Episode - 5 (ஒபாமாவின் இந்திய விஜயம் ஒரு கற்பனை)
மோடி விளக்கும் புதிய பட்டு ரகங்கள்.. இனி மோடி விவரிக்கிறார்...
முதலில் நாம் அறிமுகப்படுத்துவது நமோத்திரிக்கா பட்டு.. சுத்தமான பட்டு சூப்பரான பட்டு ஆரஞ்சு கலர் பட்டு ஆரவார பட்டு பொது நிகழ்ச்சிகளில் அணிந்து கொள்ளலாம் எல்லார் கண்கள் மட்டுமல்ல எல்லா காமிராவும் உங்கள் மேல் தான்,டீ கொட்டினாலும் கறை படியாத ஸ்டெயின் ரிமூவர் டெக்னாலஜி பட்டு இது என்றார்.!
சூப்பர்.. அடுத்து என்றார் மிச்சேல், அடுத்தது அஸ்த்திரகலா பட்டு.. எதிர்க்கட்சிகள் குற்றச்சாட்டுகளை அஸ்திரம் போல தொடுத்தாலும் அது பற்றி கவலைப்படாமல் வெளிநாடு செல்லும் போது அணிய வேண்டிய பட்டு.. மிக மிக லேசானது ஆனால் எதையும் தாங்கும் உறுதியானது பேக் செய்வது சுலபம் என்பதால் டூருக்கு ஏற்றது.!
அடுத்து ஆயுதரா பட்டு.. அதென்ன அர்த்தம்ன்னா நம் அதிருப்தியாளர்கள் யாரும் குரல் கொடுத்தால் அவர்களது குரலை அமுங்கச் செய்யும் பட்டு இது.. இதை அணிந்து கொண்டாலே யாரையும் எதிர்க்கும் துணிவு வரும் ஆறு இழைகளால் செய்யப்பட்ட கனமான பட்டு அவ்வப்போது ஆயுதமாகவும் பயன்படுத்தலாம்.!
ஆஹா.. அடுத்தது.. என்றார் மிச்சேல் "அடுத்து ரகசியா பட்டு.. இது அணிந்திருப்பது பிறர் கண்ணுக்கு அதிகம் தெரியாது நல்லவன் போல் நண்பன் போல நடிக்கும் எதிரியை கை காட்டும் பட்டு..! எல்லைப் புறத்திலும் சில அமைச்சர்கள் வீட்டு கொல்லைப் புறத்திலும் நடக்கும் சதியை கண்டுபிடிக்க உதவும்.. சென்சார்களிலும் ராடாரிலும் சிக்காத பட்டு இது என்றார் மோடி.!
இப்போது உஷாரான ஒபாமா இந்த பட்டு அணிந்தவர்கள் யாரேனும் கடந்த 3 நாட்களாக நம்முடன் இருந்தார்களா என சற்று கோபமான (பயத்துடன்) கேட்க.. அதைப் புரிந்து கொண்ட மோடி.. இல்லை மிஸ்டர் ஒபாமா இங்கு தயாராகும் முதல் புடவையே இது தான் ஆகவே உங்களுக்கு கவலை வேண்டாம் என்றார்.
இதெல்லாம் உங்களுக்காக ஸ்பெஷலா நாங்க நெய்தது.! இந்த புடவைகளை அப்படியே அள்ளிக்கோங்க.! இது ஆடி விற்பனை அல்ல.. இந்தியாவின் அதிரடி விற்பனை..இதை வாங்கிகிட்டு அமெரிக்கா இந்தியாவுக்கு தந்த கடனில் 40 முதல் 50% தள்ளுபடி தாங்களேன் என்று தன் தந்திர வலையை மோடி விரித்தார்.!
அதற்கு பதில் கூறாமல் பனாரஸ் உள்ளிட்ட 100 புடவைகளை பேக் செய்து தன் மனைவியிடம் தரச்சொன்னார் ஒபாமா.. மிச்சேல் அதை பூரிப்புடன் வாங்கிக் கொண்டார்.. அவர் நெக்ஸ்ட் என்று கேட்க பிட்" என்றார் ஜவுளி அமைச்சர்.. புரியாமல் பார்த்த மிச்சேலிடம் அது மேட்சிங் ப்ளவுஸ் எனப்படும் ஜாக்கெட் பிட்டை குறிக்கும் என மோடி விளக்க..
எங்களுக்கு அதிலெல்லாம் பழக்கமில்லை, அதற்கு நேரமும் இல்லை உங்கள் நாட்டு பெண்களை வைத்தே தேர்வு செய்யுங்கள் ஒகே என்றார் ஒபாமா. மோடியும் ஓகே சொன்னார். அடுத்து எங்கே என மிச்சேல் கேட்க..ஒபாமா லேசாக தலை சாய்த்து கன்ணடித்து சொன்னார் தாஜ்மஹால் டியர் என்று.! நாளை தாஜ்மஹாலில்...
(தொடர்வோம்)
No comments:
Post a Comment