கி.பி 2500 ஆம் ஆண்டு..
உலகமே ஆவலுடன் காத்திருந்தது ஆப்பிள் நிறுவனத்தின் iOS 500 மாடல் பேபிகளுக்காக..குறிப்பாக பெண்கள் மிகமிக ஆவலுடன் காத்திருந்தார்கள் இந்த இடத்தில் ஆப்பிள் iOS பேபி என்பதை புதிய மாடல் போன் என நினைத்தால் நீங்கள் 21ஆம் நூற்றாண்டின் சராசரி மனிதர்கள். அது ஆப்பிள் நிறுவனம் தயாரிக்கும் ஸ்மார்ட் குழந்தைகள்.
கி.பி.2500 இல் திருமணம் என்பது அரிதாகி லிவிங் டுகெதர் கலாச்சாரம் வேர் விட்டிருந்தது.. குழந்தை என்பது சுமை கணவன் மனைவியே எவ்வளவு நாள் சேர்ந்து வாழப்போகிறார்கள் என்பது நிச்சயம் இல்லாத போது குழந்தை பெற்றுக்கொள்ள பெண்கள் தயங்கினார்கள்.
இருவக்கும் தங்கள் சொத்துக்களை வாரிசுகளின் பேரில் எழுதி வைக்க வேண்டி வருமோ பயம் இருந்தது..மேலும் அதை படிக்க வைத்து ஆளாக்கி வேலை வாங்கிக் கொடுத்து..அப்பப்பா... இதை யார் செலவு செய்வது ஆணா.? பெண்ணா.? ஏனெனில் அப்போது இருவருக்கும் உரிமைகள் சரிசமம்.
மேலும் அன்றைய அரசாங்கம் முறைப்படி திருமணம் செய்து ஒழுங்காக அரசுக்கு வரி கட்டுபவருக்கே குழந்தை பெற்றுக் கொள்ள அனுமதியளித்து இருந்தது. அறிவியலும் விஞ்ஞானமும் அபரிமிதமாக வளர்ச்சியடைந்து மனிதன் ஏழாம் அறிவும் பெற்ற காலம் அது.. நவ நாகரீகத்தின் உச்சம்.
இதையும் மீறி பல்லாயிரம் ஆண்டுகளாக பெண்களின் ஜீன்களில் ஒளிந்திருந்த தாய்மையன்பு தலை தூக்காமல் இல்லை. ரோபோ தயாரிப்பெல்லாம் அரதப் பழசாகிவிட்டிருந்த காலத்தில் தான் இந்த iOS ஸ்மார்ட் குழந்தைகளை ஆப்பிள் தயாரித்து வெளியிடுவதாக அறிவித்தது.
நிஜக்குழந்தை போல பட்டு போன்ற தேகம் சிலிக்கான் சிந்தெடிக் தோலினால் அதே பிஞ்சு விரல் ஸ்பரிசம் அப்படியே நிஜ மனிதக்குழந்தை தான்.ஆனால் இந்தக் குழந்தை வளராது, சாப்பிடாது, அழாது, அடம் பிடிக்காது மூன்று மணிநேரம் சார்ஜ் செய்தால் போதும் அதன் ஆட்டோ பேக்கப்பின் மூலம் ஒருவாரம் தாங்கும். மிக மிக புத்திசாலி உருவத்தில் குழந்தையானாலும் அறிவில் பெரியவர்களுக்கு இணையாக இருந்தது.
ரவியும், ஸ்ருதியும் அப்படி ஒரு ஸ்மார்ட் குழந்தை வாங்கினார்கள்.. புது கிரைண்டர் அட்டைப் பெட்டி போல அழகான ரீ சைக்கிள் அக்ரிலிக் பெட்டியில் பேக் செய்யப்பட்டு அதன் உள்ளிருந்து வெளியே குழந்தையின் முகம் பட்டும் தெரியும்படி பெட்டியில் கண்ணாடித்தாள் ஒட்டப்பட்டிருந்தது.
ஒரே முக அமைப்பு என்றாலும் கண்களில் பழுப்பு, கருப்பு, சாம்பல், நீலம், பச்சை என ஐந்து வண்ணங்களிலும் தலை முடி கருப்பு, செம்பட்டை, கோல்டு, பிரவுன், செமி கோல்டு என ஐந்து வண்ணங்களிலும் அறிமுகம் ஆகியிருந்தது ரவி ஸ்ருதி தம்பதியினர் கருப்பு முடி நீலக்கண்கள் உள்ள..
குழந்தை பேக் செய்த பெட்டியை வாங்கி வீடு திரும்பினார்கள். அதை திறந்த போது உள்ளே அழகாக தலை உடம்பு கைகள் கால்கள் எல்லாம் தனித்தனியாக கழட்டப்பட்டு அதற்குரிய சேம்பர்களில் அடுக்கப்படுருந்தது மேனுவல் நானோ டிஸ்க் ஒன்றும் இணைக்கப்பட்டிருந்தது.
அதை ஏற்கனவே நெட்டில் பார்த்திருந்ததால் அழகாக அதைப் பொருத்தினார்கள் இன்பில்ட் பேட்டரியில் சார்ஜ் இருந்தது குழந்தையின் முதுகுப் புறம் ஒளிர்ந்த டச் ஸ்கிரீனில் இவர்கள் மெயில் ஐ.டி ,பெயர்கள், பாஸ்வேர்டு எல்லாம் கேட்க தகவல்கள் பதிவாகி சில வினாடிகளில்..
ரிஜிஸ்டர் ஆன பின்பு மம்மி என ஸ்ருதியை திரும்பி அழைக்க ஓடிப்போய் கட்டிக்கொண்டாள்..
வரும்..
No comments:
Post a Comment