முகநூல் நண்பர்களின் வெடி...

Murali Munus... பட்டாசு வெடிக்கிறார்....

என்ன பட்டாசுல எல்லாம் லட்சுமி ஸரஸ்வதி படம் இருக்கு எனக்கு வேணாம்....!

ஏங்க.. உங்களுக்கு எப்படி வேணும்?

எனக்கு ரோஜாப்பூ படம் போட்ட பட்டாசு தான் வேணும்... இனிய தீபாவளி வாழ்த்துக்கள் நண்பர்களே.. ரோஜாப்பூ நீட்டுகிறார்...

(நாமும் நீட்டுகிறோம்) சரி இந்தாங்க வெடிங்க.....

"மழைக் காத்து வீசுர போது வண்ண மயில் ஆடாதா...

என்னங்க பாடுறீங்க?

எனக்கு பாடுனாத்தான் மூடு வரும்...

சரி பாடுங்க....

மத்தாப்பு சுட்டு சுட்டு போடட்டுமா".....

இது மத்தாப்பு இல்லிங்க வெடி.....

அப்ப... நானும்.... குண்டு ஒண்ணு வச்சுருக்கேன்" வெடிகுண்டு ஒண்ணு வச்சிருக்கேன்"

(திடீர்னு feel ஆகிறார்)

நண்பனோட பட்டாசு கடையில தீபாவளிக்கு பட்டாசு வாங்க போனேன் எங்கிட்ட காசு வாங்கி எண்ணி பாக்குறான்... இது எனக்கு மட்டும் தானா... (எண்ணிப் பார்க்கிறார்)

இனி வெடிச்ச மாதிரி தான்.....விடு... ஜூட்.....

Chelli Srinivasan.... பட்டாசு வெடிக்கிறார்....

எல்லா வெடியும் இருக்கா?

இருக்குங்க....

ம்ம்.. அப்ப சரி... இதுல என்ன திரியே இல்ல எப்படி வெடிக்கிறது?

இது வெங்காய வெடிங்க... திரி இருக்காது...

எனக்கு தெரியும்.... உங்களுக்கு தெரியுதான்னு டெஸ்ட் பண்ணேன்...

சரி வெடிக்க ஆரம்பிங்க....

வெங்காய வெடிக்கு ஏன் அந்த பேரு தெரியுமா?

ஏன் செல்லி திடீர்னு கேள்வி?

நீங்க தானே வெடிக்க ஆரம்பிங்கன்னு சொன்னீங்க அதான்... ஹா ஹா ஹா..பதில் சொல்லுங்க

தெரியலைங்க...

ஏன்னா.... வெங்காயம் உரிச்சா கண்ணுல தண்ணி வரும்... இது வெடிச்சா கண்ணுல தண்ணி வரும்...புர்ர்ர்ர்ர்ர்ர்ர்ர்ர்ர்ர்ர்ர்ர்...ஆமா இப்ப உங்க கண்ணுல இருந்து ஏன் தண்ணி வருது..

இது ஆனந்த கண்ணீருங்க....

யார் அந்த ஆனந்த்?

ஐயைய்யோ... நீங்க வேற எதாவது வெடிங்க...

என் பிரண்ட் நித்யாவுக்கு பட்டாசு வெடிக்க போகும் போது கையெல்லாம் ரத்தம் தெரியுமா?

அது எப்படிங்க... பட்டாசு வெடிச்சா தீக்காயம் தான வரும்! ரத்தம் எப்படி வரும் ?

அவங்க வெடிக்க எடுத்தது ஊசிப்பட்டாசு ....அது கைய குத்துனா ரத்தம் தான வரும்... யாரு கிட்ட.........(வெங்கி எங்க ஒடுறிங்க அது உங்களால முடியாது....)

நான் ஓட்டம் எடுக்கிறேன்... விடு ஜூட்....

உமர் சித்தப்பு பட்டாசு வெடிக்கிறார்.........

ஏய்... எல்லா வெடியும் வந்தாச்சா ஒரு அட்டண்டெண்ட்ஸ் போடுங்க... (ஒரு பல்டி அடிக்கிறார்) என்ன சத்தத்தையே காணோம்...

சித்தப்பு வெடி வெடிச்சாதான் சத்தம் வரும்... வாங்க வந்து வெடிங்க..

பேக் பண்ண வெடில சத்தம்... ஃபேக் ஐ.டின்னா முத்தம்... யோவ் சாகுல் ஒன் அன் ஒன்லி நோட் பண்ணுய்யா.....

இந்தாங்க சித்தப்பு ஆனை வெடி...

யோவ் வெங்கடேசு உன் உருவத்துக்கு ஏத்தமாதிரி வெடியா தர்ற... ஏதோ குஜிலி வெடியாமே அத கொண்டா...

ஐயோ சித்தப்பு அது பிஜிலி வெடி உதிரியா இருக்கும்...

