சுஜாதா

சிரிக்காமல் கிடைக்கும் தமாஷ்களில் சிறந்தது - செக்ஸ்.

   - உடி ஆலன்.

தினமும் நான் செய்தித்தாள் படிக்கிறேன் அது ஒன்று தான் நான் விரும்பிப் படிக்கும் தொடர்கதை - அனாய்ரின் பெவான்.

நான் தான் கடவுள் என்பது எனக்குத் தெரிகிறது..காரணம் நான் பிரார்த்தனையின் போது எனக்குள் பேசிக் கொள்கிறேன் - பீட்டர் பார்ன்ஸ்.

மகப்பேறு.. மனைவியாய் இருப்பதின் அபாயங்களில் ஒன்று - இங்கிலாந்து இளவரசி ஆன்.

சிரிக்க வைக்கும் சில புத்தகங்களின் தலைப்புகள்:

மெல்ல நடவுங்கள், என் ஜோக்குகளை மிதித்து விடுவீர்கள் - மால்கம் மக்கரிட்ஜ்.

இரண்டு வழுக்கை ஆசாமிகள் ஒரு சீப்புக்கு போட்டுக் கொண்ட சண்டை - ஜார்ஜ் லூயி போர்ஜெஸ் (ஃபால்க்லண்டு போரைப்பற்றி)

தன்னைப்பற்றி பேசவில்லை என்றால் கவனிக்காத ஆசாமி - மார்லன் பிரண்டோ (ஒரு நடிகன் என்பவன் யார் என கேட்ட போது)

நிஜவாழ்வில் முயல் தான் வெற்றி பெறுகிறது.. ஈஸாப் எழுதியது ஆமைகளின் மார்க்கெட்டுக்கு. முயல்களுக்கு படிக்க நேரமில்லை அவை ஜெயிப்பதில் சிரத்தையாக இருக்கிறது - அனிதா புக்னர்

எவனும் தன் மாமியாரை எல்லா செலவுக்கும் பணம் கொடுத்து ஒரு மாதம் அனுப்ப வேண்டிய தேசம் - இயான் போத்தம் (பாகிஸ்தானைப் பற்றி)

நன்றி : சுஜாதா அவர்களின் 21 ஆம் விளிம்பு..