டெக்ஸாஸ் - டாலஸ்..

#டாலடித்த_டாலஸ்_வெற்றி

மினியாபொலிசில் இருந்து டெக்ஸாஸ் மாகாணத்தின் டாலஸ் நகருக்கு கிளம்பினோம். கெளபாய் சிட்டி என அழைக்கப்படும் டாலசும் இரட்டை நகரங்கள் அமைந்த ஊர்.. ஒன்று டாலஸ் இன்னொன்று ஃபோர்ட் வொர்த்.. அமெரிக்காவில் தமிழர்கள் அதிகம் வாழும் இரண்டாவது பெரிய மாநிலம் டெக்ஸாஸ் முதலிடம் நியூஜெர்சிக்கு. டெக்ஸாசில் 2kk மீடியா சார்பில் நண்பர் சவுந்தர் ஏற்பாடு செய்திருந்த நிகழ்ச்சி அவர் தான் வரவேற்றார்.

டாலஸ் அப்படியே நம்ம சென்னை 21 டிகிரி செல்சியஸ் வெப்பத்தில் இருந்தால் எப்படி இருக்குமோ அப்படி இருந்தது.. இந்த கிளைமேட் நம்ம ஊர்க்காரர்களுக்கு மிக மிகப் பிடிக்கும்.. இப்போது உங்களுக்கு புரிந்து இருக்கும் அதிகம் தமிழர்கள் ஏன் இங்கு வசிக்கிறார்கள் என்று. 20 நாட்களுக்குப் பின் எனக்கு வியர்த்தது இந்த ஊரில் தான்.! இந்த ஊருக்கு வந்த பிறகு ஜெர்கினை மடித்து பெட்டியில் கடாசி பூட்டி விட்டோம்.

டாலஸில் முழுதாக மூன்று நாட்கள் இருந்தோம். டாலஸில் நண்பர் சவுந்தர் வீட்டில் தங்கினோம்.. அருகிலேயே நண்பர் கேசவன் நண்பர் நந்தா என முப்பெரும் தளபதிகள் எங்களை ஓடி ஓடி கவனித்துக் கொண்டனர். கேசவன் திண்டுக்கல் சின்னாளப்பட்டிக் காரர் அவரது மனைவி லேகா அவரது தங்கை சீதா அவரது கணவன் சதீஷ்.. எல்லாரும் அதே ஊர்.. கேசவனின் தம்பியும் அதே ஊர் மொத்த குடும்பமே இப்ப அமெரிக்காவில்.

அதே போல நந்தா வீட்டில் மகேஷ் தங்கிக் கொண்டார்.. சவுந்தர் மனைவி ராஜி கொஞ்சம் மிட்சேல் ஓபாமா சாயலில் இருந்தார்.. ஹேர் ஸ்டைலும் அசப்பில் அவர் போலவே இருந்தது..பெரிய நிறுவனம் ஒன்றில் பொறுப்பான பதவியில் இருந்தாலும் நாங்கள் விளையாட்டாக அவரை கலாய்த்ததை ஸ்பொர்டிவாக எடுத்துக் கொண்டார்..  அருமையாக சமைத்தும் போட்டார்.

இத்தனை பேர் இருந்ததால் அங்கு எங்களுக்கு பொழுது நன்றாக போனது.

அந்த வீட்டில் ப்ரேக் பாஸ்ட் இந்த வீட்டில் லஞ்ச் இன்னொரு வீட்டில் டின்னர் என நான்கைந்து தெருவுக்குள் இருந்ததால் ஈசியாக இருந்தது. ஆனால் டாலஸில் எங்களுக்கு சாப்பாட்டு பிரச்சனையே இல்லை ஏனெனில் அங்கு சென்னை கஃபே மற்றும் மதுரை தட்டுக்கடை இருந்தது. அப்படியே நம்ம மதுரை ஸ்டைலில் இட்லி கொத்து பரோட்டா தோசை, மதியம் சாப்பாடு மீன் குழம்பு மட்டன் சிக்கன் என வெரைட்டியாக தந்தார்கள்.

சுத்த சைவத்திற்கும் ஒரு கிளை இருந்தது இந்தக் கடைகளைபற்றி எல்லாம்

தனிப்பதிவாக போட்டு இருக்கேன்.. டாலஸில் டாலர் அச்சடிக்கும் பிரஸ்.. மற்றும் கெளபாய் சிட்டி மெழுகுச் சிலை கண்காட்சி இங்கெல்லாம் போனதை தனித்தனி பதிவாகத் தான் போட வேண்டும் அவ்வளவு சுவாரஸ்யமாக இருந்தது. நிகழ்ச்சி நடைபெறும் ஹாலுக்கு சென்றோம் சரியாக 4மணிக்கு நிகழ்ச்சி ஆரம்பம்.. மேடையில் நிகழ்ச்சி தொடங்கியது.

இங்கும் பழகிவிட்ட அதே வெற்றி ஃபார்மூலாவைத் தொடர சிரிப்பொலியும் கரவொலியும் அடங்க நேரமானது..வழக்கம் போல எங்களை கவுரவப் படுத்தினார்கள் பொன்னாடை மற்றும் நினைவுப்பரிசுகளோடு இங்கிருந்து ஒரு இரும்புப் பெண்மணியை சந்திக்க போனோம் அது பற்றியும் அடுத்து ஒரு தனிப்பதிவில்.. நண்பர் சவுந்தர் உள்ளிட்ட அனைவருக்கும் மிக்க மகிழ்ச்சி இப்பயணத்தின் ஐந்தாவது சூப்பர் டூப்பர் வெற்றியில் எங்கள் முகங்கள் ஜொலி ஜொலித்தன ஏனெனில் இது டாலடித்த டாலஸ் வெற்றி அல்லவா.!