அப்படியா சரி சங்குசக்கரம் இருக்கா... அது தான் என்னை மாதிரியே சுத்தும்... (கர கர வென அதுபோல சுற்றுகிறார்)

பாத்து... பாத்து சித்தப்பு கால் சுளுக்கிக்க போகுது.....

கால்... கால்... யோவ் பட்டாசு மட்டும் தானா லெக் பீஸ் சாப்பிட இல்லையா?

இருக்கே உங்களுக்கு என்ன வேணும்?

மட்டன் பிரியாணி,பட்டர் சிக்கன், விரால்மீன் ரோஸ்ட், ஃபுரூட்சாலட் ஐஸ்க்ரீம், பீடா, கிங்ஸ்... ஏவ்வ்வ்வ்வ்வ்வ்வ்வ்வ்வ்வ்...

சித்தப்பு நீங்க சொன்னவுடனே 200 லைக் விழுந்துருச்சு...

லைக் விழுகலாம் பிகர் முன்னாடி பைக்குல விழக்கூடாது... ( சிறுவன் ஒருவன் வருகிறான்)

அங்கிள்.. பொட்டு கேப் வெடிக்க "சுத்தி" கிடைக்குமா?

(சித்தப்பு காதில் "சித்தி" என விழுக பேக் பல்டி அடித்து மறைகிறார்)

நாமும் விடு ஜூட்........

ரா.புவன் பட்டாசு வெடிக்கிறார்......

பட்டாசு வெடிக்கலாமா புவன்.....

பிரியாணி வரட்டும் பட்டாசு வெடிக்கிறேன்...

அடடே பிரியாணி தீபாவளிக்கு ரிலீஸ் ஆகலியே புவன்!

அண்ணே மொக்கை போட்டதிங்க நான் சாப்பிடுற பிரியாணிய சொன்னேன்....

இதோ சமையல் ஆகிகிட்டே இருக்கு முதல்ல வெடிக்கலாம்...

ஆமாண்ணே பிரியாணி வேணும்... அதுவும் "இலையில" தான் வேணும்... (இன்னோவா...)

கண்டிப்பா உண்டு வா வெடிக்க ஆரம்பிக்கலாம்...

ஆரம்பம்... சூப்பர் இது தான் தல" தீபாவளி... ஆனா ரெண்டாவது தடவை பாக்க கூடாது..

அதுசரி முதல் தடவை பாத்துட்டேன் மறுபடியும் நான் போவனா?

போவனா... அண்ணே நீங்க இதை சொன்னதும் பாவனா ஞாபகம் வந்துருச்சு...

ஐயைய்யோ அது வரக்கூடாதேப்பா...

மனசு சரியில்லைண்ணே ஒரு கவிதை...."உன் இதழ்கள் கொண்டு என் விழிகள் மூடுகிறாய் தூங்கச் சொல்லி... 

தம்பி பட்டாசு வெடிக்கலை...தூங்கிடப்போற....

ஈழத்து கொடுமை கண்டு கண்மூடி நின்று விட்டோம்...ஐயகோ....

தம்பி பிரியாணி ரெடியாம் சாப்பிட போகலாமா?வெடிக்க வேணாம்

(Feeling பண்ணி பேசுகிறார்)

நம்பிக்கை வைத்து பல முறை ஏமாந்து விட்டேன்... நட்பு என்று துரோகம் செய்தார்களே அப்போதே என் இதயம் வெடிச்சுருச்சு... அதுக்கு மேல ஒரு வெடியா....

இனி நான் நிப்பேனா......விடு ஜூட்......

நித்யா கந்தசாமி வெடிக்கிறார்.....

ஏய் என்னா ஒரே கம்பி மத்தாப்பு சாட்டைன்னு குழந்தைங்க வெடியா இருக்கு....

இல்லிங்க அது வந்து....

இங்க பாரு நல்ல வெடியா குடு... நான் ஆங்கூர் பூந்தி,மகிதானா லட்டு செய்யறதை விட்டுட்டு வந்துருக்கேன்....

இந்தாங்க 10தவுசண்ட் வாலா.....

இதெல்லாம் சிறுசுங்க வெடிக்கிறது வேற தா .....

அப்ப பெருசுங்க வெடிக்கிற வெடி தரட்டுமா.....

ஏய்..... யாரை பாத்து பெருசுன்னு சொன்னே....என் பெரிசு கிட்ட சொன்னேன் உனக்கு  ஊசி தாண்டி....

சரி இந்தாங்க அணு குண்டு..

ரமேஷ் மாம்ஸ்க்கு அதிரடியா ஒரு கிப்ட் கேட்டா நீ இதையா குடுக்குற...

அய்யோ இது அதுக்கு இல்ல நீங்க வெடிக்க...

தோடா... நான் வெடிச்சா தாங்க மாட்ட நாலு வருசம் தூங்க மாட்டே...

சரி உங்களுக்கு என்ன தான் வேணும்....

ம்ம்...எண்ணை வேணும் பலகாரம் செய்வேன் இல்லை பாயா செய்வேன்....

