பேஸ்புக் தொழில்கள்.

முகனூலும் எதிர்கால தொழில் வாய்ப்பும்..

#ப்யூச்சர்_பேஸ்புக்_ஜாப்ஸ்_டாட்காம்

எந்நேரமும் இங்கிருந்து செய்த தொழிலை விட்டுவிட்டு பரிதவிக்கும் பதிவர்களே கவலை வேண்டாம் எதிர்காலத்தில் இதை விட்டு விடமாலேயே இங்கிருந்து கை நிறைய சம்பாதிக்கும் வாய்ப்பு.. வாருங்கள் எங்கள் ப்யூச்சர் பேஸ்புக் ஜாப்ஸ் டாட் காமிற்கு.. வாழ்க்கை வசமாகும் எதிர்காலம் வசந்தமாகும்.

நேம் சேஞ்சர்ஸ்..ஜாப்1 : உங்கள் ராசிக்கேற்ற நியூமராலஜிப் படி ஃபேக் ஐடிக்கு பெயர் வைத்து தரப்படும்.. படித்தவுடன் குபீரென சிரித்து ப்ரெண்ட் ரிக்வெஸ்ட் அக்சப்ட் செய்யும் அளவிற்கு பெயர் சூட்டப்படும்.. கோணப்புளியங்காய், குவார்ட்டரு தான் மேட்டரு போன்ற பல ஹிட்டான பெயர்கள் இவர்கள் வைத்ததே..முகநூல் மக்களின் நம்பிக்கை பெற்ற கைராசி நிறுவனம் எழுத்து ஒன்றிற்கு 50ரூபாய் கட்டணம்.. தற்சமயம் ஒரு ஐடி நேமுக்கு ஒரு ஐடி நேம் இலவசம் முந்துங்கள் உங்கள் பெயர் மாற்றத்திற்கு..இச்சலுகை எங்கள் மூளையில் ஸ்டாக் உள்ளவரை மட்டுமே.. தயவு செய்து எங்களிடமாவது உண்மைத் தகவல் கொடுப்பது அவசியம்.

கும்மி குரூப்ஸ்..ஜாப்2 : யாராவது இரண்டு கோஷ்டிகளில் பதிவுச் சண்டை நடக்கும் போது உங்கள் பக்கம் பலவீனம் ஆகிறதா.! கவலை வேண்டாம் கும்மி குரூப்சில் இணையுங்கள்.. எதற்கும் அசராத, சூடு சொரணை கொஞ்சமும் அற்ற 11பேர் கொண்ட பல குழுக்கள் எங்களிடம் உள்ளது.. உங்கள் பதிவுகளில் வந்து பதிலடி கொடுத்து பின்னூட்டத்திலும் பித்தலாட்டம் ஆடி தங்கள் கமெண்ட்டால் கதி கலக்கி எதிரணியை கும்மி எடுப்பதில் வல்லவர்கள்.. எவ்வளவு மானக்கேடாக திட்டினாலும் அடிதடிக்கு மட்டும் போகா மாட்டார்கள் என்பது தனிச்சிறப்பு.. தினசரி சண்டைக்கு 1மணி நேரத்துக்கு500ரூபாய் கட்டணம் மாதசந்தா வருடசந்தா சலுகைகளுமுண்டு!

லைக் ரெய்னர்ஸ் ஜாப்3 : மிக குறைந்த நாளில் நீங்கள் அதிக லைக் பெற்று பேஸ்புக் பிரபலமாக வேண்டுமா? லைக் ரெய்னர்ஸ் இருக்க கவலை ஏன்.! இன்று செவ்வாய்க் கிழமை என்று கூட பதிவிட வேண்டாம் இன்று அல்லது இ என்று பதிவிட்டாலே லைக் மழை பொழிவார்கள்.. லைக் ஒன்றுக்கு 5 ரூபாய் கட்டணம் ஆயிரம் லைக்குக்கு மேல் கேட்பவருக்கு ஒரு லைக் 4ரூபாய் மட்டுமே.. இனி லைக் வாங்க பிராபளம் இல்லை இனி பிரபலம் நீங்கள் வானமே எல்லை.!

சாட் ரிவெஞ்சர்ஸ் ஜாப்4 : உங்கள் எதிரிகளை அமைதியாக பழிவாங்க ஏற்படுத்தப்பட்ட சீக்ரெட் ஏஜெண்ட்ஸ் அணி இது.. குறிப்பிட்ட நபரை கைகாட்டி விட்டால் அவரிடம் நட்பு கொண்டு அவரை சாட்டுக்கு வர வழைத்து ஸ்க்ரீன் ஷாட் எடுத்து நாறடிப்பது எங்கள் தலையாய பணி.. இதற்காக ஃபேக் ஐடி இல்லாது ரியல் மகளிர்க் குழுக்கள் வைத்து இயங்குவது எங்கள் தனிச்சிறப்பு.. மசியாத சில உறுதியான எதிரிகளுக்கு நாங்களே ஸ்க்ரீன் ஷாட் எடுத்து தருவோம்.. நீங்கள் காட்டும் ஆளை பொறுத்து கட்டணம் முடிவு செய்யப்படும் கஷ்டமான வேலை என்பதால் கட்டணத்தில் எந்த தள்ளுபடியும் இல்லை. இது கறார் விலைக்கடை.!

இது போல இன்னும் 60 தொழில்கள் உள்ளன தெரிந்து கொள்ள விரும்பினால் 10ஆயிரம் ரூபாய் எனக்கு டிமாண்ட் டிராஃப்ட் அனுப்பி தெரிந்து கொள்ளவும்.