நவரத்தினங்கள்....

நம்முடைய முகனூல் 

நவரத்தினங்கள்......

1. குட்மார்னிங் குமரேசன்கள்.... 

காலையில் நீங்கள் எப்படி நல்ல ஸ்டேட்டஸ் போட்டாலும் குட்மார்னிங் மட்டுமே போடும் ரத்தினம் நம்பர் - 1.

2. தத்துவ தண்டபாணிகள்...

ஹிட்லரின் பெரியப்பா முதல் எலிசபெத் ராணியின் ஒண்ணு விட்ட அத்தை வரை அவர்கள் சொன்னதாக தத்துவ முத்துக்களை அடித்துவிடும் ரத்தினம் நம்பர் -2.

3. பொன்மொழி பொன்னுசாமிகள்...

நகை செய்யும் ஆசாரி சொல்வது கூட பொன்மொழி தான் இவர்களுக்கு... டெய்லி ஷீட் காலண்டர்கள் இல்லாவிட்டால் முகனூலை விட்டே போய்விடும் ரத்தினம் நம்பர் -3.

4. தகவல் தங்கராசுக்கள்....

முந்தாநாள் முகனூலுக்கு வந்தவிட்டு அரதப்பழசான பதிவுகளை மறு ஒளிபரப்பு செய்வார்கள்.. கூகுள் வேலை செய்யாத நாட்களில் முகநூல் வர மாட்டார்கள்... ரத்தினம் நம்பர் -4.

5. கட்& பேஸ்ட் கன்னையன்கள்...

முன் ஜென்மத்தில் டெய்லர்களாக பிறந்தவர்கள்... பதிவரின் பெயரை மட்டும் எடுத்துவிட்டு இவர்கள் கடை லேபிளை ஒட்டிவிடுவார்கள்... ரத்தினம் நம்பர் - 5.

6. புலவர் புண்ணியகோடிகள்...

ஆச்சர்யக்குறி, கமா,கேள்விக்குறி, மேற்கோள் குறிகளை கீ போர்டில் இருந்து நீக்கி விட்டால் கவிதை வராது...இந்த கவிதைஅட் ராசிட்டிகள் .... ரத்தினம் நம்பர் -6.

7.வீடியோ விஜயகுமார்கள்....

யூட்யூப்பை யாராவது கண்டு பிடிக்காதிருந்தால் இவர்கள் கண்டுபிடித்து இருப்பார்கள்.. அநேகமாக முன்னாள் விடியோ கேசட் கடை நடத்தியவர்கள்... ரத்தினம் நம்பர் -7.

8. போட்டோ புகழேந்திகள்...

தான் குளிப்பதை தவிர எல்லாவற்றையும் போட்டோ எடுத்து போட்டு விடுவார்கள்  (என்னைப்போல ) வெளிநாடு ஏதாவது போய்ட்டு வந்தா நீங்க பாவம்...ரத்தினம் நம்பர் - 8.

9. ஃபேக் ஐடி சிவசக்திகள்...

மனித ஜீன்களின் உண்மயை கண்டறிந்த ஜெனிடிக் விஞ்ஞானிகளே இவர்கள் ஆணா? பெண்ணா? என்று கண்டுபிடிப்பதில் தோல்வியடைவார்கள்... முகநூலில் இவர்களால் பூவும்வீசும் புயலும் வீசும்... ரத்தினம் நம்பர் - 9.

இந்த நவரத்தினத்தில் நீங்க நான் எல்லோரும் இருக்கோம் சரி தானே....