சரிங்க அப்ப பட்டாசு?.

யாருக்கு வேணும் உன் பட்டாசு நான் எல்லாம் ஸ்டேட்டஸ் போட்டாலே பட்டாசு தான்...

அது எப்படிங்க?

அது... எப்படியா???? பிரண்ட்ஸ் நான் சொன்னதுக்கு "சிரிச்ச" மாதிரி கருப்பு வெள்ளை போட்டோ போட்டிங்க...

இப்ப தீபாவளிக்கு "வெடிச்ச" மாதிரி போட்டோ வர்ற 4ம் தேதி போடுங்க.......

நான் தனி ஆள் இல்லை என் பின்னாடி ஒரு கூட்டமே இருக்கு.... 

இந்த 30 பேரையா சொல்றிங்க....

ஏய் என்ன கிண்டலா...

(சட்டென கவலை ஆகி)

எனக்கு மூடு அவுட் யாராவது என்னை சிரிக்க வைங்களேன்...

நான் விடு ஜூட்.....

மோகனசுந்தரம் மீனாட்சிசுந்தரம் பட்டாசு வெடிக்கிறார்.......

எனக்கும் உங்களுக்கும் 444 மியூட்சுவல் பிரண்ட்ஸ்..... எனக்கு 4 தாய்..... 

சரி.... பட்டாசு வெடிங்க.....

என் முதல் தாய்க்கு பட்டாசு பிடிக்காது......

அப்ப வெடிக்க மாட்டிங்களா?

என் இரண்டாம் தாய்க்கு பட்டாசு பிடிக்கும்...

அப்ப வெடிங்க.....

என் மூன்றாம் தாய் எழுந்து விடுவாளே......

சரி... மெதுவா வெடிங்க....

என் நான்காம் தாய்க்கு அது பிடிக்காது....

ஏங்க ஏதாவது வெடிங்க.....

இதோ வெடிக்கிறேன்..... எங்கே ராக்கெட்?...

இந்தாங்க பத்த வைங்க....(பத்த வைக்கிறார்)

(பறக்கிறது,, ) சரி ஏன் வெடி வெடிச்சிங்க?

உதடு தான் மேலே அங்க வந்தா நிக்கணும்....

இல்லிங்க நீங்க பத்த வச்சது மேல போச்சு... 

மேலே போனா கீழே வரணும்.... கொடுக்குற தெய்வம் ஏன் கூரையை பிச்சிகிட்டு கொடுக்குது தெரியுமா? ( பக்கத்து வீட்டு குரல்) எல்லாமே பிஞ்சிடுச்சு....யார்ரா ராக்கெட்டை என் கூரைல விட்டது ......

இருவரும் ஓடுகிறோம்..... விடு ஜூட் ...........

கிருத்திகா தரன்.... பட்டாசு வெடிக்கிறார்...........

நீளமா இருக்குற பட்டாசு நீண்ட நேரம் வெடிக்குமா?டவுட்டு டானியா கேக்குறா?

டானியா டவுட்டுக்கு பதில் சொல்ல முற்படுவதற்குள்.... எல்லாம் வெடித்து விடுகிறது.....

சரி.... இது வெடிச்சா வெடிக்கட்டும் வேற வெடி இருக்குல்ல?

இருக்குங்க கிருத்திகா... இந்தாங்க செங்கோட்டை வெடி.....

செங்கோட்டைன்ன உடனே எனக்கு ஞாபகம் வர்றது இதை எப்படி செய்யறது?

அது எனக்கு எப்படிங்க தெரியும்!,,

தெரியணும்...தெரிஞ்சு வைச்சுக்கணும் இல்லாட்டி அஞ்சலைய கேளுங்க... (அஞ்சலையை கூப்பிட அவர் வருகிறார்)

யக்கோவ்.....வூட்ல செய்யாத வெடியும் கடையில வாங்கின பொடியும் சீக்கிரம் கெட்டு போயிடும்... அக்காங்...

குட்... அஞ்சலை.. கரெக்டா சொன்ன... ஓஜுக்கு கதை சொல்லு.. இந்தாளு கதைய நான் பாத்துக்குறேன்......

ஆமாம்மா தீவாளிக்கு நிறைய வேலை இருக்கு சட்டுன்னு "இதை"அனுப்பிட்டு வேகமா வா....

என்னங்க என்னை இதுன்னு மரியாதை இல்லாம சொல்றாங்க அஞ்சலை....

இருங்க வெங்கி,,, எது மரியாதை?.... பெங்களுர் வந்த உங்களுக்கு காவிரி தண்ணி கொடுத்து உபசரிச்சு இருக்கனே இது மரியாதை...

இது எங்க ஊர்லயே கிடைக்குதுங்களே.....

அப்பிடின்னு நீங்க தான் சொல்றிங்க நான் சொன்னேனா?

இல்லிங்க நீங்க பட்டாசு வெடிங்க....

