ஆப்பிள் பேபி 3

#ஆப்பிள்_பேபி  (மூன்று நாள் தொடர்)

(பார்ட் - 3)

ப்ளாட்டிலிருந்து வெளியேறினார்கள் ரவியும் ஸ்ருதியும்.. இவர்களைப் போல சில ப்ளாட்டுகளில் குழந்தைகளை வாங்கியவர்கள் குழந்தையோடு பேசும் பேச்சு கசிந்துக் கேட்டது.. லிஃப்ட்டில் இறங்கும் போது எதிர்பட்ட சிலரில் பலர் கைகளில் புது ஆப்பிள் பேபி அட்டைப்பெட்டி இருந்தது. அவர்கள் கண்களில் குழந்தையைப் பார்க்கப் போகும் ஆசை இருந்தது.

மெல்ல அந்தக் குடியிருப்பின் பூங்காவிற்கு வந்தனர் உறுத்தாத நவீன விளக்குகள் மிகப் பெரிய டிஜிட்டல் திரை கொண்ட டிவி மெல்லிய இசை நீருற்று அழகிய பூக்கள் என எல்லாமிருக்கும் அக்குடியிருப்பின் பூங்கா.. ஒரு  பெஞ்சில் அமர்ந்தார்கள் பெஞ்சில் வெல்கம் என்னும் எழுத்துகள் மின்னி மறைந்தன. ஸ்ருதி விசும்ப ஆரம்பித்தாள்..ரவி பதறினான்.. என்ன ஸ்ருதி.?

ஏன் அழற.? இல்ல ரவி இந்தக் குழந்தை வந்தால் எனக்கு அம்மா ஆன திருப்தி கிடைச்சிடும்ன்னு நினைச்சேன்.. ஆனா இப்ப அப்படியே நொறுங்கிட்டேன்.. ஏய்ய் என்ன இது இதுக்கு போயி ஃபீல் பண்ணிட்டு அது ஒரு இயந்திரம் தானே.. சரி இப்ப சொல்லு கல்யாணம் பண்ணிக்கலமா.. என்றான். ஸ்ருதியும் யோசித்தாள் அவன் சொல்வதிலும் நியாயமிருந்தது.

5 ஆண்டுகள் ஆன பிறகும் இன்னும் அன்பாக இருக்கிறான்.. விட்டுக் கொடுக்கிறான்.. சண்டையிட்டாலும் ஈகோ இன்றி முதலில் பேசுகிறான்.. ஓ.கே ரவி அதுதான் சரின்னாலும் ஒரே ஒரு நாள் டைம் கொடு என்றாள்.. என்ன ஆப்பிள் பேபியால் பிரச்சனையா.? பின்னால் குரல் கேட்க திரும்பினார்கள்.. அவர்களது நண்பர்கள் மஞ்சுவும் ஹரியும் நின்றார்கள்.

ஹாய்.. ஹாய்.. வாங்க அது எப்படி உங்களுக்கு.? இப்ப தான் நாங்களும் குழந்தையை விட்டுட்டு வெளியே வர்றோம்..என்றான் ஹரி.. மம்மின்னு சொன்னவுடன் வாரி எடுத்து அணைத்தேன்.. என் உடல் சூடு பட்டதும் மம்மி நாளை மறுநாள் உன் ப்ரீயட்ஸ் பீகேர்ஃபுல் என்றது குழந்தை" விசும்பினாள் மஞ்சு. டாடி நீ நீள கோடுள்ள ஆடையணிந்தால் இன்னும் ஸ்மார்ட் ஆவாய் என்கிறது..

இதெல்லாம் குழந்தைகள் பேசும் பேச்சா? இவர்கள் குழந்தை வடிவில் இருக்கும் அறிவாளிகள் இவர்களிடம் எப்படி குழந்தைத் தன்மையை எதிர்பார்ப்பது.. நாங்கள் திருமணம் செய்து கொள்வதாக முடிவு செய்துள்ளோம் ரவி என்றான் ஹரி. நாங்களும் அந்த முடிவுதான் எடுப்பதாக உள்ளோம் ஆனால் ஒருநாள் காத்திருக்கச் சொல்கிறாள் ஸ்ருதி.. ரவி"

ஏன் ஸ்ருதி?மூன்று வருடங்கள் கூட ஆகாத நாங்களே திருமணம் செய்து கொள்ள இருக்கும் போது நீங்கள் ஏன் தயங்குகிறீர்கள் மஞ்சு கேட்க இல்லை குழம்பிய மனநிலையில் நான் முடிவெடுப்பதில்லை.. அது தான் அப்படிச் சொன்னேன் எனச் சொல்லும் போது பிளாட்டில் உள்ள ஏராளமானவர்கள் ஜோடி ஜோடியாக பார்க்குக்கு வந்து கொண்டிருந்தார்கள்.

ஒரு பேபி உங்க மொபைல் நம்பரில் என் ஐ.எம்.ஐ.ஈ நம்பரை சேவ் பண்ணிக்கோங்க தொலைந்தாலும் ஐ - க்ளவுடில் என்னை கண்டுபிடிக்கலாம்ன்னு சொல்லுது..

அட ஏன் நீங்க தமிழ் லாங்வேஜ் ஃபேவரிட்டா வைக்கலன்னு கேக்குது..?

நீங்க ஆபிஸ் போங்க வீட்டை நான் பாத்துக்கிறேன்னு சொல்லுது..

அனாசியாமா வீடியோ கேம்ஸ் ஆடுது..

எல்லாரும் பேபி வாங்கியவர்கள் எனத்தெரிந்தது.. அதில் பலர் திருமணம் செய்து கொள்ள முடிவெடுத்து இருந்தனர்..அப்போது வேகமாக மூச்சிரைக்க வந்தான் ஒரு பிளாட் வாசி டிவியில் பாருங்கள் டிவியை ஆன் செய்யுங்கள் என்றான்.. பூங்காவில் உள்ள டிவியை ஆன் செய்தார்கள். இவர்களைப் போல பலர் ஸ்மார்ட்பேபிக்கள் பற்றி அங்கலாய்த்து பேட்டியளித்துக் கொண்டிருந்தார்கள் நடுவில் ஒரு விளம்பரம்...

ஆப்பிள் நிறுவனம் ஆர்வத்தில் அதீத திறன் படைத்த குழந்தைகளை படைத்து விட்டார்கள் அது தான் பிரச்சனை.. இனி கவலை வேண்டாம் எந்த வயது குழந்தை என சொல்லிவிட்டால் அந்த குழந்தைத்தனம் மாறாத குழந்தைகளை தயாரித்து 

அடுத்த மாதம் வெளியிட உள்ளோம் இந்த ஆப்பிள் குழந்தைகளை எக்சேஞ்ச் செய்து கொண்டு அவர்களை வாங்கிக் கொள்ளலாம் ஆப்பிள் செய்த தவறினை ஆண்ட்ராய்டு செய்யாது... அடுத்த மாதம் அறிமுகம் ஆண்ட்ராய்டு பேபிகள்.. சாக்லேட் கப் 500 வெர்ஷன்..

இந்தச் செய்தியைக் கேட்டு கைத்தட்டினர் அனைவரும்.. மெல்ல ரவியை பார்த்து ஸ்ருதி சொன்னாள் நாம வெயிட் பண்ணலாம் ரவி.

நிறைந்தது.