ஆப்பிள் பேபி 2

#ஆப்பிள்_பேபி  (மூன்று நாள் தொடர்)

(பார்ட் - 2)

ஸ்ருதியை மம்மி என அழைத்து அவள் கைகளில் இருந்த பேபி மெல்ல இப்போது ரவியிடம் திரும்பி டாடி என்றது.. அவனுக்கும் மகிழ்ச்சிதான்.. ஆனால் ஸ்ருதி அளவு வெளிப்படுத்தவில்லை ஸ்ருதி குழந்தையை கன்னம் கை என மாறி மாறி முத்தமிட்டாள்.. ஜாக்கிரதை கன்னத்தில் மட்டுமே வாஷ் ஃபுரூப்... பட் உன் மவுத் பிரஷனர் மணம் அருமை என்றது குழந்தை.

இருவரும் வியந்தனர்.. சரி எனக்கு என்ன பெயர் வைக்கப்போகிறீர்கள்.?உலகில் எந்தக் குழந்தையும் பெற்றோரிடம் கேட்காத கேள்வியைக் கேட்டது.. கொஞ்சம் குழம்பினார்கள்.. ஓகே என் முதுகில் உள்ள டிஸ்ப்ளேவில் பேபி நேம் ஆப்ஷன்ஸ் என்னும் ஆப்ஸ் இருக்கு அதில் தேடுங்கள் பிடித்தால் அதிலொன்றை வைத்து விடுங்களேன் என்றது.

ரவி யோசித்தான்.. உனக்கு ஆப்பிள் என்றே பெயர் வைக்கிறேன் என்றான் மெல்ல நகைத்த குழந்தை இப்படி ரேண்டமாக என்னால் நினைவு படுத்திக் கொள்ள முடியாது நீ செட்டிங்ஸில் போய் ரிஜிஸ்டர் செய் அப்போது தான் என் மெமரியில் சேவ் ஆகும் என்றது.. அப்படியே செய்தனர். சரி நீங்கள் சாப்பிட்டீர்களா? இதுவும் உலகில் எந்தக்குழந்தையும் கேட்காத கேள்வி.

இல்லை என்றார்கள் போய் சாப்பிட்டு வாருங்கள் அப்படியே எனது கிட்டில் இருக்கும் கிளுகிளுப்பை வீடியோ கேம்ஸை என் கையில் தாருங்கள் நான் அதுவரை விளையாடிக் கொண்டிருக்கிறேன் என்றது. வியப்புடன் அதை எடுத்துத் தந்து விட்டு சாப்பிடப் போனார்கள். குழந்தை அந்த கேம்ஸை வாங்கி கேம் செலக்ட் செய்து லேட்டஸ்ட் கேண்டிகிரஷ் ஆட ஆரம்பித்தது.

அரைமணி நேரத்திற்குப் பிறகு சாப்பிட்டுத் திரும்பிய அவர்களைப் பார்த்து சிரித்தது. வந்துவிட்டீர்களா இப்போதான் 168 வது லெவல் வந்து இருக்கிறேன் அழகாக கொட்டாவி விட்டது.. எப்போது தூங்குவீர்கள் இருவரும் என்றது 11 மணிக்கு என்றார்கள் கோரஸாய். ஓ.கே இப்போது 9மணி தான் ஒன்று கேட்டால் என்னை தவறாக நினைக்க மாட்டீர்களே.!

என்ன என்றார்கள்.. இன்றிரவு இருவரும் செக்ஸ் வைத்துக் கொள்வீர்களா? குபீரென இருவரும் அதிர்ந்தார்கள்.. இல்லை அப்படி இருந்தால் 10 மணிக்கு நீங்கள் என்னை சார்ஜ் செய்ய வேண்டும் அப்போது ஆட்டோ ஸ்லீப் மோடை அழுத்திவிடுங்கள் உங்களுக்கு இடைஞ்சலாக இருக்கமாட்டேன் எனச் சொல்லி விஷமமாக கண்ணடித்தது ஆப்பிள்.

நீ நிறைய பேசுகிறாய்..என்றாள் ஸ்ருதி.. என்ன செய்ய என் மேக் அப்படி வேண்டுமானால் ஒரு கதை சொல்லவா இருவருக்கும் என்றது.. உன்னிடம் குழந்தைக்குரிய தன்மையே இல்லை வளர்ந்த இளைஞன் பேசுவது போல உள்ளது.. ஓ நீங்கள் அதையும் என்னிடம் பார்க்கலாம் இன்னசென்ஸ் மோட் என அழுத்திவிட்டால் நான் அழுவேன் அடம் பிடிப்பேன் சிரிப்பேன்.

மழலையாக பேசுவேன் பார்க்கிறீர்களா என்று விட்டு.. ங்கா..ங்கா.. பூ.பூ..பூ என்றது.. சரி நீ எப்போது உறங்குவாய் என்றான் ரவி.. நீங்கள் உறங்கியதும் எனக்கு உறக்கம் என்பது ஸ்லீப் மோட் ஒவ்வொரு 10 பர்சண்ட் பேட்டரி இறங்கும் போதும் ஒரு கொட்டாவி விடுவேன் 3 வது கொட்டாவியில் ஆட்டோ ஸ்லீப் ஆகிவிடுவேன் 3 மணி நேரம் ஆகிவிட்டால்... மீண்டும்

சார்ஜ் பேக்கப் செய்து கொண்டு ப்ரெஷ்ஷாக எழுந்துவிடுவேன் என்றது. கொஞ்சம் திணறி தான் போனார்கள் ரவியும் ஸ்ருதியும்.. ரவி லேசாக ஸ்ருதியிடம் கண்ணைக் காட்டிவிட்டு  சரி நீ இரு உன்னை சார்ஜ் போட்டு விட்டு நாங்கள் ஒரு வாக் போய் வருகிறோம் என்றான் ரவி.. 

ஸ்ருதியும் புரிந்து கிளம்பினாள்.. என்ன ரொமான்சா... என்ஜாய் பிடரியில் விழுந்தது ஆப்பிளின் நக்கலான குரல்..

வரும்...