இருங்க பட்டாசு வெடிக்க போயி எங்கமாமா கை கிழிஞ்சு தொங்குன கதை உங்களுக்கு தெரியுமா?

இல்லிங்க தெரியாது....

சரி இப்ப தெரிஞ்சுக்கோங்க... அதாவது லஷ்மி வெடியை எடுத்து...

வேணாங்க நீங்க வெடிக்கவே வேணாம்.... நான் கிளம்பறேன்

சரி...இருங்க வீடு தேடி வந்துட்டிங்க  காபி சாப்பிட்டு போங்க... அஞ்சலை... அஞ்சலை...

(யாரும் வரவில்லை).    என்னங்க அஞ்சலைய காணோம்?

ஹி...ஹி...ஹி...அவளுக்கு வெடின்னா பயம் அதான்..... 

சரி... அவங்க எங்க?

நல்லா பாருங்க (கொல்லைப்புறம் வழியாக காட்டுகிறார் ...தூரத்தில் அஞ்சலை..)

அங்க நிக்குறா அஞ்சலை..... 

நான் விடு ....... ஜூட்.......

Daisy Edwin பட்டாசு வெடிக்கிறார்......

இந்தாங்க டெய்சி வெடிங்க....

சிலருக்கு உறக்கம் வருகிறது எனக்கு நீயும் உன் காதலும்...

அய்யய்யோ என்னாச்சுங்க? 

காதலா ...காதலா...

டெய்சி ஆர் யூ ஆல் ரைட்?

உலக தமிழ் வானொலி வரலாற்றில் முதன் முறையாக ஃபேஸ்புக் கலாட்டா...

வெடிக்கலையா டெய்சி?

இருங்க கே.வி மகாதேவன் பாட்டு போடுறேன்.....

சரிங்க நான் கிளம்புறேன்....

இருங்க நீங்க இப்ப தமிழ் குஷி டாட் காம் கேளுங்க....

நீங்க வெடிப்பிங்களா இல்லையா...

நானா மொக்கை போட்டா வெடிப்பேன்... எதாவது மறைச்சு பேசுனா வெடிப்பேன்... எனக்கு பிடிக்காதவங்க கிட்ட பேசுனா வெடிச்சு சிதறுவேன்... போதுமா...

அய்யய்யோ சாரிங்க ஹேப்பி தீபாவளி...

ஓ.கே இப்ப இதை கேளுங்க அதிகாலை சூரியன் ......வெங்கி ஓடாதிங்க

நான் விடு ஜூட்.....

ஹன்ஸா பட்டாசு வெடிக்கிறார்........

என்னப்பா பட்டாசு எல்லாம் பெட்டியில இருக்கு?

ஆமாக்கா பின்ன எப்படி இருக்கணும்?

எனக்கு கட்டு தான் பிடிக்கும்.. சரி இதெல்லாம் எங்க வாங்கினே?

சிவகாசிக்கே போயி வாங்கினேன் 10 ஆயிரம் ரூபா ஆச்சு...

பில் வாங்கிட்டியா? நாளைக்கு ஏதாவது பிரச்சனைன்னா கேஸ் போடலாம்...

அது சரி ....... அக்கா இப்ப வெடி போடலாம்...

இருப்பா ஏன் அவசரம் பையன் வர்றதுக்கு முன்னால பலகாரம் செய்யணும்...

வெடிச்சிட்டு செய்யுங்க அக்கா...

இன்டர்நெட்லயே பாதுகாப்பு வந்துருச்சு வெடிக்கு பாதுகாப்பு இருக்கா?

புரியலைக்கா?

சினேகிதனே பத்திரிக்கையில் வழக்காடுவோம்ன்னு எழுதுறேன் அதை படிங்க புரியும்..

சரிக்கா படிக்கிறேன்... நீங்க வெடிங்க..

இந்தாப்பா சும்மா வெடி வெடின்னே அப்புறம் கடிச்சு வைச்சுடுவேன்..

அய்யய்யோ நீங்க கடிப்பிங்களா?

நம்பலையா ? நான் எப்படி கடிப்பேன்னு என் கூட ரெண்டாம் கிளாஸ் படிச்ச பிரகாஷை கேளு...

சாரிக்கா ....இப்ப கம்பி மத்தாப்பு எடுக்கவா?

எடு அதுக்கு முன்னால பாக்கெட்ல MFD Date இருக்கா பாரு... இல்லாட்டி வழக்கு போடுவோம்....மத்தாப்பு காரனை கம்பிக்குள்ள போடுவோம்...

அதெல்லாம் இருக்குக்கா...( ஆனால் கம்பி மத்தாப்பு பெட்டிக்குள் சாட்டை இருக்கிறது)

பாத்தியா இது ஆள்மாறாட்டம் போர்ஜரி மத்தாப்புன்னு சொல்லி சாட்டைய வச்சு இருக்கான்... இப்ப சுழட்ட போறேன் என் சட்ட சாட்டையை...

