ஹலோ அமெரிக்கா - 6

#அமெரிக்க_வாழ்_தமிழர்கள்

பார்ட் - 6

முதலில் ஒரு ரிசப்ஷன் அறை, பெரிய ஹால் அதனை ஒட்டி டைனிங் ஹால்  அப்படியே எதிரே ஒரு பெரிய மரபால்கனி அல்லது சிட் அவுட்.. டைனிங் ஹால் முடியும் இடத்தில் மாடுலர் கிச்சன் கிச்சனுக்கு இடது புறம் ஸ்டோர் ரூம், வாஷிங்மெஷின் ரூம் எதிர்புறம் டாய்லெட் அப்படியே கார் ஷெட்டுக்கு போக ஒரு கதவு.. மாடியில் 4 படுக்கையறைகள்.. விருந்தினருக்கென்றே 2 அவர்கள் உபயோகத்திற்கு 2 இதுதான் பெரும்பாலும் எல்லார் வீட்டிலும் உள்ள அமைப்பு.

வீட்டு அமைப்பில் கொஞ்சம் அளவுகள் வேண்டுமானால் மாறுபடலாம் மற்றபடி வீட்டை சுற்றி வேலி அழகான புல்வெளி விளையாட வசதி என ஸ்பேஸ் விட்டு கட்டப் பட்டிருக்கும்.அபார்ட்மெண்ட் வீடுகளில் இந்த வசதி இல்லை இருப்பினும் முதலில் அங்கு வாழ்ந்தவர்கள் தான் இது போல வீடு வாங்கி வரிகட்டி இன்சூரன்ஸ் கட்டி டொர்னாடோவை விட சக்தி வாய்ந்த அமெரிக்க வாழ்க்கை என்னும் சுழலுக்குள் அமுங்குகிறார்கள். மின்சாரம் நெட் இரண்டும் அளவில்லாத அளவு தங்கு தடையின்றி கிடைக்கிறது.

கார் காரேஜில் ஸ்டோர்ரூம் உண்டு. அண்டர் கிரவுண்ட் இருக்கும் வீடுகளில் கீழேயும் இருக்கும். காரை எடுக்கும் போதே டிரைவர் சீட்டுக்கு மேலே இருக்கும் ரியர் வியூ மிரரில் உள்ள ரிமோட்டை அழுத்தினால் அலிபாபா குகை போல கதவு மேலேறுகிறது.. இரண்டு கார்கள் நிற்கும் அளவு பெரிய காரேஜ்.. அதன் வழியாக வீட்டிற்குள் போகவும் வசதி இருக்கிறது. தனிக்கதவும் உண்டு.பனிக்காலத்தில் பெரும்பாலும் வாசல் கதவு  இதுவே.மெயின் வாசலை பயன்படுத்துவது குறைவு. 

வெளியே உறைபனி பெய்ய அதற்குள் கால் வைத்து வீட்டிற்குள் புழங்காது காரேஜ் வழியாக உள்ளே செல்வதே உகந்தது. வீட்டுக்கு எதிரே புல்வெளி பல வீடுகளில் உண்டு சில வீடுகளில் பேஸ்கட் பால் போஸ்ட்டும் இருக்கும்.. இங்கெல்லாம் பெய்யும் பனியை நாம் தான் சுத்தப்படுத்த வேண்டும் சாலையில் உள்ள பனியை மட்டும் தான் நகராட்சி எடுக்கும். வீட்டின் வெளிப் புறத்தை அவ்வளவு சுத்தமாக பராமரிக்க வேண்டும்.

வீட்டில் திராஷ் என்னும் மெகா குப்பைத்தொட்டிகள் உண்டு அவற்றிற்குள் குப்பைகளை கொட்டி வாரா வாரம் குறிப்பிட்ட நாளில் வரும் குப்பை வண்டியில் போடவேண்டும் அல்லது அவர்கள் எடுத்துச் செல்வார்கள்.. குப்பையை கண்ட இடங்களில் போட முடியாது.. குப்பைத் தொட்டியும் மட்கும் மட்காத என இருவகைகளாக பிரிக்கப்பட்டு இருக்கும். அதற்கு ஏற்றபடி பிரித்து போடவேண்டும். குப்பைகளைக் கொட்ட வேறுவழியே இல்லை.

அமெரிக்கா வாழ் தமிழர்களின் வீட்டில் காணப்படும் வீட்டு உபயோகப் பொருட்கள் மற்றும் வானிலை அறிக்கை பற்றி அடுத்த பதிவில்..

வரும்..