிகம் என்றாலும் ஆட்டோ மொபைல், பேங்க், இன்சூரன்ஸ், ஆடிட்டிங் துறையிலும் பரவலாக வேலை செய்கிறார்கள். பெரும்பாலும் மனைவி கணவன் இருவருமே வேலைக்குப் போகிறார்கள். அமெரிக்காவில் நம் தமிழர் இல்லங்களில் இன்னொரு பாராட்டப்பட வேண்டிய விஷயம்.. கணவன் மனைவி இருவரும் வீட்டு வேலைகளைப் பகிர்ந்து கொள்வது.

மனைவி சமைப்பார் கணவன் பாத்திரங்கள் கழுவி வீடு துடைத்து கழிவறை சுத்தம் செய்வார்..அல்லது கணவன் சமைக்க பிற வேலைகளை மனைவி செய்வார்.. மார்க்கெட் போவது பிள்ளைகளை பள்ளியில் இருந்து அழைத்து வருவது எல்லாமே மாற்றி மாற்றி பகிர்ந்து கொள்கிறார்கள்.. நாங்கள் தங்கியிருந்த பல வீடுகளில் ஆண்களே அற்புதமாக சமைத்து எங்களுக்கு பரிமாறினர். அங்கு அவரவர் வேலையை அவரவர் பார்க்க வேண்டும்.

ஏனெனில் இங்கு வேலைக்காரர்கள் கிடைப்பது அரிது..அல்லது காஸ்ட்லி உதாரணமாக 4 ஆயிரம் டாலர்கள் சம்பளம் வாங்கும் ஒருவர் டிரைவர் வேலைக்கு ஆள் வைத்தால் குறைந்தது 2 ஆயிரம் ரூபாய் சம்பளம் தர வேண்டும்.! அமெரிக்காவில் வேலைக்கு ஆட்கள் கிடைப்பது சிரமம் அதிக செலவும் கூட வீட்டுவேலை, தோட்டவேலை, முதற்கொண்டு நாம் தான் பார்க்கவேண்டும் வேலைக்கு ஆட்களை எதிர்பார்க்க முடியாது.

வரும்..