அக்கா அது நான் பிரிக்கும் போது தப்பா வச்சுட்டேன் கம்பெனிகாரன் தப்பில்லை...

ஓ... இருந்தாலும் நாளைக்கு இது உண்மையிலுமே நடந்துட்டா.... ம்...ம்ம். ஓகே நுகர்வோர் நலன்கள்ன்னு ஒரு தொடர் எழுத போறேன் புது பரம்பரை புக்குல சரியா?

அக்கா வந்ததுல இருந்து எதுவுமே வெடிக்கலை...

இரு.. இரு... செருப்பு ஏ.சி.ஷோரூமிலே.... காயி மொட்ட வெயிலிலே... எப்பூடி! லைக் பட்டனை அமுக்கு தம்பி....

அக்கா நொந்து நூடுல்ஸ் ஆயிட்டேன்...

நூடுல்ஸ்... தம்பி அந்த நூடுல்ஸ் பதிவு பாத்திங்களா வழக்கு போடப் போறேன்...

அக்கா நான் கிளம்புறேன் நீங்க வக்கீல் வாயிலயே வெடிக்கிறிங்க.. பட்டாசு வெடிக்க மாட்டேங்குறிங்க..

ஹா..ஹா... இதோ அபினவ் வந்துட்டான் அவன் வெடிக்கணும்ன்னு தான் உன்னை வெட்டி வம்பு இழுத்துகிட்டு இருந்தேன்...

இத அப்பவே சொல்லி இருக்கலாமேக்கா.......அவ்வ்வ்வ்வ்வ்

எந்த கேள்விக்கும் தற்கொலை பதிலாகாது...! ஒன்றைத் தவிர... தம்பி... என்ன மாயமா மறைஞ்சுட்ட.....

விடு...ஜூட்......

டாக்டர் ஹரிஹரன் பட்டாசு வெடிக்கிறார்......

டாக்டர் இந்தாங்க எல்லா வெடியும் இருக்கு...

ம்ம்...இது என்ன உங்களை மாதிரியே உருண்டையா இருக்கு?

இது அணுகுண்டு டாக்டர்...

யெஸ் கரெக்ட்... குண்டா இருந்தா வெடிச்சிடும் நீங்களும் அப்பிடிதான் இனி டெய்லி காலைல 3கிமீ வாக்கிங் போங்க...

நடந்தேவா டாக்டர்?

ஏன் ஒரு ஆல்டோவுல போங்களேன்.... சரி இதென்ன?

இது ஆட்டம் பாம் டாக்டர்..( ஸ்டெதஸ் வைத்து பார்க்கிறார் )

டாக்டர் என்ன இதுக்கு போயி ஸ்டெதஸ் வைக்கிறிங்க?

இல்ல இது டைம்பாமா இருந்தா சத்தம் வருமே அதான் பாக்குறேன்.. ஹி.. ஹி...

சரி இந்தாங்க மத்தாப்பு ....

(வாங்கி விளக்கில் பற்ற வைக்கிறார் அது எரிய வில்லை) என்னங்க இது மத்தாப்பு எரியவே மாட்டேங்குது இன் நேரம் ஒரு அண்டா வென்னீரே வைச்சு இருப்பேன்...

ஐயோ டாக்டர் அங்க பாருங்க அது மத்தாப்பில்ல உங்க தெர்மாமீட்டர்...

அட ஆமாம் ... நர்ஸ் இந்த மாசம் உனக்கு சம்பளமில்ல....

அதுக்கு அவங்க என்னங்க பண்ணுவாங்க

ஒழுங்கா துடைச்சி ஸ்டெரிலைஸ் பண்ணாமல் மத்தாப்பு கலர்ல வைச்சதுக்கு தான்... ஓகே வேற என்ன வெடி...

புதுக்கோட்டை...ச்சீ......செங்கோட்டை வெடி....

அது வேணாம் காஸ்ட்லியா இருக்கும்.. வேற...

காஸ்ட்லி எல்லாம் இல்லை டாக்டர்...

ஷ்..ஷ்..ஷ்..சும்மா இருங்க எனக்கு தெரியாதா அந்த காலத்துலயே புதுக்கோட்டை to மதுரைக்கு 60ஆயிரம் ஆச்சு செங்கோட்டை ரொம்ப தூரம்.....வேற...

பென்சில் இருக்கு பரவால்லையா?

என் கையெழுத்து புரியாது அது பரவால்லையா....

சரி இந்தாங்க மாத்திரை..

ஹலோ டாக்டருக்கே மாத்திரையா?

ஐயோ டாக்டர் இது பாம்பு மாத்திரை....

அப்ப அதை பாம்புகிட்ட குடுங்க.... 

உங்களுக்கு பிடிக்காதா?

நர்ஸ் மாலதிய கூடத்தான் பிடிக்கலை அவங்க கிட்ட குடுங்க...

சங்கு சக்கரம் விடலாமா?

நான் என்ன பெருமாளா?

