கனவுக் கதைகள் - 1
அதிகாலையில் ஒரு கனவு... நான் விம்பிள்டன் பைனல் மாட்ச் பார்த்து கொண்டிருக்க மரியா ஷரபோவா வெற்றி பெறுகிறார்...
வெற்றி பெற்றதும் காலரியில் இருக்கும் என்னை ஓடி வந்து கட்டிக் கொள்கிறார்... நான் அசத்தலாக சிக்ஸ் பேக் உடலுடன் இருக்கிறேன் (கனவென்பதால் இதை நீங்கள் நம்பலாம்...! பரிசீலிக்கவும்)நிருபர்களிடம் பேட்டி தருகையில் என் வெற்றிக்கு காரணம் வெங்கி.. என்கிறார்..
இந்த வெற்றியை எப்படி கொண்டாடப் போகிறீர்கள்? என்ற கேள்விக்கு பசிபிக் கடலில் வெங்கிக்காக ஒரு தீவு வாங்கியுள்ளேன் அங்கு ஒரு மாதம் நாங்கள் ஓய்வெடுக்கப் போகிறோம் என்றார்...இந்த பேட்டி அளிக்கும் போது நான் சோபா மீதும் மரியா என் மடி மீதும் அமர்ந்திருந்தோம் என்பது குறிப்பிடத்தக்கது...
பிறகு நானும் மரியாவும் எங்களது ரோல்ஸ்ராய்ஸில் ஏறி விமான நிலையம் சென்று எங்களது சொந்த விமானத்தில் பசிபிக் செல்கிறோம்..விமானத்திலேயே ஆட்டம் பாட்டம் விருந்து என அமர்க்களப்பட்டது... எங்களது தீவில் வந்து இறங்கி எங்கள் மாளிகைக்குள் நுழைகிறோம்.. மரியா என்னிடம் வெங்கி இருங்க நான் ஸ்விம் சூட்டில் வர்றேன் என சொல்லி அறைக்குள் நுழைந்தார்...
கதவுக்கு வெளியே ஆவலுடன் காத்திருந்தேன்...
2 நிமிடத்தில் கதவு திறந்தது.. அங்கே......
.
.
.
கட்................கனவும் கலைந்தது!
ஏங்க! அதிகாலையில் கண்ட கனவு பலிக்குமாமே!!! உண்மயா!!
பின் குறிப்பு : இங்கு இடப்பட்டிருக்கும் மரியாவின் புகைப்படம் கனவில் வந்த மேட்ச் புகைப்படம் அல்ல! யாரும் வதந்திகளை நம்பாதீர்கள்...
No comments:
Post a Comment