நீங்க எதுவும் வெடிக்க மாட்டிங்க ....சரி டாக்டர் நான் கிளம்புறேன்...

ஹலோ நான் வெடிக்கறது இல்ல படிக்கிறது மட்டும் தான் விகடன்ல முத்துக்குமார் தொடரை படிங்க...

சரிங்க வரேன்..

ஹலோ இருங்க ஏன் அவசரம் முதல்ல கன்சல்டிங் பீஸ எடுங்க...!!

கன்சல்டிங் பீஸா????????? எதுக்கு டாக்டர்?

இப்படி கேட்டதுக்கு இன்சல்ட்டிங் பீஸும் உண்டு.... பேச்சு வாக்குல உங்க உடம்பை குறைக்க யோசனை சொன்னனே அதுக்கு.....

(நான் ஓடுகிறேன்)

ஹலோ என்ன இப்பவே நான் சொன்ன ஜாகிங் ஆரம்பிச்சுட்டிங்களா..இருங்க நான் நடந்து வந்தே உங்களை புடிக்கிறேன்...

புடு ஜூட் ........

Kamali Panneerselvam பட்டாசு வெடிக்கிறார்.....

இந்தாங்க வெடிகள் வெடிங்க கமலி...( தேடுகிறார் )

என்ன தேடுறிங்க கமலி?

என் கண்ணாடியைத் தான்....  செல் வைச்ச இடம் மறந்தா மிஸ்டு கால் குடுத்து கண்டுபிடிக்கிறா மாதிரி கண்ணாடிக்கு ஏதாவது வழி இருக்கா?

( கண்ணாடியை  நாம் எடுத்து தருகிறோம்) முதலில் ராக்கெட் வெடிங்க....

(பற்ற வைப்பதற்கு முன் மேலே பார்த்து உணர்ச்சி வசப்படுகிறார்)

என்னாச்சுங்க கமலி?

அங்க அந்த மரத்துல பாருங்க மைனா பறவை வெடிசத்தத்துல ஒடுங்கி நிக்குது எனக்கொரு புழுவை கண்டாலே பாவமா இருக்கும் சாரி இந்த வெடி வேணாம்...

ஏங்க உங்களுக்கு கண்ணாடியை எடுத்து கொடுத்தது தப்பா போச்சே...மைனாவுக்கு எல்லாம் பாத்தா வெடி வெடிக்க முடியுமா?

இங்க பாருங்க தவறு செய்வது பெரிய விஷயமில்லை... உங்கள் தவறுகளை நியாயப்படுத்துறிங்க அதான்... நிறைய படிப்பிங்களோ...

சரி... கூல் கமலி... இந்தாங்க மத்தாப்பு இது சத்தம் வராது.....ஓகேவா...

எனது செயல்களின் உள் நோக்கம் உன்னை காயப்படுத்த வேண்டும் என்பதில்லை...

அடடா நீங்க வெடிங்க...

வெங்கி பாலகுமாரனின் புருஷ விரதம் புத்தகத்தில் ஒரு வரி நடிப்பவர்களை நடிப்பவர்களால் தான் நேசிக்க முடியும்... சூப்பர் இல்ல...

ஏங்க வெடின்னு சொன்னேன் படின்னு சொன்னனா?...

(மத்தாப்பு வெடிக்கிறார்) வேணாம் வெங்கி பட்டாசு வெடிக்குற வயசை தாண்டியாச்சு..

அப்ப என்ன செய்ய போறிங்க?

பழைய போட்டோ தேடி எடுக்கப்போய் கிழே விழுந்த மாதிரி மனசும் விழுந்துடுச்சு...இருங்க ஒரு கவிதை,... பிடிபட்ட மீனின் கண்களில் நிரம்பி வழிகிறது உயிர் போகும் பயத்தை விட சிறு புழுவுக்காக ஏமாந்த.... ஏன் வெங்கி உங்க கண்ல நீர் நிரம்பி வழியுது...

(நான் துடைத்தபடி)இல்லிங்க கண் வேர்க்குது.....

இருங்க நான் செஞ்ச தீபாவளி ஸ்வீட்ஸ் சாப்பிடுங்க...

(நான் சுதாரித்து) உங்களுக்கு எதுக்கு சிரமம் கமலி அப்புறம் எனக்கு கண் வேர்த்து கிட்டே இருக்கும்...

நோ...இருங்க நாளைக்கு Expiry Date போட்டு ஒரு கோதுமை பாக்கெட் இருக்கு 2 தோசை அவ்வளவு தான்...

(மனதிற்குள்) யாரு நானா!,,,

கமலி சமையலறைக்குள்ளே போக... நான் வெளியே எஸ்கேப்......விடு ஜூட்....

ஸ்ரீதேவி செல்வராஜன் பட்டாசு வெடிக்கிறார்....

ஏன் பட்டாசெல்லாம் கிழே வைச்சு இருக்கிங்க?

பின்ன எங்க வைக்கிறது?

அதுக்கு ஒரு டேபிள் தரக்கூடாதா?எங்க ஆபிஸ்ல வந்து பாருங்க....

எப்படி பட்டாசுக்கு டேபிள் கொடுத்து இருக்காங்களா?

ஆமா.. எனக்கு தந்து இருக்காங்க ஏன்னா நான் ஒரு கண்ணி வெடி...

அப்ப யாராவது மிதிச்சா தான் வெடிப்பிங்களா?

ஹலோ.. என்ன பேசறிங்க தீபாவளிக்கு அட்வான்ஸ் கேக்கலாம் அட்வான்ஸா தீபாவளிய கேக்க கூடாது...

நீங்க என்ன சொல்ல வர்றீங்க?

சொல்றத புரிஞ்சுகோங்க கிழவி புருசன் மாதிரி புரியாம பேசாதிங்க.......

சரி வெடி வெடிக்கலையா?

இப்ப என் தலைலதான் தலைவலி வெடிக்குது.. ஒரு டீ கிடைக்குமா?

அடடா .. இங்க கடை இல்லிங்களே...

ஏன் ஆபிஸ் பாய் இல்லையா?

இன்னைக்கு தீபாவளிங்க ஆபிஸ் லீவு...

ஓ...அப்ப முரட்டுத்தனமா பலகாரம் சாப்பிட்டா நாளைக்கு கொசு தொல்லை இருக்காது கரெக்ட்.....

அந்த வெடி நாளைக்கு... இப்ப மத்தாப்பு ஆவது பத்த வைங்க...

இங்க பாருங்க வெங்கி எனக்கு யாரையும் பத்தவச்சு பழக்கமில்லை...ஆனா என்னை பத்தி பத்த  வைக்குறவங்க ஆபிஸ்ல இருக்காங்க....

அய்யோ ஆபிஸ் ஆபிஸ் ஆபிஸ் அதைத்தவிர வேற எதுவும் தெரியாதா?

எப்படிங்க சம்பளம் கொடுத்து தடையில்லா நெட் வசதி கொடுத்து வேலைக்கு வச்சு இருக்கறவங்களை மறக்க முடியமா?!!!

ஆஹா... இத படிச்சா உங்க MDக்கு நெஞ்சு வெடிக்குமே... ஒரு வெடின்னாலும் அருமையா வெடிச்சிங்க ஸ்ரீ

ச்சே.. பொய்ய்யை போல நன்றாக இருப்பதில்லை நிஜம்..சரியா வெங்கி...

(ஏன் தலை தெறிக்க ஓடறாரு)

நான் விடு ஜூட்......

Jaishree palani பட்டாசு வெடிக்கிறார்.....

என்னங்க ஜெய் ரொம்ப நேரமா வெடிய கையில வச்சு இருக்கிங்க வெடிக்கலை...

இருங்க வெங்கி யாராவது ரோட்டுல கிட்ட வரும் போது வெடிய போடுவோம்... ஹா.. ஹா,,

அய்யோ அவங்க பயந்துட போடறாங்க..

ஆமா யாரையாவது பயமுறுத்திகிட்டே இருக்கணும்...நான் எப்பவும் டெரரா இருப்பேன்...

அதுசரி நீங்க ஒரு டீச்சர் அத மறந்துடாதிங்க...

அடபோங்க வெங்கி... என் ஸ்டூடண்ட்ஸ் கிட்டயே நான் தான் சந்திரமுகின்னு சொல்லி பயமுறுத்தி வைச்சுருக்கேன்...

( சட்டென்று தலையை விரித்து கண்களை உருட்டி லக லக போஸ் தருகிறார்... மேலே மரத்தில் ஒரு காக்கா கக்கா போகிறது)

சரி சரி... இந்த மத்தாப்பு வெடிக்கலாமா?

நோ... வெங்கி... மத்தாப்பு, புஸ்வாணம் எல்லாம் வேணாம்... அணுகுண்டு, எலக்ட்ரிகல் பாம், ஃபயர் பிளாஷ்.... இப்படி அதிரடியா குடுங்க....

சரி இந்தாங்க...( வாங்கிக் கொண்டு வீட்டுக்குள் போக முற்படுகிறார் )

ஏங்க வெடிக்காம வீட்டுக்கு போறீங்க?

ஓ.. அதுவா.. இப்ப எல்லாரும் வெடிக்கிறாங்க இப்ப வெடிச்சா எனக்கு மரியாதை இல்ல எல்லோரும் தூங்குனவுடனே வெடிப்போம்...சத்தம் கேட்டு அலறி அடிச்சுகிட்டு எழுந்திரிப்பாங்க பாக்க டெரரா இருக்கும்... (விழியை உருட்டுகிறார் நமக்கே டெரரா இருந்தது )

சரிங்க இந்த மத்தாப்பு,சங்குசக்கரம்,புஸ்வாணம்,ஆனைவெடி இதெல்லாம் வாங்குனது வேஸ்ட்டா?

யாரு சொன்னா அதை வெடிக்க என் செல்லங்கள் இருக்கே...!

யாருங்க உங்க பசங்களா?

பசங்க மாதிரி... (கீச்சு குரலில் கூப்பிடுகிறார்)செல்லங்களா வாங்க.....

(4 பூனைக்குட்டிகள் வருகிறது) இதோ வந்துருச்சு என் செல்லங்கள்....இப்ப வெடியை கொடுங்க..

ஏங்க பூனை எப்படிங்க வெடிக்கும்?!!!!!!!!!

என் பூனை அம்மான்னே கத்தும் கேளுங்க (அம்மா என இவர் கத்த அதுவும் அம்மா?! என்கிறது.. )    (பாவம் எவ்வளவு கொடுமைய அனுபவிச்சதோ அந்த பூனை..)

உங்க பூனை மட்டும் பெங்களுர்ல இல்லாம தமிழ் நாட்டுல இருந்துச்சி நீங்க பெரிய ஆளா ஆகிருப்பீங்க....

சரி.. மத்தாப்பை கொடுங்க..(.வாங்கி பற்ற வைத்து பூனை வாயில் வைக்கிறார்) இந்தாங்க வெங்கி என் மொபைல் அப்பிடியே ஒரு விடியோ எடுங்க என் செல்லங்கள் வெடி வெடிக்கிறதை FB யில் போடணும்...

( நான் எடுத்து கொண்டிருக்கும் போது டமார் என்று என் காலுக்கு கிழே வெடிக்க நான் அலறி ஓடுகிறேன்)

ஹா... ஹா.. ஹா,, வெங்கி... எப்படி பயமுறுத்திட்டேனா....என் பூனை தான் உங்க காலுக்கு கிழே ஒரு யானை வெடிய வெடிச்சுச்சு.... உலகத்துலேயே யானை வெடி வெடிச்ச பூனை என் பூனை தான்...

( நான் ஓடிக்கொண்டே) யானையை விரட்டுன பூனையும் உங்களுது தான்... விடு..ஜூட்....

லால்குடி நாராயணன் பட்டாசு வெடிக்கிறார்....

இந்தாங்க மத்தாப்பு ....( பற்ற வைக்கிறார் ) 

அப்பாடா வெடிச்சாச்சு ஒரு நிமிஷம் (லேப்டாப் எடுத்து) 2-11-2013 காலை 10 மணிக்கு எனக்கு 1222 Friends ....அடுத்த வெடி கொடுங்க....

இந்தாங்க புஸ்வாணம்..... (பற்ற வைக்கிறார்)

ஹை... இதுவும் வெடிச்சாச்சு... ஒரு நிமிஷம் (லேப்டாப் எடுத்து) 2-11-2013 10:15 மணிக்கு எனக்கு 1230 Friends.... அடுத்த வெடி கொடுங்க.....

இந்தாங்க சரவெடி..... (பற்ற வைக்கிறார்)

சூப்பர் வெடி வெங்கி... ஒரு நிமிஷம் (மீண்டும் லேப்டாப்) 2-11-2013. 10:30 மணிக்கு எனக்கு 1235 Friends.... அடுத்த வெடி கொடுங்க....

ஹலோ ஸார் என்ன இது இங்க வெடிக்கிறிங்களா இல்ல ஃபேஸ்புக்குல வெடிக்கிறிங்களா?

ஓ அதுவா நாம கடவுளுக்கு ஏன் வாழைப்பழம் படைக்கிறோம் தெரியுமா?

ஸார் அதைஅப்புறம் பாக்கலாம் முதல்ல லேப்டாப்பை வையுங்க ஓகே... (மனமின்றி வைக்கிறார்)

சரி வெங்கி அடுத்து என்ன வெடி?

இந்தாங்க இது புது வெடி...(பற்ற வைக்கிறார்... புஸ்ஸ் ஆகிறது)

அய்யே என்ன வெங்கி எங்க வாங்குனிங்க வெடி நல்லா இல்லையே?

சாரிசார் இது தெரிஞ்ச ஒரு நண்பர் கடையில வாங்கினேன் ...

ஹா..ஹா.. இப்ப என் ஜோக் ஒண்ணு ஞாபகம் வருது... ஏப்பா ஜெயில் வாசல்ல பட்டாசு கடை வச்சு இருக்கே வியாபாரம் ஆகுதா?! நீங்க வேற ஜாமீன் கிடைச்சா தொண்டர்கள் நிறைய வாங்குறாங்க வியாபாரம் சூப்பர்...ஹா,,,ஹா,,, எப்புடி..

நல்லா இருக்கு ஸார்... இருங்க நான் போயி பட்டாசை மாத்திட்டு வந்துடுறேன்...

ஓ...அப்ப சரி போயிட்டு வாங்க... (லேப்டாப் எடுக்கிறார்) 2-11-2013 11:00 மணிக்கு எனக்கு 1255 Friends.....

நான் விடு ஜூட்.....